Tuesday, June 08, 2010

雜談的焦點 (2)

排隊

梁文道早前有一篇《中國人排隊的質素與技術》讓我很慚愧,原來我抛棄了管理思維。

管理思維不是外在的,而是把「控制」責任歸於自己的,並可以帶來教育大眾的價值。

回想組織內的情況,的確越想越多,亦越慚愧。

變、求變

真的不想擡出太多政治貨品,小的不夠班之餘,也慣濫竽充數,丟人也。不過,還想談「變」。

變,是會遇到阻力的。不單外部阻力,也有來自內部的。是向前,向後,不是重點。變好,變壞,不是重點。

變,才是整體的重點。

不怕變,才是自己的重點。

搬家

無奈要搬地方。朋友問,我答。原來的地方是筍盤,現在的地方是平盤。租地方,絕對可以有要求,只是對時間不能有要求。

初次跟新屋碰面,廁所小得可憐,樓梯長得可怕,客廳大得可以...... 要,就需好醜全收。

問皇帝女,「十X樓還是這裡好?」想了一會「Mmmm... 這裡好... 因為... 因為... 可以打保齡。」人家都說唐樓實用,的確沒騙人。單是要重新添置全屋家電,已經勞累了好個星期。正式搬屋搬雜物的那天已經是最輕鬆的了。幸得父母兄弟姊妹幫忙,否則全家可要有一兩天在天橋底度過。

現在百廢待興,但小妹自製的 makeshifts,永遠讓我驚嘆。

讓座

向來我都是讓座的人。意思是,我以為我是比一般人更會讓座他人的人。

中學時代的我,應該不折不扣是一個笨直少年,坐電車上學,必定走上上層,不論有否空出來的座位,我都是站在車頭的窗邊。後來漸漸覺得,原來有人需要座位的時候,竟然沒有人讓座,而我因為沒有座位可以讓,所以使我下定主意,先坐好,再讓座。一直相安無事至今,心情愉快。

搬家的勞累讓我不想讓座,就上了巴士的上層...... 原來這種坐車一定要往上層跑的慣性,正源於「不想讓座」。老弱婦孺,是不能到上層的,在搖晃得很厲害的上層,讓座根本不存在一個自願付出的可能。

我好聰明。

16 comments:

hkeric said...

小弟地鐵都不坐,看來以後要坐了.

Gideon said...

哎吔,比 Hana 講咗
我發覺坐上層睇少好多靚女的
因為啲靚女絲襪短裙豆令高踭鞋咁,真係上唔倒樓上架..
坐上下層,都有代價

篤篤篤撐 said...

上層好多少男少女在後座痴纏, 睇多好多野

p.e.t.e.r. said...

超等位喺我飛佛,通常坐低就閉目養神。不過如果我見到有人有需要都會讓座嘅。
但更多時喺,我讓比D人佢地都唔肯坐。

C.M. said...

Eric:

噢,令你改變習慣,實非小弟所願呀。(如果有日搭地鐵見到有個C.M. or equivalent,左手拖一個大BB女,右手抱住一個大BB仔,唔該幫幫手)

鎚:

哎呀,係呀。查實我都係呢幾日先開竅,今日排響我前面果個長髮套裝裙,走左樓下後面坐之後,我又戇居居咁跟左個大漢上左樓上。我潛意識可能呢... 太受道德規範勒...

篤:

慘勒我,朝早逼車果班多數都目光呆滯西裝男套裝女喎。

p.e.t.e.r.:

據聞你自己渣車,唔係咩?Errr...乜你識得搭車架?(查實,你讓座果d,係咪全部都係妙齡少女呀?睇穿你啦佢地。)

p.e.t.e.r. said...

>今日排響我前面果個長髮套裝裙...

其實你上上層先喺正路吖!除非你排隊果陣已經見到佢個樣喺好㗳得杯落果啲啦。否則等佢轉身果陣,500次你有498次都會好後悔點解唔上上層囉。如果唔睇樣嘅咁都或者有150次會令你滿意嘅。不過好多時都會避唔開見到個樣,咁個150次入面又會有148次你會好後悔㗎喇。

>據聞

你喺邊豎聞返嚟㗎?我仲有揸船同揸...添!搭車?我搭11号巴士同搭船出入多啲喎!吖,唔喺,我喺搭訕最多。嘻嘻。

>睇穿你啦佢地。

你都傻傻地嘅,讓得座嘅當然喺高齡啦。妙齡嘅一喺佢就坐我隔離,一喺就我同佢一齊企先喺正路㗎嘛。

Anonymous said...

排隊

梁文道早幾個月提過,麥當勞對香港最大既貢獻係,幾十年前,教識香港人排隊。當你走入麥當勞時,見其他人都守規矩,你自然唔好意思打尖。

衣種,應該係另類既mcdonaldization。

丫,我仲以你係講佢衣篇文添。

****


辯證法﹖即係老毛個句以「天下大亂達到天下大治」﹖

****


幾時有「王子公主帶你遊新屋」既相片展﹖

****
讓座

經過我多年搭車周圍目及經驗,阿哥阿姐輩(即三十零打後喇)「讓座率」係高d架喎。條curve由40歲左右開始,又會下降。

另,你話台灣佬虛偽定咩都好,我去台灣,見到佢地既博愛座就真係冇後生既坐--even周圍冇老人家都好。

~goethe

C.M. said...

p.e.t.e.r.:

係呀,排隊果陣已經見到佢個樣嗒得杯落架。我梗係實證過... 先至會後悔嘛... 不過好彩,我搭果班車,又成日都會見到同一個鬼妹上上層,咁囉...

