Monday, June 02, 2008

呻下、搭嘴、賣廣告

《論民主中國的先決條件》

係,係特別廣告時間。

事緣係上星期六,阿Moon剛剛睇完新聞,無啦啦突然同我講話佢覺得中國(大陸)會點點點,又話將來應該會點點點(還說起「移民」的事...),跟住我就同佢講話我已經寫緊篇論文(Moon按:係「論盡」個「論」)咯播,無睇咩?...然後我就比人禁制發言咯。

另外仲有一篇都鼓勵左我既,就係Elvis既從經濟看那個沈甸甸的初夏

OK,既然唔能夠「講」,就寫啦。所以等我寫多篇先至自圓其說,抱歉,小弟(又)食言了。

《忙公》

1. 好忙。半死。皆因月頭,一早被客追瘦。

2. 但今天仍繼續在電郵裏跟小黃蓉進行攻防戰。戰果一如以往,小弟只有挨打的份兒。

《忙私》

1. 好忙。半死。皆因 DaDa 發燒。

2. 哎,那壞蛋,我一定要給他一點顏色。(唉呀,條友又變臉,剷唔落手!)

《冷血》

假如我覺得Da Da 的病毋須擔心,會否有人覺得我冷血?

《求救,求教》

一位高人問小弟,有否興趣了解何以小弟之結果與過程不符。驚。結果提前知曉,代表... 高人對小弟之重視(或許他其實對所有人都重視)。

小弟雖有心,但也知曉自己乃不上壁之泥,高人呀,請諒。不過,小弟一定虛心向你請教的。

《鹿死兔勝》

一個讓很多人變得對人不對事的悲劇,他們甚至不是對人,而是對標簽。若被定為悲劇,那有大團圓結局的一日嗎?還是,這一悲劇要注定成為永遠不醒的惡夢?

《朋友》

你的朋友,又是誰?

《若果》

若果有人回應我呢篇呻吟,究竟佢地會唔會「淨係」同我講......咩呢?

後補:《寬頻》

平時我唔會點名,但今次真係忍無可忍。

我自2000年初開始用有線寬頻。用左八年算唔算忠實用戶,真係見仁見智。不過都比機會我取消丫。阿大哥,你網上已經無 link 可以download 無任何Service Termination Form,條 hotline 又駁唔到去經 fax攞 form,甚至乎連乜鬼客戶服務員都搵唔倒。喂,有得開戶,但冇得取消,你d咩乜Service呀,以前都唔係咁既。

唉,既然合約完左,大家有機會再合作啦,黎緊我會cancel autopay 勒。(仲同我講事先通知?!頂你丫,要我講粗口下嘛!!)

28 comments:

Yun said...

唔明。

(搞到我覺得自己好蠢囉。)

C.M. said...

唔明。你唔明d乜?

C.M. said...

(你搞到我仲蠢咁囉)

Yun said...

(咦﹐點解又多左D野既﹖)

我諗﹐成篇只有一半明。其他唔知你講緊乜…… 但好似有好多時候都係咁囉。好打擊我既自信心呀陰公。

(我要訓覺啦!)

Yun said...

下﹖我話你高深播。想點﹖!

(我真係要訓啦!)

小黃蓉 said...

>>小弟只有挨打的份兒。

咩呀,成日講到我咁兇惡咁,搏同情!乜原來同我傾偈係公事黎架咩? 你係指有人出糧俾你同我傾偈,所以先至同我傾? 定係話同我傾偈好似做工咁辛苦呀? 我唔會嬲你架,你講喇。

DaDa 發燒,要睇吓係咩原因,如果知道冇大礙就真係唔需要擔心,但係點都要小心。

samsara said...

Dada快d好返...辛苦moon moon囉。

xiao zhu said...

如果果個真係壞蛋,點變都唔駛手軟。但係最終,係有冇人心軟? 到唔到你話事呀究竟?

bravo said...

C.M. 提到...

Bravo:

Hello there, check this out:

"Aphasic stroke victims Lie detection"

http://scholar.google.com/scholar?q=Aphasic+stroke+victims+Lie+detection&hl=en&lr=&btnG=Search

http://www.google.com/search?hl=en&q=Aphasic+stroke+victims+lie+detection

http://www.lauralee.com/news/captkirkprinciple.htm
12:13 下午
bravo 提到...

CM:
Many thanks bros.

"damage to parts of the frontal lobe and amygdala (the fear center) will prevent someone from understanding relationships or detecting cheating, particularly in social contracts"

"Subjects with damage to the brain that renders them less attentive to speech are more accurate at detecting lies, such as aphasic stroke victims, who were able to identify liars 73 percent of the time when focusing on facial expressions."

Both are true. We need emotional cues for making social judgement.

