Monday, November 01, 2010

菲島小記

紙扎工廠除了要我簽生死狀外,還外派這個將死的人去菲島接受培訓。嗯,這樣說說菲島並非單要強調自己如何大鄉里(對上一次從香港機場飛好像是十年前的事了,總之太久太久了),而是想記下一點感想。

簡單來說,馬尼拉是一個農村化的城市。

堵車很厲害,高架天橋少,集體運輸設備少(地鐵欠奉,巴士不多,街道多Jeepney及Taxicab,所謂的火車就像LRT);教堂建築設計有時令人眼前一亮,其他建築所賦予的感覺,足與國內三線城市互相輝映;菲女可以很漂亮,大部分好像很純良;菲男樣子或許要人敬而遠之(不論什麼原因),大部分都比較... 缺機心。

下榻的酒店(Mandarin Oriental)我想畢生再無機會再去:房價不清楚,設備殘舊程度如三四星(香港標準計算),服務員及接待員卻達五星,商務中心的接待妹妹體型外貌達六七星(最笨忘了跟她拍照!);跟幾個同事在酒店用膳吃了兩個小時,幾乎悶死;在房間打了四通電話,每分鐘收費超過50港幣!其中兩次沒有接通的,在我要求下她們就waive了,打通了的六分鐘,就花了三百多港紙。

有兩晚我一個人離群到街上消磨尋歡,有像其他地方,小童們跑到馬路向司機兜售物品,偶見遊客注目會起哄求買(挺保守,沒有國內的進取);有年輕人拿著一小方盒標籤著“Viagara”的東西,索價1000披索(還是3000? 不記得,總之我有心有力!);酒吧門外有阿叔問:「Are you lost? I found a good way for you」(全馬尼拉最有幽默感的竟然是呢位阿叔!);有兩艷女追上問地埗:「Two hours 500 pe, one hour massage, one hour sex」,走了幾乎兩條街,推說 I have friends with me 才可保晚節。

幾乎每棟樓房或商鋪無論大小都有一位保安員或所謂看更,大多為男士(不論年齡),次為阿婆阿嬸;每條村雖烏燈黑火,但觀乎當地人的眼光遭劏死牛的機會該不太大;很奇怪有些村幾乎被所謂「韓國餐廳」(或韓國什麼什麼的商鋪)所淹;大型商場(Ayala Center 等),還可以,但當問到服務員關門時間竟然一個答我八點半,一個答我九點,一個答我九點半,另外一個竟然還要問另外一個!大型超市地方裝潢比美香港吉之島,鮮魚鮮肉多,唯包裝產品種類較少(一行人的手信就只有7D的芒果乾);偶然在超市跟一位華籍 Grandma 搭訕,我倆用英語交談,她說不要到城外去,丈夫曾經被打劫,搶了三百萬(3 Million,該沒有聽錯),聊了很久,我說不如一起拍照,然後送電郵給她就好,跟著就給了我中文名字,給了我她的電話、地址、電郵,說如果在這邊有什麼事需要幫助都可以找她(當地人的安全感與無奈感可見一斑)。

三天過去,我還念著那位漂亮的外國同事。


(本記純屬小札,希望不會為我帶來噩夢連連。)

*************

為保名節,決定加貼:

1. 酒店房門(《請勿打擾》可略見Logo)。

嘿,此房間實乃偷情家庭房,房間裏面有另外一道門,可以連接隔壁房間。

2. 房間

嘿嘿,茶几面的黑色碟不用說明咯。原本會盛著小小的Welcome fruit,不過呢,其他同事都有,我的欠奉。而且,縱使這次旅遊培訓是每人一個獨立房,其他的都有單人大床,我的,就這樣咯。

3. 往探險途中的街景(隨便拍)


4. 超市一角

20 comments:

篤篤篤撐 said...

漂亮的外國同事
>>>PHOTO, pls !

said...

我有一位要好的舊同事是菲國華僑,他告訴過我,如菲必要,不要去菲國,當地挷架華人真的很普遍。

Anonymous said...

吹水嗎﹖

冇圖冇真相﹗

~goethe

C.M. said...

篤:

有呀,不過唔會share出黎囉。(Hehe, 家陣響messenger同佢chat 緊)

米:

之但外來人似乎安全好多喎。(雖則,要體驗成個國家)

靚:

事實,係無真相可言既。Hahaha。

Ebenezer said...

