Saturday, March 10, 2007

包拗頸的春天

'
可能春天真的會帶來不安,甚至愁雲慘霧。

靚女行家 Scarlet 打電話給 CM,說很多人都不知道人力資源從業員的苦況和努力,大吐苦水,更怒火中燒,硬要 CM 馬上擔當網絡警察,探其究竟。無奈於威逼之下,勉為其難,依照指示,往其他網誌行 beat,誰不知那兩個簡單的英文關鍵詞 H 和 R,從 Blog List 所見到的原來只有一大堆對 HR 人的不滿,其他資訊欠奉。

OK。都閱過了。你想怎樣?

怎樣?當然是用你的包拗頸跟他們拼過!

然而,CM 語氣平淡的回應,都被對方指責,盡數不是:沒有氣概、沒有膽量、沒有 HR 應有的態度(應有的什麼態度?)、沒有自信、不是管理者所為 、不 Result-Oriented、不 Responsive、不 Proactive .... 應有盡有。

最後 CM 還是有氣無力地靜聽接受其訓示,唉 .... 這個舊朋友同以前沒有分別,就連早已不再是她同學的 CM 也不放過。

做人力資源,是否必須一定要全套武裝,要像劊子手般殺無赦,要像消防員般十萬火急,要像防暴警察般力壓千鈞? 人力資源真是一個神憎鬼厭的行業。點解一定要緊張兮兮?

日前又想起舊老細 Alan。失去聯絡。

Alan 是 CM 心中最敬重的老細 ~~~ 做事認真,尤其與 CM 駁火時;罵人毫不留情,尤其當 CM 做錯時 .... 雖然如此,CM 還是因為要追求理想而求去,縱使他已經用了 50% 人工增幅來挽留我。面對 Alan,我會叫我做我。

他是一個管理者,在平衡各方利益的同時,亦沒有忘記他的一群下屬 ~~~ 尤其是我。

他是一個管理者,因為他知道什麼是 Proactive、什麼是 Responsive,亦沒有忘記推動我們 become proactive, become responsive ~~~ 尤其向我。

他是一個管理者,雖然怒氣比火還烈、還懾、還急,但總會道歉 ~~~ 尤其對我。

想起 Alan,又遇到 Scarlet,看見自己滿身瘡疤,原來春天真是一片片的愁雲慘霧。
'

15 comments:

Anonymous said...

CM兄, 人生得一ALAN, 在茫范的工作仕途上, 夫復何求呢?

小9亦曾得一ALAN, 但是一位反面教材, 不過, 亦是小9第一位老細級"朋友"。工作上得一朋友難求, 而老細能成為自己朋友, 對小9以前來講根本係冇乜可以既事。CM兄這篇, 令小9想起他, 以及眾多在工作上認識的, 曾經一同作戰的、交過手的……

Anonymous said...

Typo!

"係冇乜可既事"

Anonymous said...

又, 春天懶洋洋, 濕氣攻心/身, 加上禮拜六上午仲要返工, 應講一句 "Holy…早"

怒火眼睛 said...

On dog 先生: 講聲"Holy...早"先
CM 生: alan 雖然情緒大起大落, 但對你肯教肯提攜肯認低威肯出重金, 真係恨死隔離.一直以來, 怒眼都係想搵個值得我尊重既老闆啫, 但原來呢個要求係超高架. 唉.
你有過呢段美好既知遇故事, 令人羡慕, 唔好再傷春啦.

Gideon said...

唔好意思有啲野想問,Alan 又識做老闆,又重視/用人工增幅挽留你,咁當時你唔係做 HR? 定係你既理想唔係仗做 HR?

我所見咁多老闆,一係就對我好好,可惜人工都係非常之差,又或者人工好好但係就對我非常之差,如果俾我搵倒個老闆兩樣都好,我真係唔會走喇。

Anonymous said...

C.M.兄,

正如之前所述,AK一向對於HR都會採取「敬鬼神而遠之」既態度,畢竟真係好鬼驚d「蓋世太保」...

明白點解即使遇到一個肯出錢,肯過料既好老闆都要走既心情,有時為左達成自己既目標,就算點都好,有d情況都真係一定要離開...last date果日既心情一世難忘...

