Friday, February 16, 2007

不談人事,只談軼事

農曆新年,終於來臨,因為今次為小女首次的農曆年,所以小弟已經密鑼緊鼓的為小女添置新裝,準備脅天子以令諸侯,向一眾親朋討利是。雖然小女已經成為小弟新的人生焦點,但去年底當小弟藉開Blog重新練習文筆之後,寫Blog竟漸漸成為小弟一個新趣。

就剛於男人冥想聖地閉關的途中,突然記起當初開Blog是怎麼開始。原來那時是先從新聞紙中看到某某可敬私企老闆的辦公室軼事後,小弟突然不知何來某種奇想,於是開始了日頭營役以外的快活人生。

記得當初在 Blog中四處遊歷時,仍不大清楚Blog為何物。但總算十步之內遇到訓街高人和搞乜野高人,獲得兩位高人灌輸功力後,便開始在此非人世界以武會友。

動武途中,又遇到另一個俊俏老闆,此老闆讓小弟認識到原來讀書人也可以咸咸濕濕,令小弟奉為師尊。就在師尊背後,小弟竟然後從這老闆的辦公室中,仰望到個頭似甩未甩的淘氣小姐姐。

小弟覺得淘氣小姐姐非常難服侍,而且文筆非常馬料水,經常使小弟錯誤以為馬尿水,所以與其溝通經常碰壁,於是尋找其裙下隨臣相助,望以解困。

查實早從私企老闆中得知裙下隨臣,但一直無緣會面,於是小弟往草廬蒙昧拜訪,方發現鎚臣乃一代清純派偶像,於是小弟自此自封小番屎。

別過偶像,便來到某女強人的閨房。房中香氣撲鼻,一下子便認得其香為名牌嬌蘭貨色。小弟見嬌蘭女乃事業豪傑者也,略作打擾後,小弟本準備識趣道別,不料一個小雪崩把小弟沖走。

小弟正想尋路回到私企老闆去,恰見街上牆壁貼有長頸禽一頭,於是逕往兵頭花園去。該長頸禽碰巧怒髮衝冠,旁邊他禽非死即傷,此情此景,速逃為妙。

逃難中,遇見落難英雄,於是互吐真情,英雄所居之地,雖已為狼群盤踞,但仍抱一片丹心,就算四面楚歌,都堅守下去。小弟深為感動。

此時,有位經常被老細搵笨但又為佢赴湯蹈火的另一位英雄突然出現,於是三人混入 Ball 場,可是,不幸的小弟誤信他人,原來兩位英雄竟在小弟的鮮果飲品中,分別混入高粱威士忌。小弟於是不省人事。

迷糊中,小弟見到衣冠楚男,奉上一杯南方舒適樂,遂為脫困。

脫困後,小弟惘然若失,發覺人間險惡,於是把經歷記入私人筆記中,突然筆記冒出小仙女乙名,並獲得她傳授人心人術,感謝過後,便赴灣仔從戎去。

在灣仔後街,遇到惡死老闆講及當年往事,勸勉其他準蟹民,靚蟹就算發臭也可以是美事,總之塞翁失馬云云。

心想既然無蟹在手,又不明所以,所以繼續前行。路上遇到與小弟一同報考英式普通話的辦公室阿喂,於是伴隨上路,忽然刮起柔柔的微風,小弟亦一時為之心動。但又默然,究竟諸事妹妹又去了哪裏呢?

從戎途中,又新遇見投筆中人,往後才證實,原來十步之內,豈無芳草,實乃恒久真理也。

回到私企老闆家中,又見到眾人濟濟一堂看電視。熒幕中,看到靚女主播自述,心諗原來自己都幾把炮,當年小弟向小妹發動追求攻勢既時候,就出左一招“必殺技”-“小妹,雖然小弟什麼都不能給你,甚至需要一起捱窮,但唯有自己的真心才最貴重,請笑納吧。”

收到一記耳光作回應後,便奪得了美人歸。現在嘛,勝者為王,小妹,你還有退路嗎?呵呵呵呵....

南柯夢碎,小弟大叫:哥哥、姐姐、妹妹,你們說會替森林做訪問的,如果在農曆年之後才來,記得要派利是給小女哦!

最後仍要囉嗦一句:祝大家新年快樂,身體健康!

23 comments:

七十樓危危下望 said...

有幾難服侍呀又

我個頭擰到就黎甩啦
左思右想左顧右盼左右為難呀 (!)

Gideon said...

嘻嘻,講起淘氣小姐姐難服侍,如果你叫碰壁,我就係頭崩額裂喇。

C.M. said...

危樓姐姐:

淘氣小妹妹難服侍全個Blog界都知啦,乜姐姐你唔知咩?淨係鎚臣先至鍾意服侍佢。

既然左思右想左顧右盼左右為難,不如擲毫決定丫!雞肋雞肋...

鎚臣兄:

難得有你肯為淘氣小妹妹頭崩額裂,否則,Blog界真係死傷無數勒... orz

samsara said...

女強人!!!

