Tuesday, July 13, 2010

散戶看國企保險股

琴晚睇夜間新聞表示,「中國保監擬將傳統壽險預定利率市場化」。幾隻保險股顯著下跌。

然後有財經評論員話,「市場反應過敏」並認為「放寬制訂(保證回報)利率,可以擴大市場份額,抵消因利率(因競爭)上升所增加的成本」。

作為一個無買保險股既明燈散戶,最大興趣係,呢個消息,究竟可以令保險股下跌幾多,然後可以趁低吸納?

係咪應該聽班財經評論員/演員講,短期股價仍然會受壓,但中長期對呢堆公司影響不大?

如果比我呢個散戶睇,第一感覺唔係「市場反應」係咪過敏,亦唔係某某公司總裁話對收入影響不大,而係,中國保監「點解要放寬」?

原因我只得一個:「外資對手太強,亦越來越強」。

基於呢個(明燈得出黎既)原因,我諗我唔會沾手國企保險股。又,竟然響呢度講股票,我真係黐左線。


(哎吔,我仲未講鯊魚同埋agnostic 添)

3 comments:

鹿米館 said...

基於內地一向有政策市的玩法,外資有幾勁。
阿公即時推出針對外資的政策,可以KO或者冷卻對手。
其實內地經濟環境,越來越似日本。大賺外匯,但又唔比外人來賺內需。

C.M. said...

阿公呢,我唔否認佢地都想賺進外匯喇(無邊個國家既大佬唔會咁諗)。不過呢,如果要明目張膽咁KO 對手,真係唔多覺喎。佢一係唔比你入場,一係匯管,一係令外資響競爭中handicapped。不過,外資仍然湧入,咁足証中資仍然有需要學外資既伎倆。

今次呢,消息大部分係技術層面既事,盈利喇、成本喇、惡性競爭喇,而比較政策性既,例如傳統險保費及其佔比下降啦,係要發展保障型壽險啦,之類。一係internal,一係environmental,之但未見到external喎(雖然惡性競爭都可以算既)。

又咁,之所以有感而發,係因為見到(係,見到,唔係知道,無詳細消息來源)某外資保險公司從某大內險公司搶生意搶得好成功,服務不但做到足,保費仲平過人,仲可以有數圍呢下先勁。

側面睇,該內險公司保費貴自然係(人地外資都得,應該係internal process成本低既結果),亦睇到內險公司既響產品種類方面都照顧唔到客戶。

以前我都睇好內險股,覺得佢夠壟斷,不過依家,我覺得個edge已經唔係好似十年前咯,響兩三年前左右,呢個edge我已經睇得好淡。

至於越來越似日本呢,少少喇,不過我諗國內對於外國產品依賴性分兩部分:必需品固然外人賺唔到(中價必需品則50/50),高技術/價格產品,則需求比日本強好多,響呢個層面,就算唔想比人賺內需,頂多係國策層面,但絕對唔容易實現。

C.M. said...

21世纪经济报道:

>>传统险保费及其占比持续下滑应该是此次政策出台的重要原因
>>保监会曾多次强调要发展长期保障型的传统险

第一個原因,完全商業考慮,根本毋須保監會考慮;

第二個原因,比較接近政策考慮,但如此政策左右保險市場,除了是擔心內險公司盈利(因此影響保險市場穩定性)之外,我就看不出(咁當然,我大近視)何需強調了(又或許採用傳統壽險可能必須劃分某百分比保費作銀行存款呢)。