言裡行間,流露出你在菲律賓相當苦悶咁喎^^

p.e.t.e.r. said...

事實係,你刻意隠瞞真相!

字裡行間,透露咗你內裏正在蠢蠢欲動囉 ;)

C.M. said...

以便:

睇得出咧... 果次真係困獸鬥咁,難捱。(好彩靚女同事話果度d 海灘一流,拉埋我去游水喎。)

p.e.t.e.r. :

嘿,無隱瞞呀。頂~ 面對果個情景,個心噗噗噗噗咁跳,難捱。又,果邊其實亦見到唔少心up事,一樣難捱。

C.M. said...

靚+篤:

Posted lovely photos now!

p.e.t.e.r. said...

>無隱瞞呀

[1]
將句子< 冇圖冇真相 >的意思翻譯成公式須加= ,成 < 冇圖 = 冇真相 >

:* 冇圖 = 冇真相
THEN 冇圖/冇 = 冇真相/冇
:. 圖 = 真相 ------ (A)

翻譯< 有(圖)呀,不過唔會share出黎囉 >成公式,成< 圖 = 唔會share出黎 >

AND 圖 = 唔會share出黎 ------ (B)

SUBSTITUE (B) INTO (A)

THEN 圖 = 真相
(唔會share出黎) = 真相
:. 唔會share出黎 = 真相

根據 < 唔會share出黎 = 隠瞞 > 定理
:. 唔會share出黎 = 真相
(隠瞞) = 真相
隠瞞 = 真相
將公式< 隠瞞 = 真相 >翻譯成句子減= ,成< 隠瞞真相 >

所以事實你喺 隠瞞真相 。

[2]
X: 漂亮的外國同事 >>>PHOTO, pls !
Y: 靚+篤:Posted lovely photos now!

X(漂亮的外國同事PHOTO)
Y(房門/房間/街景/超市photos)
PHOTO =\= photos
漂亮的外國同事 =\= 房門/房間/街景/超市
而且房門/房間/街景/超市一點也不lovely
i.e. WRONG PHOTO POSTED!!!

Comment
>好彩靚女同事話果度d 海灘一流,(P)拉埋我去游水喎...面對果個情景,(Q)個心噗噗噗噗咁跳,難捱

請於下個post詳細形容P&Q并解釋其狀態。請注意,文章須俱備5W1H之原素,且須為舒情文体而不得以敘事形式敷衍了事。若內容有分析成份,只可以focus於心理及生理反應。

鑒於[1]&[2]的問題,下個post必須圖文並茂且須補貼正確的"漂亮的外國同事PHOTO(S)"及或"靚女同事"沙灘噴火三點式泳衣PHOTO(S)。其他photos,一蓋視作欺瞞各方忠實讀者行為處理,後果自負。

For and on behalf of all your faithful readers,

p.e.t.e.r.

C.M. said...

哎呀呀... 冷得我騰騰震呀... 乜呢d相,仲唔夠lovely咩~

施主,得饒人處且饒人,何必苦苦相逼呢~
(先博取同情)






最多,我私底下過比你啦。
(後分化群眾)


。。。喂喂喂,等陣,米蝦我懞盛盛喎,都未去沙灘,家陣何來有噴雪泳衣照呢大哥(們)。

魔術師 said...

不如嚟返個「單戀日誌番外篇」:

時:某夜
地:菲島
人:小狼,商務中心的接待妹妹,漂亮的外國同事,流鷥兩隻

p.e.t.e.r. said...

>冷得我騰騰震呀

超~呢個禮拜同上個禮拜比暖咗好多喇,咪轉話題呀,呢招唔等駛㗎。

>得饒人處且饒人...(先博取同情)

問題你喺小豺狼,唔喺人。而且,自從你喺度晒命話好掛住果位"漂亮的外國同事"、"靚女同事話果度d海灘一流,拉埋我去游水"、"不過唔會share出黎囉。(Hehe, 家陣響messenger同佢chat緊)"...等等咁惹人遐想嘅情景,你一早就喺度博取緊骰情而非同情!大家都喺度等緊你開出嚟呢鋪,喺"大"定"細"。

>我私底下過比你啦。
未收到喎!擺明喺冇誠意喇!

