Crazy Mule, Moon and Da Da
難道你不知道我的心意嗎...... 小妹？
因為最近多了關心社會，反而忽略了身邊人，尤其小妹和小女。實在萬分歉意。
香水姐姐曾問及小弟名字的由來，的確，C.M. 這個名字有兩個來源，其一乃與小弟的腦袋有關，連小女都不能相告（家醜不便外傳）。至於另一個來源，就如本 Post 個標題一樣：一隻會發瘋又固執的騾。
Moon，就是這個騾子的愛人，讓騾子經常癡呆地遠望，等待。
Da Da，也是騾子愛人的愛女，人如其名，要打，方休。
所以本篇，謹獻給騾子的摯愛，Moon 同 Da Da。至死方休。
Till Death Do Us Part.
(最近工作很忙，筆記上的資料堆積如山，不得不儘快清理。因為 C.M. 將於暑假過後，工作上，會有新的任務，屆時... 難免... )
************
2007/05/14：查實呢篇未完架。小弟因為大前日趕工又趕放工關係，所以被逼胡亂完成呢篇... 小妹，等多我一陣啦，好冇？
************
Blogspot -
Youtube 同 Blogspot 真係好鬼煩。或者係小弟唔識啦，要我呢d電腦盲真係考起。第一次 Post 完，Blog，個 Youtube 可以仲係度... 但一修改少少野，就成個唔見左。
都唔係第一次架勒。以前要改番 d顔色，都竟然可以唔知邊度地方既字，突然可以變到一粒豆咁細。真係比 Blogspot 激到彈起！要好好考慮過檔先得。
************
上網 -
好煩。返到大陸上唔到 Blog 真係好唔方便。雖然暫時仲可以上到 Blogger 去出post，但係睇 Comment 都睇唔到，真係好...煩... 。喂，一條友，好悶架。
************
Moon and Da Da -
查實點左幾首歌比佢地：
愛妻： 伍佰的與你到永久 - 呢首歌係某一次，我倆拍拖時候一起無意中聽到的... 之後... 乾柴烈火...
然後有 Carpenters 的 A Song For You - 一首自娛既歌，呢排好鍾意（係架勒，得三分鐘熱度嫁咋）
愛女： Madonna 的 Dear Jessie - 呢一隻乃小弟童年之夢，亦是自己心中所欠缺的夢。
再有 Bee Gees 的 First of May - 男人之苦，何足掛齒？
************
小妹... 多謝你。但亦對不起。Da Da，要聽 Ma Ma 的話。否則，大刑侍候。
35 comments:
Wow！！ ^_
CM兄,希望你唔好介意,我想借你少少位問你一個關於HR既問題。如果job advertisement寫明resume with expected salary,如果我無寫, 係唔係就此byebye? 我覺得expected salary好蝦人寫好煩。請賜教。
嘩，很少可看到CM兄情深的一面，小妹實啉爆啦！
做人最公平呢﹐就係每人每日都只係得 24 小時 。所以朋友/身邊既人越多﹐佢地所分倒既時間就越少喇。不過若果 CM 有正經野要做﹐CM 嫂應該都唔會介意掛﹐嘻嘻
Vancouver 真係好。。 好尤閒﹐好靜。。。
鐵鎚兄，你就疏干喇！
原來如些,又真係幾似騾仔咁固執喎.
聽日母親節,除左同母親慶祝,都要幫年紀仲細既Da Da多謝Moon喎!
Moon Moon:母親節快樂!
C.M.兄，
女人...無論大細...都係...值得蹤，值得寵...
多啲好似CM 呀、AK 呀、CK 呀啲咁嘅男人就好喇！
Sorry各位，小弟剛從大陸回來（鐵鎚兄，小弟都有外遊，哈哈...嗚嗚嗚嗚...）
小珠：
查實你地做女仔幾好，又有人錫，又有人寵，好過做我地呢d騾仔，日捱夜捱...CK例外...