>>你喺邊豎聞返嚟㗎?...搭車?我搭11号巴士同搭船出入多啲喎!

唓,原來係果d超等位。(講開又講,阿小狐狸都係搭11号巴士同搭船居多...... 我開始懷疑你係小狐狸假扮既!!)

>>先喺正路

...但係你比我印象都唔多正路播。

C.M. said...

歌德:

查實我真係想講佢篇文,之但會係懺悔形式出囉。講開mcdonaldization,米正正係我話教育大眾既意思。但我得出既「最大」觀察,唔係你果隻:「見其他人都守規矩,你自然唔好意思打尖。」喎。而係:

**唔排隊,無(好)野食。

Conditions:

1. 有好野(motivator, pull factor)
2. 排隊,係好野supplier既命令(push factor)
3. 唔排隊,亂,令到所有人有排都未有好野(collective justice)
4. 唔排隊,隨時比人踢出隊(individual justice)
5.6.7.8....

暗黑老師曾經提供過一個case比我,話佢地廠班爛佬如果去到五星級酒店,都會曉得安分守己。丫well,今次我真係聽住先勒。... 係會,不過究竟「會」成點?「會」幾耐?單係見到「環境」驅使你去咁,我覺得唔太持久囉,因為,無「他人」去「control」,自己又冇motivation(motivation去瞓大堂梳化就有!),咁點捱落去呢?

查實上海世博,都一樣可以,不過只係未必持久咁遮。(因為唔能夠持久地apply control)

又,都係講institutions.

C.M. said...

變:

俾你睇穿添...

係。

但唔洗「大」亂。

查實我想第三集寫,由institutional development 引申至政改利弊... 甚至,預測今次政改投票結果(初步預測... 有人要犧牲名譽地位)。

搬:

都好,雖然唔再有無敵海景,但都有天台靚月光。丫又,仲有123級樓梯。

讓座:

丫,提起博愛座。我覺得地鐵果d「疑似博愛座」真係無乜擁躉囉。唔好話座位,連「疑似博愛企位」都無擁躉囉。

如果香港人係咁虛偽就好咯,至少可以令MTRdization有一番作為嘛...

p.e.t.e.r. said...

>又成日都會見到同一個鬼妹上上層,咁囉...

超~咁肯定你喺覺得鬼妹好D先上上層啦!你果D唔喺後悔,喺"懊"悔魚同熊掌,不可兼目及遮!

>果d超等位....

你咪話吖,有好多時喺超等位度都可以俯瞰到祖国嘅美好河山,間唔中都會見到D氣勢磅礡嘅山巒起伏(姑勿論喺大自然嘅鬼斧神工抑或喺現代科技嘅建築奇蹟),都好令人精神為之一震㗎!

>你係小狐狸假扮既!!

嘿嘿,數數手指...食完四年前嘅滿漢全席,喺時候痕喇下嘛?有人餓到開始見幻象喇 ;)

>唔多正路播

你教主當年夠比人話佢離經叛道喇 ;)
唔通你都喺果班食古不化自稱正道之士嘅門生?
我好似唔正路咁喺因為我拒絕墨守成規遮。做人冇D逆向思維就會流於行屍走肉。
逆完再逆,就可以返璞歸真喇 ;)

C.M. said...

>>不可兼目及

咪係,一個熟客仔,一個生客,比著你會鍾意跟邊亭?

>>都好令人精神為之一震

你... 講緊「風景」?

>>喺時候痕喇下嘛?有人餓到開始見幻象喇

無計喇,七年嘛,年關難過...

>>唔通你都喺果班食古不化自稱正道之士嘅門生?

喂喂喂,賊喊捉賊乎?好似係你老哥話我唔夠正路先播!係,我唔夠你勁,唔夠你叻,之但,睇在我係你番屎份上,就讓我一次咁多喇...(咦?乜你...唔係小蛛咩?)

「」

C.M. said...

Yo!屋企仲未裝寬頻,下星期一見!

p.e.t.e.r. said...

>你會鍾意跟邊亭?
填充題:唔理生與熟,最緊要__ __。

>講緊「風景」?
提示,keyword喺"俯瞰"同"山巒起伏"

>年關難過...
年年過!久守必失吖兄弟!

>喂喂喂,賊喊捉賊乎?
嗱嗱嗱,莫講話implied consent唔apply,你仲要implied accusation?我淨喺話咩先正路,冇話到你唔正路吖!喺你自己對号入座咋!

>咦?乜你...唔係小蛛咩?
你中咗七蟲七花膏 呀?先喺小狐狸家下又小蛛?

>仲未裝寬頻
打去c/s催喇!

C.M. said...

前排我先講過何患無辭,嘿,就擺明屈你,洗imply?

七蟲七花膏!?果然精通兩文四語啞。向來... 我都係落毒果個。。。(唔好笑!)

寬頻呢... 就... errr... errr... 係我未申請...

C.M. said...

By 船山

http://sfngan.blogspot.com/2010/06/justice.html

TED2010
Michael Sandel: The lost art of democratic debate


According to Aristotle justice means giving people what they deserve. The real questions begin when it comes to arguing about who deserves what and why.

When we think about justice, Aristotle says, what we really need to think about is the essential nature of the activity in question AND the qualities that are worth honoring and admiring and recognizing.