No la,實情我温柔婉約,賢良淑德,小鳥依人,楚楚可憐…


嘿,如果比我d friend知道我咁樣形容自己,真係無雞蛋都除鞋掟我.

Gideon said...

又咁講,難服侍既。。 七十妹唔算喇。。
有 D 真係。。 變L態

cm.. 有時會唔會覺得 blog 介就好似你初初認識一間教會?一入去個陣時溫情陽溢,讓人著迷。慢慢就會發覺佢地笑面辸人既另一面,比一D 會响你面前插你一刀既人更恐佈。

其實邊度都係咁啦,帶你入黎既係人,終有一日令你離開既都係人。辦公室裏面都一樣喇。所以有人會唔俾人留言,或返工時間無需要都唔會同其他人傾計,為既其實係更想留低。

hmm 好似講得太多野添,差 D 唔記得左你先係人事大呀哥嘻嘻。

新年快樂!

Karen (Sze) said...

>突然筆記冒出小仙女乙名,並獲得她傳授人心人術>

好似講緊我噃, 但唔敢肯定。

Anyway, Thank you so much. I gave best wishes to you. Please see my blog & your email.

新年快樂!

Tommy said...

wow CM 你的想像力與渣老闆有得 fight

新年快樂﹐人人發達!!!

C.M. said...

嬌蘭姐:

查實真係好少見你温柔婉約過。恕罪恕罪。(新年流流不吐不快...)

鎚臣兄:

小弟硬係覺得你成鬼日幫住佢!

>>有時會唔會覺得 blog 介就好似你初初認識一間教會?....

若果真係用教會做例子,之所以覺得“恐怖”,只是因為外人期望太高,不明白亦忘記大家乃罪人的道理。正如,有日你看到一個和尚吃肉,你可能會覺得他如衣冠禽獸一樣。

又正如,有日你看到一個小鐵鎚抱住小妹妹過河,你又可能覺得....

>>其實邊度都係咁啦....
鎚臣兄,容小弟冒昧,今次小弟覺得完全和你身同感受。新年流流,越吐越不快。

(查實到小弟係人事大阿哥既時候,相信應該乃百年歸老之時矣)睬,新年流流...

小仙女:

>>好似講緊我噃
小弟都唔知到啊,就係打開私人筆記個刻,你就跳出黎洛!
(BTW, I didn't see your email. Please check.)

Tommy哥:
>>俊俏老闆文筆非凡,小弟甚至無資格望其項背,羞愧羞愧。(BTW,你好似食家黎播,點解你唔會肥既呢?)

再祝大家新年快樂,身體健康。

ak said...

C.M.兄,

正當AK準備閉關數天,靜思己過之際,見到閣下大作...百感交雜...

賦閒在家數天,遙想職場眾敵環伺之驚心動魄,兄弟尚且一力擔當,然面對決擇之十字關口,竟然畏首畏尾,裹足不前...「英雄」兩字擔當不起,原封奉還...落難倒也貼切...

我輩男兒,眼淚血汗就當如醇酒吞,區區威士忌混高梁,想來難不到閣下,待兄弟叫廚房切兩盤牛肉好送酒...來!飲!

七十樓危危下望 said...

ak 師兄:

今晚請移步到五年前的華蓮堂
我當備好一盤雪花牛肉
把油墨菜洗淨
為你點一盞風燈
搖曳的光與砂鍋的火舌雙輝映
在這急景殘年
讓你安靜地默默地把前塵吃掉,把猶豫一乾而盡

spiral said...

cm兄, 我冒昧來拜年了, 你可別趕我走喔.
另, 我又帶來了五加皮和xo, 又可以大醉一番啦! 爽呀

C.M. said...

落難英雄:

>>然面對決擇之十字關口

啊,咁要搵私企老闆傾傾啦。雖然...雖然...有d情況真係未必能夠完全用勇氣/承擔黎決定(尤其當要顧及他人之時)...不過,按照小弟眾多既彷徨及失敗經驗,只有“真心”的聽天由命,才知關口原來剛從身旁輕輕掠過。

酒嘛,尾溫Ti,重要加碼來個五加皮+XO!(陀螺兄,你今次真係要幫小弟頂頂。最多我捱義氣幫你飲左成樽鮮果雜飲佢)

肉嘛,尾溫Ti,重要加碼來個雪花神戶肥牛肉(小二!想食壞人牙,比d“油墨”我地食!“油墨”比淘氣小姐姐食得勒,油麥菜就比英雄同埋陀螺兄食啦)

有酒有肉欠歌舞,等小弟叫小女來為大家贈慶(正大哭,換片先...)

甩頭淘氣小姐姐:

乜馬尿水有華蓮堂咩?五年前...橫風橫雨..... 華蓮堂=破廟乎?

陀螺兄:

自於英雄的Lion's Den一別,今有緣再飲,高興高興!不過既然一場來到小寨,先乾左罈5+皮+XO先!(拜托拜托...)祝你新年快樂,身體健康!

渣估 said...

c.m. 兄:

祝你豬年亨通! 心想事成!

渣估

ak said...