（嗚嗚，AK兄...你勝你半杯...）
公子：
你個問題都幾嚴肅，今日收工前嘗試回答你。（但初步估計個答案其實都幾無棱兩可...）
棉花妹妹：
願你有情人終成眷屬！（我都想佢啉爆，但係佢都唔睇小弟個寶號...）
鐵鎚兄：
唓！（查實好妒忌...）小弟都外遊啦，仲去左華南第一渡假之都碧桂園啦，呢呢呢，間公司仲係香港上埋市添呀，幾巴閉呀！琴日母親節燒野食（不過成30度都有...），幾開心！你唔恨得咁多架勒！搵日送張乾燒狼皮比你做紀念品。
溫哥華之嘛...（頂！）
不過講開小妹，查實佢真唔介意，但係小弟就幾囉...或者都唔算介意，但係...總之唔知點咁。
香水姐姐：
似嘛似嘛？小弟真係幾固執架，所以好多人都怕鬼左我。不過，呢d固執既性格，似乎遺傳佔大部分。
你都係呀！雖然同你講遲左d，但都祝你媽媽母親節快樂！至於小Da Da（高音），琴日可能玩得太顛，所以最終佢都要被人“DA DA”（低音），先至捨得訓（不過係我訓，唔係佢訓...成2點呀，Da Da Da Da。）
AK兄：
希望你擇水草而居既生活，可以快d安頓落黎啦，飲杯！
Esaltato:
不如我嘗試回答您(CM請勿介意)~
若然job advertisement寫明resume with expected salary, 不妨寫您期望的salary range(例如$15000-$17500), 但切記不要太闊或太窄。縱然您不太情願, 但聘請您的公司都想有個預算(budget forecast), 因此公司這樣做亦無可厚非。
CM: 您係咪有新搞作定係轉工呢?
Karen：
你的出現和回應，令小弟欣慰。願我把今天的祝福給了你，也願你早日康復。
唔，查實暑假過後有新搞作，至於轉工...最快出年（但係好心急），最緊要睇下新搞作個情況點樣（不知是福是禍）。
CM兄:
記得記得記得, 平衡平衡平衡!
唔係就好易成日PK(好似小9咁!)
祝「搵食姐, 唔犯法」! 咁就有福冇禍勒!
Esaltato:
小9加把口, 好多人「西」application會先睇expected salary, 個range中勒, 再睇age/sex (現實係咁架勒! 咪學李卓人咁天真!), 都中埋先睇details, 平均每個application花唔夠5秒。
如果個ad寫明要e.s.而你又冇寫, 我睇都冇咩好諗架勒! Job Matching由你click個Quick Apply已開始, 你都唔同人講你要乜, 下下要見面先知, 有幾多個HR人會咁樣玩?
CM兄：
如果揾到個值得你去錫、值得你去寵嘅女仔，咁呢個騾仔其實係好幸福架，好似你咁囉，係咪?（你唔知道你呢篇文好多人睇左都好眼紅架?）
嚴公子：
查實Karen同On兄大致上都講左個情況，小弟都唔需要點補充，以小弟自己個風格做，就會：
1. 如果公司比較有規模，佢地個Salary Structure 可能會相對較rigid，咁佢地可能會先睇下Exp. Sal.（有規模公司一向多人申請，所以要快手d）
2. 如果公司急住等人用，佢地又唔會咁concern salary，至緊要個人合適，所以先睇經驗。
3. 又如果屬於比較高層職位，咁就對於Sal相對無咁concern。入門職位，填上Exp. Sal. 會比人感覺多d誠意（喂，人地係AD度要求播），同埋慳HR時間，HR見到會開心d。
至於你若果無寫，而你又缺乏相關經驗，小弟相信，係蝕底d架勒。
On兄：
無錯無錯無錯，一定一定一定。
平衡先決。（題外話，當我roll上去睇到個條曬命疏肝友，不禁又想...YA！！）
小珠：
眼紅？小弟查實唔係好覺，但係，我呢排開始覺得有d欠左佢地兩個... 時間，買少見少。不過妳講得o岩架，有時捱騾仔，若果有目標，對於自己真係一件美事。
（我仲眼紅你呀，咁多驚魂奇遇，相信當中艷遇總不少...hehe）
艷遇? 咁的確係有啲嘅。但係你邊駛眼紅吖，咪玩喇。
小珠：
你咁多艷遇，係絕對唔會明白完全無試過艷遇既人既心情架勒...（心中淌淚...不過...唔知呢d同果d又算唔算呢...）
嚘,你真係會da da Da Da嫁?
