Friday, April 13, 2007

希望你信有愛

注意:倘若有朋友未有心理準備接受感情批判的,須先閱本 post 的前一篇《管你的禁忌》,直至願意接受批判為止。

********************
Kitty 是我的前度女友。她的生日也快到了。(被小妹看到我寫 Kitty,大概會吃醋)

我倆分開的時候,雙方在感情上都受到傷害,只是我掩飾得比較好,她則選擇宣洩出來。最初,她也不相信愛,中間再經歷很多很多情殤(分開後,她一直都有告訴我她的近況。),才遇到今天的丈夫。為此,我真的很感謝上天。

分開的原因,乃因為彼此不合適,現在雙方都找到自己的另一半,亦已經各自結了婚,再往後的事如何,只有天曉得。

********************
愛,信有,就有。信有,就會去追尋。不信,就不會去追尋。

例如金錢可以帶來快樂。信,自然會去追尋其真義,不信,則自然不會去追尋。

愛也好,真愛也好,縱使與其它人討論世上是否有真愛/愛,為何一定要有一個清晰的 definition 才可以討論?覺得很很很客觀地認為,根本無需要切合一個清晰的 definition,因為愛是源於自己的,也是完全屬於自己的,不是別人的,也不能作出比較的。

這個 definition 更是自己所接受的,無須他人認同的。倘若認為真愛的 definition 需要其他人賦予:

或許,反映了自己根本沒有想過自己需要什麼所謂“真愛”;
又或許,自己在與“真愛”打滾的過程,未有嘗試去了解真愛;
又又或許,自己經常見到人家的真愛與自己不同,然後互相比較得失。
又又又或許,最後縱使發現,這些真愛的互相比較,根本沒有相同的 definitions,但奈何又再次按照自己的真愛定義尋找和比較,直至自己覺得沒有“真愛”這回事。

最終或許,最無辜的,就是往往那些相信有真愛,無論如何努力,但總找不到。對於這些朋友們,希望你們先愛自己。因為愛是源於自己的。

********************
Gideon,請聽我:

清楚自己的需要,才重要,因為,真愛建立於自己的需要,而且基於“信”。倘若你倆發現雙方都可以給予對方這些需要,這樣便已經足夠!若有天,你倆都無法給予對方這些需要,這並不代表真愛已死,那只代表能給予你真愛的,不是對方。倘若你覺得世上沒有其他人能夠賦予你真愛,對不起,請恕小弟要告訴你:你識得人少。

六合彩(頭獎),為何仍然有人可以一生中超過一次?何況真愛更是無處不在?

所以我希望人信有真愛,好讓他們自己會去追尋。

至於鶴兄,errr....:

查實小弟只是見你路過,不如拖埋你落水.... 愛,有真,必有假。同意。

********************
與 Kitty 在一起的時候,雙方都曾經全心全意地付出過,得與失、感情回報、傷痛及美好回憶,只是雙方在尋找真愛時的副產品。縱使分開了,相信我倆都相信世上有真愛,因為都知道雙方曾經為對方付出過 - 這也就是小弟自己對於真愛的定義。

16 comments:

Anonymous said...

生命同生活,唔少地方都係最根本咁建基係一d假設/信任價值上,呢d地方唔係"reason"能夠帶領我地去到。

例如生命入面既理想,完美,真愛,或者生活上例如管理工作中對"人"既肯定,好多既目標計劃,事在人為既態度。

好幾時假設/信任唔係因,而係果,唔係佢地原來是否真/假去斷定我地應該點,而係掉轉,我地可以著意努力達成既目標。not given but learnt and made.

Anonymous said...

又亂up, CM 請多多包涵!

cheryl said...

喂未留過言,同你say個hi先

HIIII!!!

其實我都幾贊成你o架,俾definition太科學化喇...愛同真愛有分別o架咩??? 假愛都冇愛,咁就唔叫愛啦,叫欺騙。假愛係冇愛包含在內喎我認為...

或者亦都係身為愚蠢人類嘅我哋諗太多。愛其實只不過係副產品啫。其實,我自己感覺上或多或少都係因為有attachment的需要,才會需要愛。需要「真愛」,只不過係想有人忠貞的對你,作為伴侶,亦都可能好似咩evolutionist話齌,係維護一夫一妻制而已。或者分別在於此啩...

C.M. said...

pk_兄:

你的一番話,小弟定必銘記。

Cheryl:

Hi hi hi!

