廠務碌碌
日日繼續天昏地暗的工作，一為唔想聽到前度響我耳邊 wung wung 聲，二為新歡Eminem! ：Love the way you lie:
記得一定要聽埋Part II，極力推介！家陣已經完全唔記得邊個係Taylor Swift...（但仲記得Cyndi Lauper!）
***************
係，今日響工廠賴左野！
事緣孖屐亭 head office出左個依貓批文，勒令要所有廠務人員 － 東至日本廠，南跨澳洲南非智利，西達阿拉斯加，北連伯令海，上至各級老闆，下至各層薯仔,intern,件工,forced labour等等，最遲響聽日匯報新letterhead 應用進度。
呢類批文成日都見好正常，今次同以往亦出現同樣醒目仔都會犯既錯誤，唯一唔同既係，呢個錯誤之所以一錯再錯，係有好多人都以為自己無錯。
孖屐亭HQ 個email批文，set 左個新 mailing list，將工廠所有人放曬落去，然後比個名叫letterhead council。個email 順順利利 send左去letterhead council，跟住全世界都知咩事。點知同以往一樣，有d 唔清醒但又好好學既，想confirm 下個deadline幾時，一下REPLY ALL.... 全廠連山旮旯office 過萬人個inbox 就收到一封 junk mail，然後過程中有問有答又收到一堆filtered 唔到既junk mail。
都算，呢d 事，成日發生，自不然會有人出聲叫停，叫班孜孜不倦既學子唔好再REPLY ALL 勒，跟住有人覺悟，有人投胎。點知可能因為今次個新mailing list 實在太人性化勒，俾人誤會係hotline！唔同以前咁，乜乜department，乜乜region，乜乜business unit，一睇就知send曬比全世界。一封普通enquiry，變左x10,000 封follow-up，再變x100,000 封話唔知點解俾左佢，再變x1,000,000唔好叫人唔好REPLY ALL，如此類推。
嘿，我以為自己好聰明，於是一野同成萬人講，叫佢地唔好黐個新mailing list落去就得，OK，都相安無事，仲有來自Aberdeen（唔係香港仔，而係蘇格蘭果個！）甚至Fargo （咪雪花膏離奇命案果庶囉）既靚女acknowledgement，心諗，應該奏效勒卦。
嘿嘿，點知俾個響Badajoz 果邊IT總部某靚仔analyst 話我添亂。好心著雷劈。都算，解釋左雖然換唔到咩，攞番個彩條氣都無咁chok。
嘿嘿嘿，咪話我地工廠d人秉性真係純良，竟然破紀錄由以往五封起七八封止，都家陣卅封以上就快破50大關！
嘿嘿嘿嘿，50遮，碎料喇，身邊同事雖然媽媽聲但都慣曬，見一封delete一封，Aberdeen個姐姐仔（定係妹妹仔？第一次傾計，唔識）佢話我聽都係咁策略。
嘿嘿嘿嘿嘿既係，我send出去以為好有型果封email，換黎無花無假過千封Out of Office Reminder 同埋 Undeliverable warnings，逼爆我爆唔可爆既mailbox！頂，邊有工廠同一時間咁Q多人放假架...
just gonna stand there and watch me burn...
17 comments:
呢首歌係我嘅最愛之一，嗰種感情超級有震撼力。初初聽鍾意 version 2 多啲，後尾覺得 version 1 正啲。
Love hate relationship 其實比想象中普遍，因為唔一定會牽涉暴力，亦唔一定只限於愛情。我諗唔係人人識handle。
知啦! 收到啦!