>都未去沙灘
"靚女同事話果度d海灘一流,拉埋我去游水喎" 就算喺石灘都有啲沙掛?點都好,學你老細話齋,我唔理,你死都要死(幅相)比我。
即喺好似個提防小手個廣告咁講:大佬你咁揚晒出嚟,唔幫襯你就對唔住老細喇。你老哥喺咁喺度晒命,無非都喺想我地問你攞相睇啫。

哈哈,魔術師,我哋就等佢交咗個圖文並茂嘅詳細報告之後再拭目以待閣下嘅妙手,將之配上繞樑三日嘅名曲,然後再改編成蕩氣迴腸嘅劇本喇。

bittermelon said...

好高興見到你能夠平安回來.我講真,係果到無比人打劫或欺騙過,真係萬幸.

當地Mandarin Oriental已經算好好,我當時經常住在Westin hotel,出入及吃飯都極唔方便.

C.M. said...

魔術師!

諗過度過,都係寧比人知算勒。(又,我覺得似寫人狼外傳多d囉;又又,我真係有諗過認真寫番外篇... 定係番邦篇?... 不過都係算。家陣十個茶煲得三個蓋,死都唔掂)

p.e.t.e.r.仔:

呢個禮拜真係好凍咧,又無人幫冚被。(嗚嗚)

你講開搞到人地又心思思添... 啊,上去intranet睇番都可以止下咳喎。查實你知喇,我周不時順口開河,都係吹下水遮... 相lu喎...嗯嗯嗯,有機會有機會。

阿大佬,我真係無揚出黎架,你睇你睇,呢度得幾個comment咋。

你竟然同我講曬命?嘿,唔好話你份人收收埋埋~ 如果我係「曬命」既話,咁即係話你好「恨」喇。嘿,就等我揭穿你個面具喇。。。嘿嘿嘿。

C.M. said...

苦瓜兄:

乜咁驚嚇呀... 雖然又有好多人都咁講,但我真係未feel到咩imminent threat囉。(well, 我明上得山多既道理...)

你既意思係... 你曾經響當地比人打劫或者欺騙過...?劫色並欺騙感情乎?@_@

魔術師 said...

區區相片,何足道哉?

魔術師歌劇系列:

單戀同人誌番外篇之菲島小記

經己公演。

p.e.t.e.r. said...

>又無人幫冚被
咩呀?呢排雲多夜晚唔見咗個月光呀?

>搞到人地又心思思
有件事?遇疑難,話我知!

>我周不時順口開河,都係吹下水遮.
我都喺發吓牙痕,搞吓亂檔啫。

>相lu喎...嗯嗯嗯,有機會有機會。
總之就有拖冇欠喇,我知㗎喇(你仲爭我小狐狸物語呀,我記得㗎!)

>呢度得__幾個comment咋
你食咗個十呀?

>我揭穿你個面具喇。。。嘿嘿嘿
我認喎!我學小豬嘅,做人要低調啲呀嘛 ;) 正所謂棒打出頭鳥,我唔想比人扑濕所以咪柄埋喺你度囉。

C.M. said...

Magician: (用notebook打字真係唔慣)

如果唔係得你,真相... 將會係一個謎。感激感激。


p.e.t.e.r. :

>>呢排雲多夜晚唔見咗個月光呀?
查實我每晚都只係對住bum牆咋

>>遇疑難,話我知!
疑難呢,就無勒,心癮呢... 剛剛搣甩左。Hehe

>>我唔想比人扑濕所以咪柄埋喺你度囉。
難得你深明大義,好,反正我呢度夠靜局,就出租呢格過你啦。

the inner space said...

我來遲了!

剛巧 mandarin oriental 和 westin 我都住過,慘!是不只住一晚兩晚 。。。。。。。
哎! manila 小生怕怕囉 those were the days 晚上更難捱!

C.M. said...

Space 果然係大企要員!難道果我幾日其中一個trainer就係你?!(係咪碧眼金髮個靚女?)

Manila,市區好似唔多覺有咩旅遊特點,對於我自己而言,仲有一種莫名“抑鬱”既氣氛... 你就好啦,可以留咁長時間去體驗... 羡慕羡慕。