Friday, October 31, 2008

8. 哀兮喜所倚

急步離開公司,踫到阿潔。

「這麼急,約了女孩子嗎?」瞄一瞄我的身後。

「不是啊,上學去。」沉著、鎮定、自然。

「下課後記得打電話給我呀。」笑裏藏刀!

身後面的雪好像沒大反應,只略為停步,靜待我精湛演出。

「一定。」

限時一句鐘。

很奇怪,身子有點晃,手心盜汗。

向學校方向走,不斷帶點顫驚的問阿雪,這裏那裏可以嗎?其實她也沒所謂,只是我不知怎的,竟然自問自答,嗯,不如再往前看看吧。

「前面小強記好嗎?」被人家奪了主導權,或許開始厭煩。

沒有卡位,找了張圓桌,我面朝街上,坐在她的對面。她點了一客粟米石斑飯,我還是豬髀飯。開始閒話家常。

由於某種原因,我緊張兮兮的把弄著戒指。被她逮到,問:「你結了婚嗎?」

冷不防有此一著,震震有詞的回應:「兒子叫布布,現在五歲,非常可愛,非常頑皮。」(一邊笑,一邊手舞足蹈,並揚一揚那種初為人父專有的眉)

公司所有人問我,都是這個答案,同一個樣辦戲。演技越誇張,就算所表達的是事實,都會讓人摸不透。

兩人繼續的談天,我也繼續奮力的保護那戒指背後的身世。為了避免被她那雙晶瑩的光采降伏,我不知不覺把焦點移往她身後往來的行人。她也察覺到我微妙的轉變,也望望她背後是否有異。在她回過頭來的時候,我還是往著外面出神,恍似箇中淒楚無人聽,也不知道想不想人家聽到一樣。

一席話已經知道,她,聰明,理性,觸不到。

很遠很遠。

雪,是第三位曾經跟我一起單獨吃晚飯的女孩子。

20 comments:

p.e.t.e.r. said...

第一

篤篤篤撐 said...

第二

Hana said...

第三

第三位?

Hana said...

第四

(喂,阿Ming幾時搵我食飯?)


哈哈哈

小寶 said...

>一席話已經知道,她,聰明,理性,觸不到。

For argument sake 如果只係一席話就因為對方聰明,理性而判左自己觸不到既死刑...咁快投降點得架?如果對方強過自己唔可以係頭腦上力敵就應該係感性上智取囉。就算呢兩方面都唔得仲可以死纏爛打...etc。再唔係比我呢個小流氓出場調戲一下佢,然後比你上演一幕英雄救美喇。

>喂,阿Ming幾時搵我食飯?
咪o岩o岩食左囉。雪、冰,同一樣野既唔同形態黎既遮。而且你又聰明又理性,最重要係「觸不到」;),fit晒個profile喇。哈哈!

Hana said...

小流氓即係小流氓,咁嘅高尚場面又點輪得到小流氓出場呢?

(啍,邊個調戲邊個都未定哩)

小寶 said...

>「前面小強記好嗎?」
喂!段估小強記唔係五星級酒店又或者鄉村俱樂部卦?有幾高尚呢又?

>啍,邊個調戲邊個都未定哩
呵呵!我又唔怕你果d生左銹既奪命較剪腳招數呀。即管放馬過黎!

C.M. said...

冰冰:

係,第三位。阿Ming佢其實好深閨架。

小寶:

唔洗for 乜sake勒。係,全中,真係未打先輸,所以條友咪劣囉。況且,家陣舊戰場未打完,依家走黎開闢新戰線,洗唔洗咁博呀。

仲有,比你呢個小流氓出場,咪盞多隻香爐鬼(嘿)。

冰冰:

唉,呢個小寶施主真係唔知高尚為何物... 屙呢駝乎

大雄寶殿 said...

老子做左城隍啦已經!

嘿嘿~等我撕爛你地d哈囉WIN面具咪赤裸裸地高尚囉。到時候唔使估估下咁猜啞謎。有咩三口六面拆惦佢。

005 said...

打岔一陣... Max payne 拍左戲, 上畫搵你睇.

火鶴 said...

豺狼要同阿潔睇Max Payne, 咁就由我出場約阿雪去間五星級酒店又或者鄉村俱樂部食飯啦.

Hana said...

小流氓:較剪腳又點會益你吖!係都留返俾阿Ming啦。

C.M. said...

大雄寶殿:
哈哈,我呢塊狼皮面具點撕都唔高尚架喇(琴晚唔洗扮都可以嚇死人)。其他人呢~

005:
嘩嘩嘩!!!正 x 999!Go go go!!!

老鶴:
算.點.先.玩.野.牙.

冰冰:
咳um。(今日天氣好似幾好)

小寶 said...

午夜之狼give me 5 喇!你場戲我做晒joker啦(擺個樣出黎已經系,要嚇死人幾時輪到你?),你就囉曬彩喇,我d片酬幾時清埋條尾數先?

>係都留返俾阿Ming啦。
唉!好對手難求呀。既然你唔肯賜教,唯有挑戰個540度後旋踢啦。

佚名 said...

哎呀,遲左
都要霸位
第五
xd

C.M. said...

005:
睇完Max Payne個Review,雖然未完全同原著一樣... 不過,似乎都係好正,至少可以拍四集。

小寶:
咩片酬呀!(惡樣+膽生毛)

話明友情客串,梗係免費架喇!最多留番場冰冰公主怒劈小寶公公你地自編自導自演勒。

p.e.t.e.r., 篤撐, 小佚:
多謝賞面!

Karen (Sze) said...

阿Ming何時約K小姐, S小姐和M小姐, 兼帶埋阿雪, 一起吃晚飯呢?

C.M. said...

Karen:

Errr... 阿Ming呢,就只會同阿雪單獨約會囉。K,S,M呢,等阿C應付喇。

Karen (Sze) said...

K小姐其實想同阿Ming單獨約會囉, 但係呢, 諗到阿Ming隻指環呢.....。

C.M. said...

最多我叫阿Ming 出黎之前除左隻指環先咪得囉。