Sunday, May 06, 2007

虛脫

跑了七天馬拉松,無論結果如何,總算嘗試過了。

飲番杯 Bailey's 先...

22 comments:

On Dog said...

跑了七天馬拉松? 隱喻什麼呢???

獨自酌飲? 喂!預埋老友呀!

C.M. said...

嘩,仲算隱喻?!

咪七日支持就業馬拉松囉。呢,話你知,小弟有d老友真係好鬼老友,佢地好鍾意靜雞雞係你飲緊杯野道,加d七步迷魂五加皮... 搵日介紹比你識。

On Dog said...

七步迷魂五加皮... ?

咁堅?真係要見識下播!

Samsara said...

咁就跑完?喂,聽講係你點起既火,依家仲未燒完喎.

學霖山莊 said...

辛苦晒...

怒火眼睛 said...

多謝你點起個火頭囉. 好耐無用腦, 都幾開心丫.

C.M. said...

On兄:

喂,查實我d老友除左鍾意隊人飲五加皮外,仲鍾意賊喊捉賊架!!

香水姐姐!!

咳咳!!(弊,吐血添!唔通d 寳礦力比人...)查實小弟係咁多架炸,不過呢,等陣小弟就會過去你個邊回覆架勒。

又,正如跑馬拉松一樣,寫馬拉松都係一樣咁辛苦,但係又咁開心?

學哥哥:

大家咁話,不過你好似淨係睇住我地跑,你自己無跑播。(不過,你地個千人檸茶大遊行仲壯觀啦!)

怒眼媽媽:

我都係咁覺得,等自己郁番下,遲d搵工都有著數。

(號外)
唉,但也好,收到某d電郵回覆話出左亂碼,要再用 attachment send 過。(真係中左姐姐個句,仲未燒完...)

On Dog said...

冇錯, d 寳礦力...嘿嘿!

咦! 用哂D高梁tim....!

C.M. said...

(靈魂出竅)
嗚.. 嗚.. 欲知可憐的 CM.. 如何遭害.. 請移玉步.. 嗚..

Gideon said...

小心呀 CM ....
唉我 weekend 狂飲寳礦力,精神返唔夠兩日,今日一返到公司又俾老闆打沉。但係,哈哈,冇咁易﹗(因為衣家係夜晚....)

Samsara said...
This comment has been removed by the author.
C.M. said...

鐵鎚兄:

你都小心呀。

不過話時話,我有d感覺你老闆其實係度“催谷”緊你。佢對你咁,唔係因為唔li-ke 你,而係覺得你仲可以更上一層樓。

你兩個既關係仍然維持,某程度上說,你老闆,很希望你成才,因為佢覺得你得。而且,佢自己都想成為你既師父,想收一個徒弟。

哈哈。以上推斷,全部係從你口中得知,估中唔該請食飯!

香水姐姐:OK。

Gideon said...

我都有諗過呢個可能性。如果真係既話,就真係喜上加喜架。但又如果佢只係好 simple 地唔 li-key 我,咁我賴死唔走懶係永不放棄咁就一定激死佢哈哈。

同埋呢一兩個月我發覺我最大既問題係,越大壓力我越多唔小心既出錯。唉咁都可以話我係 handle 壓力 handle 得唔好。

C.M. said...

鐵鎚兄:

連你都咁覺得,小弟今餐應該有著落也。

小弟斷估你老闆可能已經係Blog界發現到你個真身,所以決定要幫你一把...

因此,小弟認為你老闆咁chur你,應該必有其因,而你現階段寫小d,返屋企先覆comment,應該會係好事。

Marshmallow said...

唉呀,你不提起,小女子也忘記了雪櫃那枝Baileys...等我看看壞了沒有先...!!

Gideon said...

嘻嘻通常又真係女仔先鐘意飲 Baileys ...

都唔知係幫我一把定係送我一程喇。對呢間公司我真係好上心架,我初時諗住若果佢地對我好好地,我個 blog 又寫得好好地平均一日有一千幾百人睇既話,我實會幫佢地賣下啲 product 既廣告。正所謂有錢大家搵,互助互惠咁嘛。可惜佢連最後 warning 都出埋架喇,我又攰到冇晒精神個 blog 越寫越少。哈,對老闆黎講,員工有閒情時間寫 blog ,不如要一佢地幫工司做多一兩個鐘啦。

唉,我發覺,CK 究竟係咩人黎架。可以做到唔要啲員工加班,又可以有錢賺既話,若果佢唔係講一套做一套既話,應該都係個天才。

火鶴 said...

嗯, CK鑊嘢, 斷估佢係請兩班shift, 每個shift 9粒鐘, 公司一日run足18個鐘, 由佢同個拍檔輪流返夜.. 定啦.

CK said...

鶴少 and 鐵鎚:

我梗係唔係天才啦,不過阿鶴少冇估錯呀,我班伙計,真係有兩班shift架。不過,夾埋都冇run 18粒鐘咁誇之嘛。

C.M. said...

鐵鎚兄:

Errr,請恕小弟誤會你意思,要加班先賺到錢?

我地公司一日做7粒(平均7粒半至8粒),比起一日8粒鐘個d,算“減班”tim 呀!

(而且仲有錢賺)。

CK兄:

咁你自己番早班,定番中班呢?(鶴兄真厲害)

Gideon said...

c.m. 兄,我晒泠賭你唔喺住响香港﹗

我仲記得 CK 成日話,佢啲員工做唔晒啲野要俾佢知,等佢請多啲人手。邊有咁架,通常做唔晒,通頂你都要搞掂佢架啦。

唉,都唔明 CK 上當年做 sales 俾人迫到定下都會發惡夢,點解而家做老闆唔會報仇既?真係大量喇。定係解釋會捽數嗰啲所謂老闆上司,原來從來未俾人捽過?

又講起租金咁貴,就當然要用盡啦。最好一日三個 shift, 8 小時一個 shift, 8x3=24 啱啱好﹗而且趕貨仲快其他人 3 倍添,真係唔錯架。

C.M. said...

鐵鎚兄:

嘩!咁你就真係唔掂喇,咁遲先至晒冷!

查實小弟好耐之前已經比左好多貼士你地架啦。依家幾頭住家,咪話唔大負擔啊老友...

係我地個公司,因為分開唔同team,各team負責唔同客戶,所以完成好工作之後,就可以各自返屋企。而且,我地d同事個個都快手快腳,但係小弟做得最慢,所以最遲走咋陰公...

而CK呢?拿,查實CK都講過自己個行業性質都有“些少”零售成分;然後仲講過好多有關佢自己公司運作既野(例如星期日假期、鋪頭、女仔多),咁其實都比左好多貼士佢做邊行架。好耐之前,小弟寫過一篇奇遇記,咪試下推測一下反應囉(哈哈,小弟都幾曳)。

CK兄,記得若果有日小弟“鍾”上黎搵你,你記住打死都唔好認播。

... 不過又,以上小弟純屬亂up,需要家長指導。(得罪得罪...)

C.M. said...

棉花妹妹:

Bailey's 有酒係裏面,應該唔會咁快變壞。放心。

鐵鎚兄:

你信唔信小弟查實係女人黎?