Damasio's somatic marker hypothesis means we learn from mistakes because we feel the "pain". Emotion is an important information that guide our behaviour via reward and punishment system. Without emotion, one does not necessarily make a better judegment, be it gambling, in a relationship, or investment. Those serial killers are just emotionally blunt.

Thanks and best regards,

Bravo

C.M. said...

阿雲:

(嘩,你好醒,竟然發覺我加多左野!)

我堆雜碎仲叫高深... 唏!你瞓啦,祝你有個好夢。

小黃蓉:

係你專登讓我遮,明知我呢個係陷阱都故意踩落去,唉,你真係太好心啦你。(公事者,當然係公司比錢既事啦,係咪? =p)

多謝你關心。我會馬上教訓佢!(爛gag:諳佢瞓)

香妹呀香妹:

Moon當然辛苦啦,查實我都辛苦架。我要咁咁咁,又要咁咁咁。

小珠:

我呢,查實真係唔會心軟。不過,我諗你都會同意,要睇準時機,先可以出「必殺技」既重要。

Bravo:

Thanks, bro! You make me realize that we may separate facts from lies by seeing and not by hearing. (Vow!)

bravo said...

CM:

You too make me realize a good operationalized definition of "intuition" ! ^^

Bravo

余若虛 said...

小朋友發燒可大可小,小心。

講起有線喎,我電視+寬頻夾埋有成十三四年,咪一樣咁。佢只會比優惠新客,係唔會善待舊客戶囉。上年cut左喇。好燥。(我曾經寫過文凸有線)

南區肥龍 said...

忙公?忙私? 你似乎百足咁多爪喎...

小朋友發燒...其實我知你會既,不如再抽多少少時間陪Dada吖~

>> 若果有人回應我呢篇呻吟,究竟佢地會唔會「淨係」同我講:

「男人最痛」?

講笑咋我. 而且邊有「最痛」呢.

認真果句: 咁快啲搞掂就好啦!祝DaDa早日康復!

C.M. said...

Bravo:

Yo! ^^

若虛兄:

多謝關心。小朋友佢依家開始可以紮紮跳lu。

有線單野。前幾年都有promo既,但都係我主動打電話去查先至有。依家?個X交叉hotline永遠唔會有人接聽,駁黎駁去換黎一肚氣。

你指既係呢篇?http://polyyyh.blogspot.com/2007/06/blog-post_21.html

佢仲出通告話「一定」要用佢專用表格先可以取消,提番起都想媽叉佢。火火火火火

肥龍兄:

真係好忙!(比我扮下都得卦)

阿Dada晚晚嗌到拆天呀,陰功。係架,個女病,男人真係會痛架。多謝你關心。

(BTW,我終於試過Haagen Dazs 個Baileys 雪糕... 嗯,我諗我都係鍾意Bailey多好多囉。)

Karen (Sze) said...

>>覺得中國(大陸)會點點點,又話將來應該會點點點(還說起「移民」的事...),跟住我就同佢講話我已經寫緊篇論文......

論文, 快畢業乎?

都係呢句, 政治這東西, 好難話得埋, 今日唔知聽日事; 記得當年中國發生那件事, 真係有打算移民, 但弊在唔夠銀両, 唔成事。我有些朋友, 九十年代移民, 唔夠十年就回流, 仲話香港好過______(請填寫當年想移民的地方。

不過, 我亦有朋友移民了無回流, 但係呢, 佢的情況就值得參考, 若然阿moon想成家移民的話, 我希望她看了才去決定:

1. 當年思媽的朋友成家人(一家三口, 包括我的契弟弟)去了加拿大, 一去十多年, 一切重新開始, 做基層工作(如餐館送餐和洗碗), 但薪酬比在香港時少了一大截, 幸好沒有遭受那裡人的白眼, 然而代價係一身操勞, 打風下雨會風濕。

2. 當年思媽曾經勸過那位思媽的朋友, 叫過他不妨把香港的物業放租, 不用賣掉, 若然當地環境不適應, 可以回港, 找工作較彼邦容易兼有屋住(況且我的契弟弟被安排在加拿大升中); 但當時思媽的朋友無聽到兼賣埋樓, 到他們想回港時已經太遲(因為唔夠銀両, 只可租樓, 而且當時為了是否回港的事, 搞到夫妻經常不和, 最後都無事)。

3. 當您們諗著移民係為下一代好的時候, 對那些小孩而言是否真係好呢?

>>一早被客追瘦
您間公司欠d客數咩?

>>假如我覺得Da Da 的病毋須擔心,會否有人覺得我冷血?
係o架, 信唔信我又幫moon姐打您兩巴呀嗱!

小朋友發燒(如DaDa), 非同小可, 小則小朋友辛苦, 大則燒壞個腦, 甚至會變成disable(唔係講笑, 您知我真係識兒科醫生o架啦), 不但要好好take care, 最重要的係要日日沖涼, 兩日洗一次頭, 定時食藥(尤其係vitamin c)和多點休息, 兼且依排唔好帶佢周圍玩(您咪話:出面d細菌好惡o架, 會令到您唔舒服o架), 咁就快d好。

祝DaDa早日康復!