Anonymous said...

"...有d情況都真係一定要離開...last date果日既心情一世難忘..."

Agree! 對小9黎講, last day 係被official receiver黎封廠個日, 情境一世難忘!

C.M. said...

On兄:

人是貪得無厭的,希望會有另一個 Alan。

他會跟我說家裏面的事,他家中的情況,晚飯的時候毫無保留,但工作的時候,亦毫不留情。他與我針鋒相對,辯到雙方面紅耳赤。最難得是他公私分明,所以我亦毫不顧慮如何與他相處。那種“惺惺相識”的感覺是實在的。

不過小弟不明白,你的老細級朋友,如何會是一個反面教材?是不是如你之前所說,用你用到好盡的那個?

On兄,怒眼媽媽:

Holy....晚。哈哈,今日小弟唔洗返工,中午起床後,即往飲茶,然後逛太古城,再買了5桶Haagen Dazs 番屋企慢慢吃。

Alan 佢脾氣真係好大,但在當他向你道歉的一刻,實在不能相信這個人就是Alan。雖然貪心,但呢個“知遇故事”(好動聽.)實在經常縈繞腦海。(唉,傷春... 一個多麼詩意的動詞... 多謝)

鐵鎚兄:

你心水真係清。小弟的理想一直都是做 HR,當年跟 Alan 的時候負責 Data Management 及 MIS,所以小弟都係要追隨理想,唔想歲月蹉跎,點都要做番 HR...

其實,小弟一直都遇到不少好老闆,但小弟都犯賤求去,箇中藉口多籮籮,不贅,但總希望各位舊老闆生活愉快。走...有時唔係淨係因為老闆...

AK兄:

查實對住某d HR,你真係會覺得好麻煩:實事求是,可能會比人話“寸”;穩穩陣陣,就比人當吞吞吐吐。

>>last date果日既心情一世難忘

多謝你的理解。而當小弟拒絕 Alan的好意的時候,他亦非常錯愕。

On兄:

雖然小弟都很想見識一下你的經歷,...但都係有機會先啦。

話分兩頭,小弟工作上亦偶然有需要接觸ORO,佢地有d 原則真係唔容易理解。

***祝大家都找到可靠和值得信賴的老闆。

Anonymous said...

春天影響之下,依排真係好down.

不過,一個加五十%都留吾到你既老細,仲記來做乜?肯定係惡夢啦,醒左咪忘記佢囉.

Anonymous said...

經歷唔敢話分享, 但小9真的想寫下d on9-9 既經歷等大家笑下...

其實小9既"辦公室漫遊", 會愈講愈多架!
(唔好意思!賣左廣告!)

C.M. said...

香水姐姐:

小弟當時走,並非為錢,而是為理想。雖然Alan 有時唔講道理,但小弟最欣賞佢會自我反省。(50%真係好大數目,但比到小弟去 lead MIS,又未讀過IT,喂,你敢唔敢揹先...好難過到自己個關呀...)

On兄:

小弟期待非常!等你!

Anonymous said...

cm
如果係我, 我都唔會take risk..你都做開hr咁耐.. 知道keep住做條路都會好好地.. 同埋你又未讀過it.. 又真係如何去lead mis呢. 公司要買咩機換咩機都唔清楚la~

C.M. said...

匿名:

多謝造訪。小弟之所以被挽留做 MIS,全因為對營運流程非常熟悉,所以也令小弟知道,一個全面的 IT 人所需要的不單只 Technical ,還需要知道自己正在做什麼。(小建議)

那時,當一個新system要上的時候,真是束手無策,因為原來要買呢種SQL Server,又要呢個 Hardware ... 頭都暈埋。米搞!

Anonymous said...

CM哥哥,

我好好奇,點解你咁鍾意做HR呢?我識果d好好既HR,當初都吾係自己想做HR,而係咁岩揾到HR工,跟住已是百年身...

HR有d乜野咁吸引你呢?

C.M. said...

(下?乜原來香妹問左個問題!唔知遲左成年先答會唔會慘遭毒手呢?)

香妹:

我都唔知,可能因為鍾意同人拗頸卦。你知喇,HR野,好多都無一個特定答案。同一件事但唔同人做,出黎個結果都會唔一樣。