Love the way I lie 嘛！Me too! ^_^
咁我就繼續lie囉！哈哈！
我用 gmail import 公司email
要set filter 好簡單
用web gmail 亦可以設定 send as / reply as 公司email
ken.yong:
都係果兩個字：好正。
咦？我原來同你一樣，都係初初鍾意part 2 多d，之後覺得Part 1重正。可能原因係Part 1兩個比重差唔多，part 2 Rihanna太搶。
琴日認真睇番兩首既歌詞之後覺得，不同程度既暴力/manipulation，其實都好普遍，所以呢首歌令我好有共鳴。
牛妹：
喂！我係希望你love the way I lie 咋，你要同我老老實實呀，如果唔係我企定定睇住你burn架。=p
泡影：
咁我最終都set左filter，否則我右食指一定報廢。
喂！公平D好喎，边个lie 边个都得啦！出黎行，最緊要大家happy嘛，
同意Part 2 Rihanna太搶，令到首歌有啲"寡"，無咁多元化。
暴力分好多種，有physical (出手打人，非法禁錮)、verbal (出言恐嚇，不斷吵嚷)、psychological (欺侮、打壓、控制、忽視)，有啲其實好常見：常發脾氣、多番控制、無故失蹤，只不過有啲人身在其中唔覺唔覺，以為一定要承受，以為有啲人"脾氣生得臭無辦法"。Abusers通常有童年/歷史陰影，或者有情緒病。
好奇怪(或者唔奇怪)，我無見過香港嘅博客/歌曲寫關於呢種題材嘅嘢。
唔好意思，我當每日一笑來看，哈哈。
好似好好玩咁播 :)
如果可以喺Reply All度加啲病毒落去再經proxy server寄出等人trace唔到仲好玩。 XD
牛牛，
唔制！總之我輸打贏要！
ken.yong:
查實呢，我自己都寫過下架勒，有冇留意到？well，自問響呢類環境長大，感觸之餘，又唔想寫到咁白咁遮。例如：
http://inhumanresources.blogspot.com/2008/07/blog-post_6618.html
http://inhumanresources.blogspot.com/2010/04/blog-post_17.html
鹿米：
哈，如果你親歷其景，可能好似我咁會當場笑到麓地。班友左問右問話：點解我收到呢個貓？或者，我係叫Anna但個姓氏點解唔同既？
p.e.t.e.r.：
嘩，好毒喎你，邊庶學番黎嫁...
CM:
你寫得真係一啲都唔白，我好鬼蠢其實咩都睇唔通，睇完Haricot篇文章之後就好好多。我只有兩樣嘢想寫 -
1. 雖然我唔清楚你嘅情況，但係family bullying一啲都唔罕見。我其實好surprise原來咁普遍。
2. 面對呢啲bullying (family or not)，個人認為最effective嘅方法(when one is an adult)係對bullying say no，將對方隔離，甚至乎去到斷絕關系，就算當中曾經有幾多義存在過。過程當中一定會有旁人"曉以大義"，呢啲人可以全然不理。當然，不理之前，個人一定要有足夠嘅自信心去支撐住。最重要嘅係，唔好比自己繼續受到傷害。
我衷心希望版主已經"痊癒"。
個MV有Megan架?正呀。
ken.yong:
成年之後，向bullying say no我相信的確是第一步要做的。至於往後該以什麼態度去面對這種經歷，就要視乎最終的目的以及受bullied的程度（等）。如果只是要維持自己情緒的穩定性或精神status quo，那斷絕關係以至完全隔離，或許是一個辦法，以免傷害加深，不過始終治標不治本。治療人心，最靠自己勇敢面對。
而我個人，正克服中。多謝鼓勵。
鹿米：
呃？原來果個就係Megan Fox黎咖？！
CM:
睇完你嘅回覆，我仲有啲嘢想寫 -
治療嘅過程可以好漫長，視乎傷害嘅程度，十年是閒事，有啲人甚至乎會永遠"好唔番"。當中嘅過程相當磨人，情緒起伏時起時跌。一諗到對方對自己嘅好同義時(btw有好多abusers以愛之名行兇)，而自己卻要將對方隔離或斷絕關系一啲都唔好受，係一種變態嘅長期精神折磨。
面對呢種經歷，避免自己受到長期負面影響一啲都唔容易，其一係畢竟旁人以為唔會發生嘅嘢，就偏偏自己親身經歷過，要自己再去相信其實一啲都唔容易。而係呢個過程中，有啲衰人(係唔知道有呢段經歷情況下)會"落井下石"。其二係自己會怕自己將來會變成abuser。
我唔係心理治療師，不過個人覺得誠實地面對自己可能係一個辦法。知道自己嘅核心價值係咩，底線係咩，相信自己嘅同時，亦都接納自己嘅經歷同歷史，同埋世界上有好多嘢係無辦法控制。
喺你度囉!
ken.yong:
你所講既正係我咁多年黎既感受。我幸運既地方係，對方有改變，令我個人較容易擺脫自我沉溺（認為自己係受害人）既境況。同疾病一樣，唔係單靠外力、藥物可以復原，最緊要靠自己意願、意志、培養自身免疫力。坦誠面對自己個弱點，就係自療既第一步。
睇落，你好似有多少經歷咁播。。。
p.e.t.e.r.:
都話我果d叫“陰險”，唔係“毒”咯。無記性！
Post a Comment