Tuesday, February 27, 2007

唔鍾意玩 Fair Game

.
CK兄講 Fair Game,勾起 CM不少玩 Boardgame 既興奮回憶,原因是小弟於 Boardgame 中贏多輸少。Boardgame 好玩之處,乃在於同一個起始模式,能夠演變出不同的結果。原理雖然和中國象棋一樣,但因為有歷史背景作為比對,所以博弈雙方往往可於遊戲之後,作出一些有趣的討論和總結。

話說 80年代中期很流行一副戰爭 Boardgame,背景描述第二次世界大戰德國向蘇聯發動的一場侵略,而這場戰爭持續了四年。博弈雙方分別飾演侵略的德國和自衛的蘇聯。任何一方於限時內完成某些目的者,便為勝利。

該 Boardgame 的設計,德國的一方開始實力約為蘇聯的一倍,但隨著時間流逝,蘇聯將於戰爭開始後一年內(即 12 個回合內),將可以維持實力均衡。如果蘇聯採取穩扎穩打的方式,德國往後就絕無取勝的希望。按照歷史,蘇聯大約於戰爭開始後兩年左右進行全面反攻,直到完全打倒德國為止。依照一般的判斷,德國必須要於半年內(即 6 個回合)打倒蘇聯或在兵力上取得壓倒性優勢,否則勝利的機會就會很渺茫。

CM一開始接觸此 Boardgame 時,就被要求扮演德國一方。第一次玩,因為對手持續的遲疑不決,最後出現一個少破綻,加上很大的幸運,CM 以大約30個回合艱苦險勝。

第二次 CM 再次扮演德國,雖然這又是同一個對手,但他已經吸收了上次教訓,為自己的起局佈置得更妥當,而且更了解遊戲規則。可是,今次 CM於 6 個回合內已經操控全局,對手投降。

第三次,對手以為德國戰無不勝,於是要CM調換角色,扮演蘇聯。這次,不出 3 個回合,CM 已經穩操勝劵。對手幾乎不敢相信自己已經無法取勝。

CM 每次於對弈前都會仔細研究所有規例,尤其留意雙方自有的限制和優勢(肯定對方也是)。並會於遊戲開始前,進行兵棋推演。所以雙方都有同等的機會優勢。不過,當 CM 每次要下象棋的時候,便會兵敗如山倒,所以 CM 對於中國象棋的態度傾向可免則免。

回顧自己在 Boardgame 的連場勝利和在象棋的連場失敗,CM 有如下感想:

從 Boardgame 知道

  1. 戰場的勝利者就是那個失誤最少的一個 (不記得是誰的定理)
  2. 弱者的進取,比強者的畏首畏尾強
  3. 弱者比強者更追求勝利的喜悅
  4. 遭逢失敗,可能是因為不夠“善用”遊戲規則
  5. 遊戲是快樂的泉源

唔玩 Fair Game

  1. Boardgame 中,基礎實力不對等
  2. Boardgame 中,起步策略性位置不對等
  3. Boardgame 中,機會不對等
  4. Boardgame 中,規則不對等
  5. Boardgame 中,目標不對等
  6. Boardgame 沒有 Fair Games,只有 Balanced Games

論 Balanced Game

  1. 要勝利,必須把握時機,創造時機
  2. 要勝利,必須了解規則,善用規則
  3. 要勝利,必須權衡輕重,認清目標
  4. 要勝利,必須掌握形勢,了解對手
  5. 要勝利,必須學習應有的態度
  6. 要進一步勝利,必須顛覆自己的平衡

要持續勝利,CM 選擇逃避學習象棋,鑽研 Boardgame,並且繼續尋找和佈置適合自己的戰場,與對手不公平地決一高下。小弟唔鍾意玩 Fair Games,但鍾意CK(同埋洛克個句)。

22 comments:

火鶴 said...

豺狼兄, 老老實實嘞, 其實你係唔係畢主席? 係嘅話就單聲俾我知等我靜雞雞開心吓都好, 吖!

Gideon said...

我咁大個人,因為心思唔夠細密又冇運,所以從來極少足祺玩 boardgame..... 只係有段時間,沉迷圍祺。。。

ak said...

C.M.兄,

你講果套係莫斯科攻防戰,對吧?依幅棋對德軍既要求比蘇軍嚴苛好多,基本上蘇軍要站穩陣腳其實無咁難...AK既德軍通常去到史太林格勒就已經係42年冬季...

嚴格來說,依套係War Game多過Broad Game,近年AK多數玩既係Carcassone同Puerto Rico...仲有Settler of Catan...

