Sunday, October 12, 2008

唔想明

某某話:我地會「用盡」曬我地所有既彈藥... 你係咪講緊「盡用」呀,定唔係彈藥而係「能力」呀。係咪我聽錯?

係咪電視台專登叫d特發記者講野用「格」字尾既呢?「今日門口有好多人排隊格,d職員係冇辦法格,所以好多聽眾不滿格,電視台應該要做d野格」。頂你格。

點解d小朋友係都要跑跑跳跳撞倒嘴留曬血,都仲係咁鍾意跑。係咪 Endorphin 勁得滯呢?

點解舊銀包永遠都比新銀包裝得多野既?次次都要清理真係好煩囉。

冇理由自從化學奶粉消息傳出之後,阿細到依家都唔肯飲奶粉?點解阿Da就冇咁既?

咁耐冇見,唔知佢依家變成點樣呢?

排發好多夢,要放鬆d先得。

12 comments:

Anonymous said...

大佬, 可好格?

C.M. said...

係唔太好格,想死又死唔去格。

塞米一條揚陸轟炸機 said...

做乜個個都學晒格仔格妹講野格? XD

篤篤篤撐 said...

咁耐冇見,唔知佢依家變成點樣呢?
>>>>有野爆 ? kakaka

C.M. said...

塞米:

XD 係咩?冇理由格,應該唔可能咁容易傳染比人格。

(看過那本portfolio,雖然是大外行,但感覺是:嘆為觀止)

篤撐兄:

嘩,咁醒!竟然比你識穿!(你又發現倒既?)

塞米一條揚陸轟炸機 said...

都唔係格,你睇,大家都係咁樣中招格~~

XD 係要打橫讀格 :D

(你是說我家部落的那個portfolio嗎? 那是上年急就章拼湊的啦,相片放大一點的話可就一堆穿幫了~)

篤篤篤撐 said...

咁醒!竟然比你識穿!
>>>有幾難ge, 我都係麻甩佬丫ma...

C.M. said...

塞米:

係格,我係講緊你個portfolio格,我真係覺得好犀利格。

(放大d相?嘩,已經48M喇,再放大480M都得呀)

篤撐兄:

嘿,真係唔高興,比你識穿左我個麻甩身份添。(遲下慢慢講)

塞米一條揚陸轟炸機 said...

才不是啦,每年咁多graduates,人人都一大疊咁出場,我呢D都係混飯吃的...480MB? 你咪話呀....raw file平均每頁30MB....計計數....嘿嘿...

K said...

少用d助語詞啦唔該!

香港中文水平退步又一明證(電視台及有關記者更應受重責, 但您係指邊位?)!

>>我地會「用盡」曬我地所有既彈藥...

咁似某位副局長講o既?

講呢句話的那位人士, 應該話: 我地會動用晒所有的財力和人力...。

>>點解d小朋友係都要跑跑跳跳撞倒嘴留曬血,都仲係咁鍾意跑。係咪 Endorphin 勁得滯呢?

係咪阿Da呀? 無野嘛?

小心可能係過度活躍症先兆。

>>點解舊銀包永遠都比新銀包裝得多野既?次次都要清理真係好煩囉。

無新點會有舊呢?

下次見到阿moon換銀包/手袋(指的係把一個銀包/手袋內的物品, 轉入另一個銀包/手袋內, 返工OL多數係咁), 唔好話佢呀!

>>阿細到依家都唔肯飲奶粉?點解阿Da就冇咁既?

阿細係咪慣飲人奶, 所以係咁? 定係所買的奶粉唔啱口胃?

若然找不出原因, 問下您的家庭醫生啦!

>>唔知佢依家變成點樣呢?

???

>>(依)排發好多夢,要放鬆d先得。

中醫曰: 燥熱的人易多夢, 真係要放鬆d先得; 例如去短線旅行或者做運動會有幫助。

塞米一條揚陸轟炸機 said...

"我地會「用盡」曬我地所有既彈藥... "呢句話我其實淨係諗到N年前某銀行高層講過類似的話囉(原文係英文黎,但係傳媒報導時係用呢句咁既structure寫既.....

C.M. said...

塞米:

記得當年我有個同學,去左Poly讀design,佢本portfolio呢,都唔覺有你果本咁豐富。(雖然我真係唔識分點係好點係唔好)

>>原文係英文黎

... spent/use up all the ammo...?

Karen:

>>您係指邊位?

幾乎大部分都係!你留意下你就會發覺。(咁先至抵「頂」丫嘛)

>>係咪阿Da呀?

除左佢,仲有邊個?唉。

>>唔好話佢呀

梗係唔會喇,今次係我換銀包之嘛

>>定係所買的奶粉唔啱口胃?

可能會,但我都唔知咩原因呀。又或者唔鍾意個奶嘴。依家屋企仲有成三罐未開...

>>去短線旅行或者做運動

多謝建議,所以呢個周末咪試下行山囉。