歡迎到訪。查實每次你係人地道 comment既時候,小弟都好比心機消化架。我覺得你真係好叻。

忠貞對小弟黎講,應該真係好重要。但有時都會諗,究竟雙方既 Threshold 可以有幾多。妒忌啊,你究竟為何物?(Cheryl, any hint?)

Anonymous said...

CM兄近來係有d野播, 小心保重播!

道可道, 非常道!

又...

愛可愛, 非常愛!

Gideon said...

咁對於我自己,我當然唔需要俾自己一個愛既 definition 去證明自己有冇真愛啦。

但係對於 CK 個邊既討論,我覺得如果真係想討論既話,就有需要囉。

well, extreme 少少以"港女"咁既質素既女仔為例,可能佢既所謂真愛,就係要搵一個劉德華咁既樣,李嘉誠咁有錢,同佢心靈相通,但係就算對佢拳打腳踢,帶佢綠帽,鬧到佢仆街然後仲 expect 個男仔會狗咁 tum 得返佢開開心心個啲先叫做真愛呢。

又如某些人所認為既真愛,跟本就冇需要佔有。就有如你同 Kitty 分開咁多年,雖然最終唔能夠喺埋一齊,但係你亦會為佢既困難而擔憂,為佢既幸福而微笑。我覺得咁,存左於你兩之間既,就己經係愛。

同樣既事,發生响港女身上,因 definition 唔同,佢地一定唔會同意你啲係愛架喎,而佢地亦唔想要你地講呢啲"真愛"。

咁變左咪雞同鴨講?你話有,佢話冇。大家都可以係啱,原因 definition 唔同。所以我話一係唔好討論,要討論先要有個 mutual agree 既 definition 。

cheryl said...

嘩!!!叻??點都唔輪到我啦。我只不過又係另一個迷失青年,咩都唔想做唔想諗得閒去人哋度吹水。

多謝啦都^^

我都係好妒忌嘅人,要求對方忠貞,什至四仔都唔想佢睇!!!!哈哈哈~~~不過都化咗喇。自己本身唔係一個好賤嘅人,但妒忌起上嚟真係自己都surprise自己,勁賤!!! 所以,我都唔知係咩嚟...

不過可能都係進化嘅一部份,即係懂妒忌嘅人會相對完全接受背叛嘅人成功繁殖下一代???下次揭到書話你知吓...

至於你話threshold唔threshold,我唔知有d人點諗。即係如果assume咗雙方都係隻揪隻,咁你唔忠貞即係玩嘢啦,即係唔愛啦。如果唔係,你愛一個人,又點可以令佢受傷害呢? 又點可以咁自私呢?? 我諗源於elaine嘅「真愛」都係講緊呢樣啩,如果唔係佢又點會咁upset? 可能「愛」都係同一樣嘢,加個「真」字咁就強化咗件事嘅本質啦,咁就真愛是真。

不過而家好多人都會係果種咩open relationship,追求浪漫passionate love同性,至於佔有專一等都唔關事,佢哋都可以係愛吖,being together大家都好愛大家,但又okay另一半出去玩什至識其他partner。好明顯咁又係同Gideon所講大家個definition有所唔同啦,即係好似我咁呢世人都冇咩可能同人有open relationship囉。如果有,咁就大檸樂,我一定會變咗個loser...

不過ck果面雖然係有討論吓... 但佢都好難去俾咩definition喎~ 我諗應該要係佢表示一下自己個defintion係咩先至係... 而我呢,雖然唔覺得要有definition,不過都好求其咁define咗。再唔係,不如大家都跟bible果個 =P

btw~喂on dog,你呢個parallel好得!!! XD

Anonymous said...

C.M.兄,

唔通真係因為春天,人人都有d鬱悶,於是個個都整依一類既post...AK依排免役能力低,睇得多會病架...

AK唔知自己信唔信...只係知唔買,就唔會中...雖然有云:「不賭是贏錢...」不過人生在世,唔賭,唔take risk,日子又真係好難過...

所以,依家AK雖然剛剛輸了,不過都會繼續買,而且就好似入錢入老虎機咁,每拉一次,佢轉下轉下果陣...都會好有期待...凡事,真係要投入先好玩架...

CK said...