《鹿死兔勝》: 那一日, 我好想寫, 但, 又讓我想起ex-(因為係佢生日), 所以我呢幾日, 心神不定。

>>若果有人回應我呢篇呻吟,究竟佢地會唔會「淨係」同我講......咩呢?
咁您想我講d咩呢? 定係「淨係」想同我講咩呢?
您都知, 我間中都找您"呻"啦(不過內容無寫低嘛), 呀我又醒起, 您無回覆關於下星期我您她是否加多一個她的問題噃(您咁clever, 明啦)!

>>《寬頻》
依間o野, 成行都知啦(「唉!基寶」嘛), 除非您鍾意睇足球, 否則幫您唔到!

005 said...

- DaDa 發燒, 無需擔心但要睇醫生.

Hana said...

DaDa 發燒會長高,使乜驚啫。

>2. 但今天仍繼續在電郵裏跟小黃蓉進行攻防戰。戰果一如以往,小弟只有挨打的份兒。
hehe...
可圈可點,莫非...hehe

C.M. said...

Karen:

>>快畢業乎?

論盡文呀係!(即係又長又侵又臭既冗文呀)

>>移民

我地講既移民,唔係講我地要/考慮移民,而係講 Mobility 遮。Moon 話若果認為一個地方無法滿足果個人個 Mobility Potential,咁就會有人移民勒。

>>您間公司欠d客數咩?

講錢,d客欠我地公司就大把。我係比d客追report遮。

>>打您兩巴

冷靜d冷靜d,我呢塊面呢排情況好差,你打埋黎小心爛手播。

>>祝DaDa早日康復!

多謝。FYI,佢琴日沖左至少三次涼。

>>下星期我您她是否加多一個她的問題噃

我當然覺得無問題啦,仲覺得好榮幸添!你不如問下之前果個她啦。(醫生唔該,請問整容幾錢?)

>>足球??

鍾意都唔幫襯佢呀!

C.M. said...

005:

Thanks!衡量過,應該唔洗睇醫生。敷左冰貼,退左燒。

>>無需擔心

你明白。所以話呢,「冷血」遮係咩?

C.M. said...

冰冰!

唔該!定係出牙呢再?等我check check 先。

莫非... 唉,勝則慘勝,敗則慘敗。輸多贏少,無謂題。


疑問:

查實你有冇接觸過:「定係出牙呢再?」呢種好似先後次序倒置既廣東話語法呢?(國語又有冇既呢?)

Morca said...

你梗係飲得太多,唔係阿 moon 點會咁火?
與其食言,不如食字~

忙:我都好忙,就快歸天...又見小黃蓉喎!
冷血?唔係喎,見你成個蒸籠咁,不太冷.
求救,求教:乜忽然間咁虛心呢?
若果你無醉,就唔會噏咁多,飲多杯啦喂!

005 said...

咁又係, 有人睇住都唔怕既.
若然話朝九晚六呢段咁長時間無人睇住就唔同講法.

不敗的魔術師 said...

多謝C.M.在無糖童話(二)的傾力演出。

Karen (Sze) said...

辛苦moon姐姐囉(請您代轉述)!

咁您係咪(哎, 唔講得, 唔好打我)......辛苦埋您囉!

>>講錢,d客欠我地公司就大把。
間公司唔係善堂, 快d叫會計部向佢地追番d錢啦(出糧支出旨意d錢o架)!

>>冷靜d冷靜d,我呢塊面呢排情況好差,你打埋黎小心爛手播。

我依排唔多冷靜(詳情請睇我俾您的貓), 嘿!至於您塊面, 係咪成面粒粒呢? 我諗您係熱毒谷出泥啦! 除了多飲水, 少肉多菜以及少食熱氣食物外, 看中醫和食龜苓膏應該會幫您清清個熱底(不過您又話, 中藥好苦o架, 唔好忘記----苦口良藥嘛)。

又, general reminder:我覆了您關於pro唔pro的話(post dated on 25 May)。

C.M. said...

Morca:

與其食字,不如食螺絲? ;)

你忙成點呀?趕緊咩project呀?

蒸籠?多汗?

忽然虛心?(你係咪黎踩場先!)

噏咁多?講開又講,又好似係醉左。

C.M. said...

005:

咪係,所以我都係打左十零個電話返去遮。

C.M. said...

魔術哥哥:

小弟十二分榮幸!(有下次再侵埋我玩丫)

C.M. said...

Karen:

>>快d叫會計部
Well,追錢我理唔掂播,何況,我都唔知爭幾多,淨係知道個個月都追遮。

總之我呢排心火盛啦,小心。