一個李嘉誠
香港有一個成功既李嘉誠，同時亦有999999個失敗既李嘉誠。
正如遺傳工程學有個懸念，問如果希特拉可以被複製，咁呢個/呢幾廿個新希特拉會唔會同樣可以令世界發生第n次大戰？
一Q樣遮。
我讀生物出身，受「環境支配論」（if not evolutionism）影響好深。
一隻雀仔唔會因為自己幾把炮所以就曉飛，環境可唔可以令佢飛得起佔好大比重。有毛有翼先要睇父母有冇餵飽佢，又要睇下有冇偶然食錯野瓜鬼左或者病到五顔六色，跟住又驚會唔會鵲巢鳩佔俾人狸貓換太子..... 再對比下自己努力同付出成唔成正比，最後先得出一個點樣既李嘉誠。
做個「努力過」既李嘉誠都唔係好失禮遮，唔洗下下要做個「成功左」既李嘉誠先代表有呢種DNA下化。Well，遺傳工程學如是說。
（重感冒+肚痛+腳痛中，家陣再逼自己死去瞓）
19 comments:
好，說得好。
努力重要，環境也重要。
人地大學係讀文科，邊識呢D錢銀以外的知識呢？
調番轉，唐狗可唔可以做李嘉試？梗係唔得啦，唐狗只係人類養黎看門口吠下。又，邊有人將隻狗當傭人用，要佢打理家頭細務？
重感冒+肚痛+腳痛中既未來李嘉誠
CM,
I thought you are Geog人 or BioChem人 tim...
你講這些真正確。Cloned LKS 只是有相同potential 的 brain cells. By having same potential, I refer to physiological properties of his neurones only. 未有相同能力.
:)
石Sir:
做role model其實要天時地利人和，所以呢，我唔係咁鍾意用“人”黎做benchmarking。
Zeabor:
哈，其實我係到今日先知道究竟邊個liu起呢個李嘉誠話題。人各有志，我唔係佢目標聽眾囉。
鹿米大哥:
咪玩小弟喇... 雖則我八十歲果史都有可能有佢十五歲既成就... 又如果我未賣咸鴨蛋既話
Anon-B:
哎呀，總之同Bio有關喇（例如人體水質線條學或油性曲線美學之類）。
就算有同樣數目既neurones，都未必有同樣結構既synaptic connections... I wonder?
Ha ha, you know what I mean bor, really fun to talk to you.
可以互動交流...真好!
唐狗？乜唔喺要嚟劏咗做香肉架咩？
好明顯你喺個冇黐過膠花嘅你+x，所以你只可以感冒+肚痛+腳痛
肚痛... 你成個敗痾樣出晒嚟喇
Anon-B:
彼此彼此，幸會幸會 :)
p.e.t.e.r.:
＞＞你成個敗痾樣出晒嚟喇
雖然呢個gag幾爛，但都笑到我肚痛！ >_<
我冇黐過膠花遮，但我黐過孖根應該算同一條起跑線丫
我天生正能量多左D，唐唐的一番訓話，
我視之為善意提醒，佢果句說話，
我意會是年青人要多作反省，重點係要反省。
你的內容，亦寫得好好哦，成功要靠環境因素。
我學了野，多謝你。
正能量好丫！
我意會佢果句說話係：年輕人要有目標。
或者我一來已經早有目標（又查實仲係烏sir sir），二來病到懞查查，所以對於佢既提醒，我只有一個字：哦。
又，唔洗咁客氣，如果講evolutionism （if not，環境支配論），我會話，響一個環境要成功，最緊要係了解環境同自己既局限，了解自己同環境之間既關係，適應環境。
又又，社會並非“單一環境”。
祝早日康复
沙狐，你的問候正及時雨，多謝。
（家陣咳到吐血咁滯...）
"若要人似x, 除非兩個x"...某位馬臉高官講嗰句同其他人講類似嘅嘢, 聽咗10億9700萬次之後, 都無咩反應咯.
又: 某部分人成日 take 班細路 to task, 質人做咩唔創業唔 innovate...即係呢, 某幾個食生果嘅 IT 人啦. 呢班人都係 blog 界名人, 有無睇下你呢篇開頭嗰句呢, 又?
XD
關於咳: 保重之餘, 搵人 check 下都要 - 話唔埋係跌咗啲乜入肺, or whatsoever (ref: House 第七季某集個案)...
小連唐唐自已都唔想做李+X，就叫人做，俺打算做美帝總統，完祖國一統宇宙既大計，為中華民族發熱發光。
我睇你篇野時都作緊病，唔知係唔係俾你傳染呢?
（唉，咁既年紀一病，好耐都唔好）
P_L：
好耐無見！講開創業，小弟膽粗粗都創過，雖然未竟全功，但都覺得創業唔係個個人適合。而要有適合既條件，除左性格能力呢d內在野，仲好睇外界有冇鼓勵/推動/打擊。果頭叫人創業，就唔該唔好下下話人無腦唔長進囉。（別無所指）而我呢，都似李嘉誠架，不過可能係四歲大既佢囉，未學行先學走囉。
（陰功，食左葯咳得無咁犀利，但眼瞓到死...希望唔會有幸要見House啦）
晶晶：
咁我打算做英王，可以不問世事又可以腰纏萬貫，爽！
以便：
九成係我睇完你堆恐怖經歷果晚發噩夢之後就搞成咁！
Post a Comment