其實呢,define「真愛」呢個terms,有難度。
即使減一個字,淨係define個「愛」字,都有排講。

其實寫左咁耐blog,有好多好多自己寫過既topic,好似「成功」、「愛情」、「友誼」等等等等terms,要響所有網民之中得出一個共同既definition,其實難過登天。我反而覺得,每個人心裡面,其實都有對呢d詞語「真心」既解釋,只要撫心自問,大家一定知道個解釋係咩。

呢d terms有一個共通點,就係即使響大家心裡面既definition有幾唔同都好,去deal with既野,其實都係得一樣,就係當你撫心自問,呢d野,你想唔想要。想的話,就付出囉,simple as that。我覺得最唔好,就係你明明心裡面想要,但係又驚付出左冇收獲,於是作個藉口出黎話自己其實唔信。人呢,如果要連自己都呃的話,咁就好悲架啦。

唔好意思,寫到立立亂添。

又講時講,CM兄唔係同小妹有咩小風波嘛?

火鶴 said...

我諗, CK兄所講「真愛」的意思, 係揾到一個真心相愛而到達可以一齊行埋人生以後一段路嘅人.

我唔將愛苟分為真與假, 係因為唔想否定一些曾經相愛過但又無辨法一齊行埋人生以後一段路嘅人, 而將呢段愛稱為假.

我信愛 同樣信會失去愛
我怕愛 同樣怕得不到愛

老餅鶴

火鶴 said...

諗諗吓, 都係70講得好.
唔講definition, 都要界定係noun還是verb.
一個講noun, 一個講verb, 最後都係同稻草人講緊嘢.
我「睇」愛, 係verb.

Anonymous said...

Dear cheryl:

"btw~喂on dog,你呢個parallel好得!!! XD"

謝過,謝過!

又...

罪過,罪過!

英倫肥龍 said...

想加咀講幾句...

可能係付出既機會比較多, 行動派啩. 我講愛傾向係動詞既方向.

而行動及行為令雙方感到愛, 自然不過.

如果你愛對方, 無理由會本質/動機上去傷害佢啦.

C.M. said...

On 兄:

呢排比CK兄一言驚醒之後,已經無咁“蹦蹦緊”,多謝關心。(查實覺得自己都OK啦,只係有d執著...)

煩可煩,非常煩。

鐵錘兄:

OK,OK。尤其係同你個心愛既人,或者目標人物,呢個 shared definition / consensus 真係幾緊要。(哈哈,唔好介意:你大個仔啦!)

Cheryl:

當你提到忠貞,呢樣野令小弟有d反省。趁小妹唔會睇blog,都講下。

查實小弟覺得自己算係一個花心既男人,但好奇怪,同小妹一齊既時候,無論時間人物地點,都好自然覺得自己好幸福,好奇怪。Kitty同小妹有一個好大分別,就係小妹經常笑,好似CK兄話齋。總之十年前以小弟既性格,萬萬想不到會有如斯幸福感覺。

所以一提起忠貞兩字,真的不禁要重新認識自己。(喂喂喂,其他大佬,且慢!小弟除左Kitty呢個前度之外,就淨係得小妹嫁咋!)

AK兄:

雖然小弟覺得賭同take risk都係差唔多,或者分別只在有否過分貪心(?)。以此而論,人生唔賭值得,但唔take risk... 乜人生樂趣唔係o係take risk度黎架咩?

CK兄:

「真心」,真係真心!同意非常。若果人能夠真心咁對待自己,就好勒。呢個「心」字應該係noun卦...

CK兄,多謝你一直以來這麼關心小弟。查實,小弟跟小妹小小風波就有(還不是圍繞著那個大大風波小小女!),小風波還稱不上。但最近和小妹一起翻閲You Tube有關六四,加上比大力兄啟發,所以呢排個腦七國咁亂。多多包涵。

鶴兄:

相信“曾經相愛”,都應該係真愛(loved)卦,假愛?小弟比d你,你要唔要?

講“失去”同“怕得不到”,唔似你性格播...

另外想借問,你位漣漪,有冇機會成為海嘯嘛?十級興奮呀!

肥龍兄:

行動!絕對支持丫!

呢個就係證明比自己睇有真愛既最佳(甚至唯一)証供!(呢句亦有弦外之音,望有緣人能參透...)

K said...

先愛自己, 才可追尋愛。

但努力愛自己, 努力相信愛, 卻不一定找到。

看到您的話, 感觸落淚, 想起很多事......。

cm, 不介意的話, 六月講我的事給您知。

C.M. said...

Karen:

人生雖然短暫,但樂事和幸福總是圍繞著每一個人,只在乎你想不想伸手取得。你要積極面對。

不要像 Gardner 一樣追求 Happyness,還要看到 Happiness,並且要積極追求它。

我相信 ~~ 尋找必定尋見。