閑思搐言
久不久就會有野發生打亂思緒。
多元情感
黑人tweet：「原諒佢」呢句說話真係有千鈞之重。
「當一聽到新聞報導，我第一個想起嘅就係果個父親。」
Control geek
如果唔係涉及「責任」，我多少可以隨遇而安。之但，不明確責任多如繁星，所以周時都會庸人自擾。
老頂個老頂同我傾偈，話會盡力挽留我。我同佢講「隨遇而安啦，船到橋頭自然直。」
我成日都唔明白自己究竟講乜春。
Control ... freaked
友人給了我們short notice，瞬間誕下麟兒。（語病語病）那天，眾同樂。
那天之後，媽媽卻在精神上感到極度不適，朋友忙亂近慌，唯有務實務虛，雙管齊下。要若即若離，當父母的難為。
冀早日渡過難關。
又一個理論
由小孩們所建立的體制。
巴士班次少左，可以減少污染？
唔係逆向思想，純粹擦槍走火（見左丁山）。
... 看到Melbourne 以及世界其他城市疏落的公共交通班次，可能反而驅使更多市民自駕，從而令污染向另一個方向失控... 我越來越覺得，（社會）解決空氣污染的時候，隨時進退失據。
著跡
燈要放響檯面，定係檯底？
燈，梗係要放檯面啦。但咁唔係樣樣野都係燈黎嘛。可以係燈油、棉芯、威士，或者係餅碎、麥穗，甚至係吹到好大好大，但越吹越令盞燈更光既風。
**************
（後補）
事不關己 (2)
呃，突然記得兩件事，浮光掠影。
1. 書展禁肉模
淨係曉得拆開兩部分，民意、文化。然後好負面咁睇。
文化，等於虛偽文化，肉模登堂入室，係社會自己裸黎，求仁得仁。
民意，理得佢係乜文化，總之阿媽女人家長話唔得。（家長既上街示威機會會唔會比求仁得仁既大？）
咁決策者查實應該base on 咩黎決定俾咩人入場參展呢？
2. 廣人捍衛廣東話
嗯... 查實我第一個反應係，超，捍衛咩遮。除左滅族或者種族清洗，語言唔係話殺就殺嫁，你估一把刀捅落去就可以殺左語言咩？（所以局內人，查實係諗緊其他野；而心水清既外人，就擔心其他野...）
又咁，有冇睇過果套《Windtalkers》？語言有價值，就自然有人捍衛（或利用）佢。如果無價值，唔洗捍衛都會比人唾棄。
捍衛肉模文化！
4 comments:
C.M.兄：
香港的問題是，巴士實在太多了，尤其是非繁忙時間空車甚多，真的可以適量削減以下。
查實全世界鐵路發達的地方，巴士都只是輔助交通，甚少像香港般，仍這麼倚賴巴士，單靠鐵路滿足不了全部人的交通需要，但太多又造成嚴重的空氣污染的問題。
澳洲和美加城市最大的缺陷是地方太大，人口太疏，不開車不成，地方空曠所以污染問題不大，但碳足印其實很大！
最理想是歐洲城市，人口密度適中，可以提供適量和尚算方便的公共交通，減少民眾對開車的倚賴。不過這些地方冬天太冷，不開幾個月暖氣不行，一樣造成大的碳足印。
捍衛肉模文化 X 2!!:)
係咪要比個like你呢?哈。
江兄： 你講得啱。
呢兩日我搭巴士返工，一路諗緊呢個問題。
我認為如果以鐵路（地鐵）本位咁睇，自然得出巴士係輔助交通呢個結論。但如果從城市發展角度去睇，其實巴士先至係urban development 既開荒牛。你話係咪？
*****
最近話說政府準備同巴士公司檢討巴士路線同埋班次。... 其中有個論點我覺得有好大問題：減少班次
查實，如果要減少污染，我覺得減少某部分班次，並不治本，而且可能會引起反效果：班次少，居民便會覺得不方便，轉乘其它交通工具，屆時令該巴士路線變成空車行走路線。個人經驗而言，這些路線，香港島有之，新界有之... 九龍，則不知。
這些情況，應該以實際數字，以及可能的替代交通來跟區議會討論/攤牌，考慮完全取消這些路線。
又，如果要巴士在城市減少污染，（並同時服務市民）還需要研究，例如，路線可以保持，但上落客點，可以縮減，即拉闊兩個車站的距離。尤其下車路線的車站可以更闊，好處是鼓勵乘客以自己雙腿提供feeder，減少倚賴，疏導下車點的交通流量。（上下車站的間距背後其實有一系列的原則）... 嘩，資料足夠可以寫proposal給政府了。
又，其實我個人對於碳足印並不太在意，總覺得以碳排放作為準則... 實在過分以環保為尊，忽略其他值得珍惜的事情。
鹿米：
hehe，i like you like啦。查實我係果亭最想將肉模納為私房菜，多過lik佢地出黎登堂入室既偽君子囉。
Post a Comment