七十小妹,

兄弟半醉之間,趕赴華蓮堂之約,若有閃失,萬望恕罪(小橋流水應猶在,只是朱顏改)...如此這般的好日子,良朋聚首,雪花牛肉加油麥菜當然好!如果還可以有研宿的涮羊肉,豈不快哉?

來!這麼多朋友,要安靜的,默默的,還不如痛快的!來!陪我乾了這一杯,讓兄弟痛快的上路!

C.M.大哥,

我輩男兒大杯酒大塊肉之間,還有七十小妹相伴,算是不錯的了...(借你的場來打邊爐,萬望大哥不要介意)...

大哥,兄弟的case,單是真心,真係拆唔掂...如果拆掂,兄弟就唔使煩成咁啦...今次二揀一,無囉...

Spiral兄,

來來來!這埕竹葉清,換你的五加皮,有你著數吧!飲!

火鶴 said...

國產竹葉青五加皮...

好, 等火某又帶箱國產紅酒嚟助慶...

「這幾日天候乍寒乍暖, 城門河先是解了凍, 到這日北風一颱, 下起雨來, 河水氾濫成災. 的士既不便宜, 火車又會爆炸, 許多要渡河前往馬料水的客人都給阻在小瀝源口.」

各路英雄, 今晚有緣在小瀝源相遇, 一邊宰牛飲酒, 一路講述鐵鎚大俠事跡, 暢快暢快.

C.M. said...

快樂英雄,雙面英雄,展翅英雄:

咁o岩三位大俠都親臨小寨,請受小弟一拜... orz

三位大俠果真俠義心腸,小弟敬佩之餘,亦難掩愧色。我講緊乜?唔好咁謙勒掛。授人以漁,不快哉?

快樂英雄:

小弟查實不知幾咁喜歡打邊爐(唔係辦公室阿喂話齋個隻就得勒)。放心啦,冇野係拆唔掂既,放心!

雙面英雄:

小弟查實除左學你文筆之外,重見到你有好多動聽既弦外之音。真係好鬼死難得有人咁有心。縱使你真身真係曹哥呢隻衰佬,小弟都咁敬佩。(難得不嫌棄小寨悶,多謝加拎!)

展翅英雄:

早知用展翅啦,長頸禽真係幾難頂。恕罪恕罪。既然有酒有肉有美女,適逢英雄你又傳授漁之術,小弟姑且吐露蹈海漁魚娛汝等吧!

祝身體健康!

On Dog said...

CM兄, 小9遲來了! 祝你年關勁過!家大歡喜, 新年快樂!

"此時,有位經常被老細搵笨但又為佢赴湯蹈火的另一位英雄突然出現,於是三人混入 Ball 場,可是,不幸的小弟誤信他人,原來兩位英雄竟在小弟的鮮果飲品中,分別混入高粱威士忌。"....

相信非小9無他人已!英雄?不敢不敢...只是一頭過街小狗也!

CK said...

cm兄:多謝你響過去一年對小弟既提點就真。

祝你豬年事事順利,心想事成!

hongkongpotato said...

>>路上遇到與小弟一同報考英式普通話的辦公室阿喂

莫非係講緊我呢個閒人??

哈哈,阿喂真係岩聽,好似耳邊就聽到公司既人講"喂喂阿邊個,幫我搞掂佢。。。"

豬年快樂~!

洛克 said...

CM 兄,

新年快樂

C.M. said...

蹈火英雄:

哦,我認得你,係你啦係你啦,就係你將d 高粱倒落我杯野到既...難怪今年真係年關勁過啦。好彩今年有小女係度,點都應該可以回本嫁勒掛。祝你今年能夠搵番你老闆笨,補番數啦(就算唔得,比佢搵少d 笨都得掛)

私企老闆:

嘩!大老闆拜訪,小弟有運行矣!你知嘛,小弟一開電視,就連自己個無人性節目都唔睇,第一個就睇你個節目。你知喇,次次開電視機之前,都要d高volt數能量支持下啦。

(私企老闆,查實提點絕對愧不敢當,凡事有得必有失,老闆實已曉得平衡至上的道理,相信豬年將無往而不利。而且閣下小宇宙非凡,實乃我等市井傾慕學習對象也。)

老闆,祝你同Stephy兩個新年快樂,身體健康!

阿喂哥(難道真名偉哥?):

今年你d英式普通話應該學有所成啦,小弟就唔掂啦,普通話就學唔成,反而學左京腔英文,難怪比導師恭祝笑口常開啦,比人笑到蹗地就真!

琴晚一家三口,連同維園百萬人,熱鬧開心之餘,下次咪搞。

今日大年初一,恭祝大家新年快樂,身體健康!加多句:愛如潮水!

C.M. said...

止惡老闆:

老闆有時真係好精警,好強男人風格。除左祝你新年快樂,身體健康之外,重祝你今年搵到個嬌嬌啦!

samsara said...

CM哥哥,

我都話實比人掟鞋嫁啦.果然心細如塵,十分偑服.

祝你同你夫人身體健康,小天使快高長大,越來越靚!