摑民教育
唔洗問，睇標題就知道我咩想法。
查實父母對子女既期望好簡單啫，我覺得，就係期望佢地「似自己」。
呃，我明，好耐之前我講過呢番說話，阿邊個又質疑呢個想法。而我呢，近乎深信不疑架。
呢個「似」，唔係在乎父母職業，話希望自己子女會走自己條路，而係在乎點「對自己既子女」（唔敢講係咪可以同樣「對他人」）。父母希望自己既子女，會好似爸爸媽媽咁對待自己既下一代。
雖則我相信實有人唔同意既，OK 喎。
就淨係上面呢句，就表明我自己對子女既期望係點：容許子女有思考既空間。
Well，唔知乜水定阿乜乜物物話，國家就好似我地父母，對我地無微不至，有要求有期望。換句話講，即係呢個國家希望佢既國民似佢地。
我呢亭做人仔女既，好明白父母既心意既，不過，如果你係要格硬塞個飛機杯俾我，話我聽用呢舊野可以領略倒人間肉慾頂峰，咁既理由呃小學生就得。我唔想阿仔淨係用杯用到老死囉。
我自以為自己係一個開明既父母，所以先會好開明咁期望子女接受一套開明既觀念。
黎緊阿女入讀小一，我會密切注意究竟呢間學校會有幾開明咁對待佢既學生，做好隨時轉校既準備，用腳投票！
下星期日，我同埋成家去。
9 comments:
乜下個星期日卒之唔使開自己工喇咩！
sPace
仲係忙到甩肺，但今次點都要抽時間！
身教爸爸
所以「不肖」是罵人的詞語
不肖，不像也。
國民教育關洗腦咩事，擔心跟本唔成立，小朋友個腦好似張白紙咁，白雪雪，只會越洗越白，越洗越清晰，茂誤連編。
______________________
父母希望自己既子女，會好似爸爸媽媽咁對待自己既下一代。
父母都希望下一代勁過自已，就無後顧之夏
當然好多時候孝順父親母都系單方面既良好意願。
乜飛機杯可以力架，下次問空中姐姐：姐姐俺想要個飛機杯而家泥用下。
卒之抽到時間去嗎？
鹿米：
身教... well，乜唔係個個父母都身教緊咩 =p
七十同學：
咩原來有此典故！！感激賜教！
晶晶：
嚴格黎講，而我亦同朋友講過，洗腦呢個字太technical，而且響香港呢個context 最多係一個casus belli，並唔係事件本體。於我，本體係價值觀。
另，如果有空中姐姐響度，又何須杯具呢？
Space:
死頂咋。既然果日出得黎行，咪要家陣響公司還囉。
其實，到頭來，間間學校都係用唔同0既政策同方法去迷惑你，讓你覺得佢地好開明。
係呀，咁足夠啦。到頭來，自己滿足就夠啦。
Post a Comment