選擇合適既戰場投入正確既兵力,避免於不合適既戰場浪費資源...設定戰場正係取勝既重要一步...

CK said...

又board game 又志偉明強,比阿火大俠講都似層層咁添…

係的話呢,請代小弟問候阿小梅姐…

甘正光 said...

小弟做了CD-Rom很久,初來留言,CM您好~

我接觸過的Board Game,只有Settler﹑Puerto Rico﹑Risk,其中最愛Puerto Rico,貪其玩家多,唔同坐位唔同打法,變化又大,最慘係拎住成手咖啡俾人迫上船... ^^

On Dog said...

"CM 選擇逃避學習象棋,鑽研 Boardgame,並且繼續尋找和佈置適合自己的戰場,與對手不公平地決一高下。"

捨短, 尊彼之長, 此才為CM兄真正既食力!
佩服!

洛克 said...

畢主席 ?????

其實我最鍾意玩人多蝦人少既遊戲, 一定贏, 咁先好玩, 嘿嘿

C.M. said...

鶴兄,CK兄:

小豺狼只係志偉強明,邊可以做到畢主席咁巴閉呀。屋企只得小妹,又邊有小梅咁高班丫。不如問問郁達夫,佢就知道畢主席去左邊勒。

鐵鎚兄:

哈,運呢家野,小弟認個播,不過,多數都係死好命果種。就係因為小弟心思唔夠細密,所以玩唔到圍棋,你知啦,圍棋只可靠食力,邊有得靠死好命架。鎚兄,犀利啊你!

AK兄、甘正光兄:

小弟先歡迎甘兄光臨小寨。坦白說,小弟最近很少玩Boardgame,原因就正正係甘兄所講:玩家要夠多,屋企又要夠大地方放 Map,又要唔好有小朋友搗亂,家陣真係好艱難。(依家好陰公,連玩solitaire都唔得...)

小弟所玩既Boardgame大部份都係Wargame,概因同小弟具侵略性既性格有關(男人嘛)。比較文靜既Boardgame小弟已經好少玩(Cluedo, The Stock Market Game, Civilization)。但最估唔到,就係竟然有咁多人都鍾意玩Boardgame,好高興!

AK兄:

莫斯科攻防戰乃小弟第一副接觸既Wargame,也就是Wargame令小弟喜愛歷史。原來你都有玩過!YEAH!小弟第一次30個回合就係勝利於Stalingrad,個時已經係43年8,9月左右,仲要係“第二次推進”先至剛剛贏到,好險... (其實係蘇軍太畏縮先會有此結局,否則德軍輸左九世)

(查實副棋已經消失得無影無蹤,但個心真係好想去憶述呢舊屎...)

On兄:

查實小弟都係唔想好似宋襄公咁,比楚軍渡曬河先同佢“公平”決戰咁蠢遮。真正有食力果個應該係 Davout至o岩,半渡水後被圍都未為Charles所擊倒。

洛克兄:

我都鍾意人多蝦人少,不過,若果比人蝦果個係小弟就例外。

[將自己放在一個能夠成功的位置...多謝!]

火鶴 said...

火某响好耐之前同班朋友通宵玩A&A, 第一次玩就攞德軍, 唔死就奇.

最近就玩過Puerto Rico, 都幾過癮.

C.M. said...

鶴兄:

你講Axis & Allies 乎?呢副野,小弟儲左好耐錢先買到。當時A&A簡直係萬人迷,唔洗叫,d人會自動問可唔可以一齊玩。d人唔鍾意玩德國,小弟就攞黎玩。PC雖然都出左,但小弟就一次都無玩過。依家小弟仲有副AD&D,Empires in Arms等等。(真係想開個post學畢主席講games)

今日上網搵到“Carcassonne”。小弟驚嘆依家d boardgames比以前更有創意,成個miniature咁,犀利!

真係好好好好好好好好好羡慕你地可以搵到咁多人一齊玩,小弟一個二個老死都唔傾既!

Marshmallow said...

>>真係好好好好好好好好好羡慕你地可以搵到咁多人一齊玩

CM兄, 不如你又來個初吻啦?!

C.M. said...

棉花妹妹真係知我心也!

查實小弟都好想寫,但係...真係唔記得...(喂喂喂,一個二個咪掟我先得架,真架播... )

當然記得比左邊個...但係係乜野情境,就真係抓爆頭...好似係其他同學屋企,又好似係渡假屋... 定係維園...?

火鶴 said...

豺狼主席, 果時讀書放暑假先有時間玩啫, 依家? D friends 睬你都有味啦.