Errrr...
想想想想想想想想想想想想想想想想想想想想
但得個想字... 原來做人父母，真係想da 都唔捨得... 仲要係好好好好好好好好好好好好好好好好好好好好唔捨得
（真係想架！我好相信有時父母需要出手管教，不過依家仍然太早，所以大d先，大d，我知道我可以狠心d）
都知你吾捨得嫁啦,大d一樣吾捨得,再大d仲如花似玉添,真係無可能捨得.
睇來Da Da都係騾仔剋星.
唔得！
真係要的起心肝，da 鑊甘先得！越大越曳！
（喂，唔好捉住我喇...都話唔好捉住我洛...）
Dear Jessie 好聽呀!尤其是中間既bb聲,真程係神來之筆.我每次幫friend做婚禮音樂都會有呢隻歌.
講漏左,近期我喜歡聽Susan Wong唱既First of May,前段intro既結他聲真係正到無倫!
Reviews on Susan Wong:
http://jimmyauw.com/2006/12/02/susan-wong-close-to-you/#more-76
http://jimmyauw.com/2006/12/02/susan-wong-i-wish-you-love
魔術哥哥：
原來你都聽過 Dear Jessie！哇，真係開心！查實我都鍾意 Madonna首 Till Death Do Us Part。首歌好特別。
多謝你的推介，等小弟去試下買番黎聽先！
另外，你有冇聽過一個70，80年代叫Tracy Huang既歌？我好鍾意聽佢唱 Here there and everywhere, I've never been to me, Long long time, 等等。把聲好正好正。
個時仲係聽Cassette，可惜依家搵唔番...。
Like A prayer 成隻碟都好好聽
其中心水為
Till Death Do Us Part
Dear Jessie
Spanish Eyes (我最鍾意呢隻)
你也可以在我既jukebox裡找到Susan Wong 既 First of May
Tracy Huang 就未曾聽過啦,遲d留意下有無compilation有佢d歌.
查實成隻Like a Prayer唯一一隻小弟比較唔識欣賞既係Justify my love。
不過，Dear Jessie 唔係o係True Blue 入面既咩？（可能我記錯）近排上Youtube聽番True Blue，真係開心。
另外，魔術哥哥，唔知點解我開唔到你個Jukebox，係有好多歌（正！），但有得睇，無得聽...唔通比公司ban左...
ban左唔出奇,返屋企試下啦.
無無聊聊 click 左入去Karen Carpenter 嘅 A Song for You。聽聽吓，竟然對眼開始矇矇哋。之後要聽 Dear Jessie 中和吓！
魔術哥哥：
雖然係屋企聽有d窒，但都幾好，尤其鍾意佢唱Desperado。
小珠：
係呀。聽Carpenters要眯埋眼聽至感受到架！
我其實是哭了出來呢。
Karen Carpenter 係世紀金嗓子啦
兩位咁不如聽多首丫：Close To You
呢首歌，令我諗起“佢”。
真好，有午間點唱，邊吃著飯盒，邊聽靚歌。唔該哂！：）
如果係尋日,我會點rainy days and mondays
小珠：咁晏仲食緊飯盒？
魔術哥哥：乜咁感性呀...呢排放鬆d喇。
廢寢忘餐，我慣喇！ =P
Post a Comment