Sunday, August 07, 2011

我的小學習作

哲路暗示

低俗、墮落、平庸...

對於我這個科學人來說,這些名詞不難理解 - 大概都是 normal distribution curve 的左/右端吧。但對於同時作為人治副業員的我來說,這些名詞不過是一堆負面的情緒暗示 - 對語言暗示毫無防範的人所設的陷阱。

哲,可以係道,可以係學,亦可以只係(或唔係)路;或視乎當中有幾多只係情緒暗示,有幾多係真知灼見;或視乎行道的目的、目標。

菠蘿、香蕉、蘋果

小學既時候,本練習簿叫你三選一,四選一,揀出當中有邊個唔同。到左大學上策略管理課程,一樣有呢種exercise。不過可能人大左,對於小學練習有截然不同既感受。

課程導師 lik (起初蓄意,漸漸隨意,最後亂黎)三樣野出黎,然後叫各位試下玩簡單 similiarity and difference既遊戲:

A. 邊兩種性質(or whatsoever)相同,而又與第三種唔同
B. 三種有咩相同
C. 三種有咩地方完全唔同

起初:

1. 菠蘿、香蕉、蘋果
2. 車、馬、龍

漸漸:

3. 油燈、垃圾桶、汽水罐
4. 哲學家、科學家、傳教士

最後:

5. 電插蘇、石班(魚)、希特拉
6. 普洱、阿根廷、巴士

玩左一陣,突然覺得,原來果幾句:見山即山,見水即水;見山非山,見水非水 - 其實都幾有道理。

(老連:Genius vs Tyranny

匯率.... 霸.... 權....

今日上網睇到一則評論(by Craig Stephen),話港美掛鈎既聯繋匯率,(好可以)係導致高通漲壓力、higher cost of living, from food to rents既來源。..... 所以 it comes as little surprise then that billiaonaire Li Ka-shing, who owns the largest property developer in town, last week suggested that a change to the peg could be dangerous....

經濟論者一派話「預期」主導,所以最好不變應萬變。

係既,我好認同。因為我完全唔相信金管局入面有任何人,可以曉得(=有能力、有學識、有魄力)跟住美元強弱買賣港元以外既市場操作囉。 Well,我唔係話佢地廢,佢地只係唔曉得啫。(嘿)

要變,即係同攞公帑較飛無分別。唔變,同剝削低下階層又庶幾近矣。

假設,呢個聯繋匯率制度係始作俑者既話。

13 comments:

the inner space said...

無論哲:是道、是學、還是路。

兄台哲人也!

C.M. said...

Space... 小珠唔響呢庶喎,係咪摸錯門口?(我寫呢堆野,純粹呻下啫)

又,查實我都同小珠講過,覺得你... 莫測高深(褒意)。

魔術師 said...

魔術師歌劇系列之《單戀同人誌外傳之哀鴻雜憶》經已公演。

卡臣 said...

學到好多嘢呀

Anonymous said...

面對兩位更感到我是小矮人!





Space

C.M. said...

阿魔術牙,

最初呢,原本呢,諗住呢,對呢個疑似歡喜收場都有d期望既... 最後呢,終於呢,打算呢,約你出黎旺角碼頭,然後呢,跟住呢...

卡臣!

認真講,好多哲理,凡人只能響一個個故事裏面推敲,而未必能夠從眾多偉大哲人中學習。所以呢,你講咁多故仔,先至係濟世為懷呀。

Space:

講開故仔,你話係咪先。(又,我寧願好似你咁靚仔囉。)

小寶 said...

>係咪摸錯門口?

我都打咗個突

嘿嘿..... 前門定後門先? XD

魔術師 said...

小寶:

小CM話佢pat pat 隱隱作痛,咁肯定係後門喇!

小寶 said...

嘩~開花咁精彩?個劇幾時上演先?....咦?原來上咗畫喇?點解冇男人最痛嘅?

C.M. said...

我企左響度好耐喇 -__-

小寶 said...

哈哈,痛到坐唔到呀? ;)

魔術師 said...

小寶:

係喎,一時諗唔起呢首添...

C.M. said...

我相信今晚呢度既怨氣一定好重...