Carcassonne 都好D, 唔需要用好長時間去玩, 我都有玩過 + expansion package, 其實, 玩果時係唔使整到成座山咁嘅, 不過就要好大張枱, 或者好大笪地.

BTW, Ticket to ride 都幾好玩架.

我始終覺得, 畢主席係鍾意莫蕙蘭多D..

ak said...

C.M.兄,

AK班中學同學依家間唔時都會約埋一齊聚聚,玩Broadgame成為左大家既共同興趣...

相對於War Game,AK比較鐘意Broadgame,因為set up會發好多,而其中既競爭性,未必低得過War Game...

你去到43年8,9月先出到史太林格勒,之後仲可以贏...42年冬季其實蘇軍就已經可以打冬季大反擊喎...

依家最鐘意係Carcassone...上次去美國掃齊佢所有既expansion set...連隨兩份雜誌附送既稀有expansion都掃埋...哈哈哈...

佢唔係立體game,正常係由第一隻四方形既棋開始,每人輪流一回合一隻咁抽同擺...再佔據其中不同類形既建築物/農地既主權,計分...

用齊所有既expansion,AK估可以玩到六至八個鐘架...都唔好話短...

火鶴 said...

AK47兄, 有齊所有 Expansion 咁好玩!? 羨慕呀!

6-8個鐘, 我諗有2-3個鐘係用嚟計分.

火鶴 said...

咦, 諗諗吓都可以用立體嚟玩喎.. 雖然係平面 game

C.M. said...

鶴兄:

當小豺狼一見到Carcassonne之後,果種震撼同衝擊肯定你地點都估唔到,跟住諗諗下,知道買左之後連solitaire都唔得,果種失望又係另一種打擊... 小豺狼唯有到小狼女長大一點之後,就“道”佢升仙,陪狼爸玩。呵呵呵呵!(check check 波多黎各先...)

至於蕙蘭,深有同感,皆因最後都無一齊嘛...(小弟都有個...嗚...)

AK兄:

你就好啦,有咁多腳,小弟依家得支拐杖咋... 同意,Wargame受set up 限制,所以擺棋要擺好耐,而且越係realistic,playability就越低...喂,你地如果有局,千祁唔好話比小弟知,免得傷心...嗚...

(天啊,今日小弟似足“舊屎阿伯”回憶緊芝麻綠豆事)查實如果佈置得宜,即採取小弟稱之為“點線防禦”計劃,蘇軍係一開頭已經可以令德軍寸步難行,42年初,因為德軍受規例所限,蘇軍已經可以作出局部反攻,到左年底,如你所說,更加係反攻好時機,德軍已經無勝望...

果次險勝,證實左一點:越係“畏”縮,失敗既機會就越大(AK兄,你都知道,除非蘇軍白痴,否則德軍絕無可能係43年能夠取勝...43年仲自欺欺人咁話要“誘敵深入”,天啊...小弟贏左都唔係咁光彩)

小弟睇過Carcassonne其中一d既rules,雖然設計成平面game,但似乎用立體黎玩,又真係有可能播。不過Boardgame比PC game多一個好玩之處,就係可以加入house rules。

House Rules...an art of management.

(唔理咁多,一於買番副黎玩先)

ak said...

火兄,
AK個play group,係一落場就會全力爭勝同打擊對手果一隻,所以就算玩Carcassone依d game都會度好耐,而且隨住加入expansion set,棋多左,玩既時間自然耐左...所以,真係試過玩足六粒鐘架...

C.M.兄,
買啦,Carcassone好適合女仔玩,唔加Expansion,兩個人玩尤佳...買盒同阿嫂玩啦!

C.M. said...

AK兄:

就聽你講,買!(但又心思思想買埋Puerto Rico 同Ticket to Ride... 一於先斬後奏!)

CK said...

c.m.兄:想請教你一個問題,同事們對別的同事工作能力和態度的投訴,有沒有甚麼好方法去處理?

C.M. said...

CK兄:

觀乎字裏行間所指,這些受投訴的同事,似乎在某些地方有值得其他同事效法的地方,或對公司有重大利益的。否則,作為管理者,應該是可以當機立斷的。

另外,投訴者可能是一大班同事,因為某一同事的日常反應,而影響“心情”和“工作情緒”(即一般的所謂性格衝突)。而因為缺乏資源去疏導同事們之不滿,所以被逼視為一個兩難問題處理。

最後亦同時假設同事們之不滿是合理的,但“無奈地比著CK兄你又覺得不是大問題...”。

CK兄,請問你的情況是否大致如此?

C.M. said...

CK兄:

原來如此

對你來說,如何處理應該一點都不難吧。(但傷心可是另一回事...)

C.M.