Wednesday, August 15, 2007

神跡與我

上帝顯靈,神跡呀。
穌哥報夢,神跡呀。
石像流淚,神跡呀。
掌心出血,神跡呀。
刀槍不入,神跡呀。
考試滿分,神跡呀。
班花垂青我滿分,神跡呀。
苦苦祈求竟成真,神跡呀。
盲拳打死老師傅,神跡呀。
柳暗花明又一村,神跡呀。
險中求勝揮低對手,神跡呀。
個女入到貴族小學,神跡呀。
撞車但全車人無事,神跡呀。
飛機斷翼都無死人,神跡呀。
公司地震都可以上位,神跡呀。
三十樓跌落街唔死得,神跡呀。
上大陸十年都無行差踏錯,神跡呀。
發燒喉嚨痛都打左百幾字,神跡呀。

**********

我真係信有神跡架。

18 comments:

xiao zhu said...

快啲瞓喇,仲咁多嘢講!

s-pig said...

cm哥哥,

保重身體呀!

Old Cake said...

haha! 好!

惡女 said...

哥哥好明顯係病入膏「盲」,慘了。

ak said...

C.M.兄,

有咁多神跡...咁咪即係滿天神佛??

南區肥龍 said...

我睇完呢百幾字, 覺得萬試萬靈, 得咗!

喵喵 said...

為食貓一邊食野都一邊打留言俾你,神跡呀。

保重呀CM大人!

喵喵 said...

咦?點解我叫左做愛貓,勿語既??

C.M. said...

小珠: 好早就瞓喇,呢d夢囈卦。

S-pig: 多謝。食完葯,瞓得仲差。

噢Cake: 哈哈,我都係咁話!

惡妹: 你黎見我最後一面...多..謝..

AK兄: 今期jackpot問題你中左啦!想問,你信唔信有神跡呢回事呢?若果有,究竟係點樣既呢?坦白說,我信神跡。

肥龍兄: 神跡乎!?

喵喵: 嘩,又有神跡!?愛貓勿語?係呀,果時小豺狼記得你講過唔好公開你個架步丫嘛,咁我最初咪連你個address都無寫低law!但見到d人post你個新地埗出黎,我米膽粗粗寫出黎law!但又驚d人會亂黎,米大大隻掛住“愛貓,勿語”law!(發燒,所以講野都有d亂曬龍)

on dog said...

Bailout之後都上到網...




神跡...

xiao zhu said...

今晚再次跌落深谷,我相信是神跡。

ak said...

C.M.兄,

係講信定唔信之前,首先必需介定,點先叫「神跡」...要介定「神跡」,又要先確定「跡」既背後,有「神」既存在...又就當每一個「跡」背後都有「神」,咁又點解一定係同一個「神」...咁推下推下...就愈來愈複雜...

簡簡單單,「子不語怪力亂神。」

學霖山莊 said...

May the God be with U...

Karen (Sze) said...

今個月考試前最後一貼(過埋二十號就好囉)!

你的病----發燒喉嚨痛, 好了點嗎?

>>你信唔信有神跡呢回事呢?
信一半, 另一半, 同神無關。

仲有, 大膽d講: 我和你(或者其他人)所信的神雖然面貌不同(或者講宗教不同), 但係, 其實同樣都係神----最重要的係, 大家都為了神, 挑起了無數戰爭。

C.M. said...

On兄: 發夢都係度上緊網,我諗我夢遊,有冇德醫?

小豬: 你見點呀?未到最後一刻都未知鹿死誰手。

AK兄: 用你自己定義咪得law。

學兄: 多謝,這個當然喜歡,但一想到船山先生曾quote過“我們越是希望自己和上帝站在一起,卻越發覺上帝原來站在我們的對面。”,我就戰戰兢兢。

Karen: 多謝關心,燒已好,只是還有點累,也祝你儘快康復。不錯,若這個「神」,就等於自己的信念,那真的挑起了無數戰爭。而多數這個信念,我相信,它的名字叫「利益」和「面子」。假借「神」名來謀利益和遮羞,就是他們口中的信念。

火鶴 said...

所以我信奇跡, 奇跡呀!

Marshmallow said...

>假借「神」名來謀利益和遮羞

說得太對了。聖經、佛學、可蘭經...種種神學在最初時都度人向善。可惜,經過多年私利和己慾的洗禮後,本義已經變質。

見到某些朋友們(很多已經沒有聯繫了),每天生活在私慾的浸淫之中,卻以為每星期日到教堂領清便能洗淨心靈。如果這便是信念,小女子寧願堅守自己的十誡,而不每星期埋堆「神呀!神!」那種虛偽。

C.M. said...

鶴兄: 你好似知道小弟諗乜咁播... 奇跡,對!

棉花妹妹: 對!祝你成功!不過我也想插嘴,就是揭破人家的謊言,不難,要揭破自己的,才難。