Thursday, June 19, 2008

我心中的理想世界

近日有位網友留言,提及我心中的理想世界。

每人心中應該都有一個理想世界,一道通往這個世界的門,一把開啟這道門的鑰匙。

見到有人的理想世界很遠,而有些人的又很近,甚至正愜意地活於其理想世界。似乎這個腐朽世界最不公平的地方,就是每人都覺得自己心中的理想世界最理想。

我心中的理想世界,並不遙遠,常在身邊徘徊,伸手可觸。這個疑幻的理想世界一直環繞著疑真的我旋轉,我思疑,是否一定要先感到自轉我,才能見到那道公轉門。

拿著鑰匙,狐疑不決,雖則我仍知道我的手正抓緊那把鑰匙。

要達到我心中的理想世界,毋須積極爭取,只需經歷失敗。我深信要經歷失敗,尤其是那些自取其辱、難辭其咎的失敗,才可以更有決心開啟那道門。可惜,那逃避受失敗困擾的慾念,不斷阻止著我往那理想世界的決心。

趁那躍躍欲試,企圖以瑜掩瑕的野心還羽翼未豐,我得趕快找問問蒼天,何時才有人願意給我再狠狠的摔一跤。

17 comments:

怒火眼睛 said...

嗯...教細路會係好大既挫折, 你而家梗係太依賴阿嫂勒, 嘿, 有排你受呀.

K said...

相信世事永遠不會很理想, 所以有時會有點兒懷疑是否真實。

有最壞的打算和心理預備, 或者係面對不甚理想的世界的最好方法。

>>要達到我心中的理想世界,毋須積極爭取,只需經歷失敗。...可惜,那逃避受失敗困擾的慾念,不斷阻止著我往那理想世界的決心。

係人(包括自己)都怕失敗, 但如果沒有經歷失敗, 就不會知道如何汲取當中教訓, 找到答案, 甚至達到成功。

>>何時才有人願意給我再狠狠的摔一跤。
大膽講句, 唔駛好耐, 那個人可能係家人, 朋友, 同事, 阿moon, dada, 又或者係那個小生命; 怕只怕, 若然那一跤跌得太重的話, 您未必承受得起, 要爬番起來就需要更多決心, 毅力, 鬥志, 勇氣和時間。

所以摔那一跤前, 先做好心理的準備。

*************

又, 放假之事, 只係空想; 不過, 今日見天色晴朗, 真係好想放一星期假離開香港。

Anonymous said...

>>何時才有人願意給我再狠狠的摔一跤。
不要向上帝要求一個跟你摔跤的對手哦, 他會給你一個超強的, 不會整死你或承受不了. 但一定惡哽及一定痛!
年輕的我還可這樣, 但有家室的你, 風險太高.
(高風險, 高回報? haha)

C.M. said...

怒眼媽:

分工合作嘛。(唔係闊佬懶理!)不過呢排心情唔好,係事實。(原諒我今日無病呻吟。)

Karen:

嗯,明白。不過越有心理準備,那一跤便不會摔得痛。以往生活太好,幾乎沒有痛過。

005:

我就係想佢放馬過黎!(講完,又有d劣)其實你大抵明白個情況,不過又計風險,我就覺得同我理想世界越黎越遠。

(大大老闆,呢排狀態好差,唔該等陣先)

Samsara said...

cm哥哥:係咪,即係咁呀 --- www.andrewmatthews.com/video.php

Anonymous said...

>>不過越有心理準備,那一跤便不會摔得痛。
NoNoNo...
你有心理準備要打, 但不知跟誰打, 甚至打甚麼. 如同指揮官沒有地圖上戰場. 都係好死痛. 不要以為只會lose the battle, that will lose the war. 而復國之路要好似以色列咁漫長, 你又頂得住無?
所以.......
"....凡有的, 就加給他. 沒有的, 連他所有的都奪去...."

C.M. said...

香妹:

多謝哂,係差唔多呢d喇。不過呢...我唔多想咁開心。因為保持沉鬱,有助提高請病假既合理性。

005:

不錯。你說得對。尤其當我越有心理準備,若最後仍被打敗了,那一跤就會摔得越痛。(喂,但我又好怕痛播)。

其實,你我都知道我地唔洗問或擔心“又頂得住無?”呢個問題,係嘛?既然你我(尤其我)都唔擔心,我就更想狠狠的被摔一次。我總覺得,我欠缺“火”的歷練,大概我始終怕死(又怕這怕那)。

若我不失足,我一定可以“有”,而且有更多。

(另,我真係好鍾意船山先生果篇,雖然我鍾意,但奇怪,硬係有d...)

C.M. said...

005:

(補充)關於跟誰打... 我想說,我很感激你的關心。我會認真理解的。

Morca said...

突然間諗起 林語堂 "讀書的藝術"
自己喜歡的,在別人眼裡或許是毒藥...

Anonymous said...

>>若我不失足,我一定可以“有”,而且有更多。

"唔跌又邊得黎大." 衰係衰梗.

當然, 所有野係你要的話.

我只能實在的跟你說句, 你係估佢唔到架...

C.M. said...

Morca:

無錯,所以,千祁,唔好,比我,沉鬱,感染。

005:

>>你係估佢唔到架...

就因為咁,所以,我等緊佢。

Hana said...

>心情唔好
快啲揾樣會令你心情好嘅事去'偷跳'
又:理想世界的美好係因為去唔到,而去到嘅話你又會搵另一個理想世界,如果不再有理想世界總慘。你寕願相信嫦娥住係月亮裡,定係上去搵到個嫦娥呢?

C.M. said...

嘩,冰冰,似乎你都幾難滿足播。 *_^

Hana said...

>你寕願相信嫦娥住係月亮裡,定係上去搵到個嫦娥呢?

哩句說話係尋晚有個識咗幾年的朋友講嘅,我問佢點解次次係msn度都係我hi佢先應我?又點解次次都寫信俾我而唔直接call我?既然咁中意我又點解唔認認真真追下我?佢就講咗哩句說話了。諗落又真係有啲道理,你係男人,你又點諗?

C.M. said...

冰冰:

既然你咁問我,嗯,咁我就要講下我第一個感覺。

對於呢個問題我第一個感覺係:我地早就知道月亮無嫦娥。

作為男人,“明知”月亮無嫦娥,梗係唔會去月球搵啦。(比著係女人,對於感情,唔係唔會有“明知”呢樣野呢?)唔係個個男人都係情場殺手鬼見愁,就算有錢俊男高大威猛事業強人王老五,查實有唔少仍然係電車男...

Anonymous said...

若你定要如此, 只能傳你心法:
詩 27.

C.M. said...

阿們。

005:

多謝你。