Sunday, July 22, 2012

摑民教育

唔洗問,睇標題就知道我咩想法。

查實父母對子女既期望好簡單啫,我覺得,就係期望佢地「似自己」。

呃,我明,好耐之前我講過呢番說話,阿邊個又質疑呢個想法。而我呢,近乎深信不疑架。

呢個「似」,唔係在乎父母職業,話希望自己子女會走自己條路,而係在乎點「對自己既子女」(唔敢講係咪可以同樣「對他人」)。父母希望自己既子女,會好似爸爸媽媽咁對待自己既下一代。

雖則我相信實有人唔同意既,OK 喎。

就淨係上面呢句,就表明我自己對子女既期望係點:容許子女有思考既空間。

Well,唔知乜水定阿乜乜物物話,國家就好似我地父母,對我地無微不至,有要求有期望。換句話講,即係呢個國家希望佢既國民似佢地。

我呢亭做人仔女既,好明白父母既心意既,不過,如果你係要格硬塞個飛機杯俾我,話我聽用呢舊野可以領略倒人間肉慾頂峰,咁既理由呃小學生就得。我唔想阿仔淨係用杯用到老死囉。

我自以為自己係一個開明既父母,所以先會好開明咁期望子女接受一套開明既觀念。

黎緊阿女入讀小一,我會密切注意究竟呢間學校會有幾開明咁對待佢既學生,做好隨時轉校既準備,用腳投票!

下星期日,我同埋成家去。

9 comments:

Anonymous said...

乜下個星期日卒之唔使開自己工喇咩!




sPace

C.M. said...

仲係忙到甩肺,但今次點都要抽時間!

Terence Yun said...

身教爸爸

Sonia S. said...

所以「不肖」是罵人的詞語

不肖,不像也。

seikomatic said...

國民教育關洗腦咩事,擔心跟本唔成立,小朋友個腦好似張白紙咁,白雪雪,只會越洗越白,越洗越清晰,茂誤連編。

______________________

父母希望自己既子女,會好似爸爸媽媽咁對待自己既下一代。

父母都希望下一代勁過自已,就無後顧之夏

當然好多時候孝順父親母都系單方面既良好意願。

乜飛機杯可以力架,下次問空中姐姐:姐姐俺想要個飛機杯而家泥用下。

the inner space said...

卒之抽到時間去嗎?

C.M. said...

鹿米:

身教... well,乜唔係個個父母都身教緊咩 =p

七十同學:

咩原來有此典故!!感激賜教!

晶晶:

嚴格黎講,而我亦同朋友講過,洗腦呢個字太technical,而且響香港呢個context 最多係一個casus belli,並唔係事件本體。於我,本體係價值觀。

另,如果有空中姐姐響度,又何須杯具呢?

Space:

死頂咋。既然果日出得黎行,咪要家陣響公司還囉。

維維 said...

其實,到頭來,間間學校都係用唔同0既政策同方法去迷惑你,讓你覺得佢地好開明。

C.M. said...

係呀,咁足夠啦。到頭來,自己滿足就夠啦。