Saturday, September 03, 2011

滬杭廣掠影

剛剛響忙到碌地前,一口氣去左好幾個地方。

於二號terminal等上機。


到左SH,即坐磁懸浮,七分鐘車程花費RMB50一位。咁啱前面有位阿嬋級既美女戴住headphone引吭高歌,殺豬咁聲。至於地鐵就超多人,次次轉線條路都同香港站去中環站一樣長,行到腳都軟埋。有次響車廂見到兩操韓國口音男女,男士頸纏保鮮紙,女士戴花綠口罩穿著入時。香港人真係得一個字:悶。


如果鍾意影相,1933絕對係唔錯既去處。1933前身係屠宰場,人少陰氣重,夠涼爽。佢果度仲有個玻璃樓頂(有鋼+水泥structure支撐),可以俾遊人走上去。










SH有個(好似叫)正大廣場,我最鍾意商場入面條斜路,香港絕無僅有。




Another IFC ... 唔通其他名唔好聽?


同埋開瓶器。


以及V-69


從豫園望向IFC,心諗點解唔係旁邊咁有靈氣既古樓發光既?


外灘。個人第一觀感係,比尖沙嘴既星光大道「氣派多了」。江邊建築較優雅古典,越入夜越靚... 之但老實講亦好世俗,因為全部掛曬「乜乜銀行」既牌匾,而且感覺上,呢d建築既Doric/Gothic/Carinthian 柱及外牆等部分裝飾早被拆去(借問有冇人可以話我知,呢類建築有冇可能有gargoyles?)




入夜之後,去左杭州西湖,想拍下前面呢位外籍少女,不過班蚊好厲害,影到腳毛都震曬。咋咋林影完走。


據聞HZ起緊地鐵,2013通車,條街好曬,好熱(夜晚一樣咁曬咁熱)。


肚餓搵位食飯,見如此奇景激發食慾,特此留念,不過就幾乎用左15分鐘先搞得掂部相機去拍呢幅(留曬汗,乘機問隔離HZ少女借紙巾)。鍾意食零食者可放大欣賞。


西湖邊既自動灑水系統。


可愛蓮蓬 + 白堤。啊,一提果日一落完雨,湖面即時千帆並舉,感覺十足走難。



踩單車擦傷,似俾蚊叮多d。


灑水系統夜晚既表現... 一樣腳震。


浙江民房。據聞尖拔甩既屋頂係俾祖先住既。


側聞河蟹號既官方硬照就係本人提供既。


查實我唔係想影架無軌電車,而係想拍周圍(不過效果唔好,冇貼)!呢個電車既位置(附近?)就係同時俾Porsche, Ferrari, Mercedes 既陳列室團團圍住!


我呢個有文化有質素既博客自然有去過上海美術館啦(雖則果時去到已經拴左門)。


為左呢幅相,我幾乎俾呢架車車死。而我之所以咁勇以身犯險,係因為響呢個位置先後俾兩位阿嬸搭訕:「先生,對不起,我不是壞人來的,我只是想買個麵包給小孩...」


消防龍頭?鏈頭?


又係據聞,呢間屋企湯館係源自杭州既。又HZ 有叫《外婆家》既餐館,其中較偏遠果間(地點得閑d先翻查),值得推介。


上海某路,巴士上,唔明點解同一條線會有對頭車。


自拍。地點:「新天地」,呢個地方,乏善足陳。最衰傳說中既「法租界」好似海市蜃樓咁,去左完全唔知係咪去左!


兩隻野終於出現。試下用自製廣角鏡影,效果滿意。題內話,我地租左個有浴缸既酒店,諗住俾佢地玩泡泡浴。第一晚玩到不亦樂乎,第二晚落水無耐,阿仔就大嗌話「媽咪,我要屙臭臭!」,好快就抱佢上水啦,阿女跟手就大嗌「啊!啊!啊!啊!媽咪,你睇下d水!!」... 呢次浴缸浮C,C 橫遍野,想嬲都嬲唔落。


GZ珠江新城附近。兩躉野咁對稱,九成九係二十一世紀建築。


周圍都係IFC... 呢個有d似俾條鐵鏈鎖住咁。


Vow,我至愛既迪卡儂。入到去真係開心到震,行左足足兩個鐘,買左唔少野,仲踩左十分鐘免費單車。(不過千祁唔好試玩佢地既滾軸溜冰鞋... 超臭)


Well,臨走前,影番張日落應下景先。

10 comments:

火鶴 said...

買磁懸浮飛時你梗係無出示登機證喇, 平十皮一位架!

Terence Yun said...

那個上海開瓶器是日本公司建築,有說過原本那個中空地方是圓形,但因為生怕日本軍國主義色彩,最後變左開瓶器。

C.M. said...

阿鶴,

耿係有啦,好彩上次有位靚女姐姐提醒我啫。你上次有冇去1933?
(又,我係見你影佄多唔抵得先至出呢個鋪咋)

鹿米,

呃,原來係佄。我覺得躉野外型幾討好喎。又,圓形象征大和,軍國主義。。。?

L L said...

濃縮得黎精彩!



>>「先生,對不起,我不是壞人來的,我只是想買個麵包給小孩...」

我喺北京遇到嗰兩個冇話自己唔係壞人咯,我真係蠢!

C.M. said...

校長,

我見你講得佄詳盡,所以下一站,正想去北京!

你話丫,對於陌生人,如果佢連眼神接觸都慳的話,佄點可以博取我薄弱既同情心?

Ebenezer said...

我鍾意果張黑鞋白襪短褲相,好有開學feel:)

Anonymous said...

呢篇正正~!!!

1933... 原來有個咁正既地方,仲要好近我office, 下次出差去行下先~!

C.M. said...

以便:

咁諗住應下節,丫嘛。

昂兄:

可能係平日關係,我果次去無乜人,影相最好,唔知遲d會點,去就要趁早啦。

Anonymous said...

我早兩年去過杭州,又係覺得熱到想死,行到想死。

不過,你唔燧同公主王子去屠場去睇ifc麻....

~goethe

C.M. said...

我都係咁話,所以千祁唔好響夏天去杭州。

佢兩個?梗係無喇。果次純粹借公事所以先可以自由行咋,佢地邊有咁好耐性俾我帶游花園呀。