Monday, October 20, 2008

我呢,係衰人。格。

上面加個「呢」字呢,查實係想話我唔覺得真係咁衰。格。

呢篇呢,只係《單戀日誌》贊助商提供既信息格。

竟然呢,今日返工時份撞到危樓姐姐格。佢竟然話呢,好擔心我格。我呢,好感動格。查實呢,我仲擔心佢格。見到佢呢,我見猶憐格。

我又呢,冇野播不過請左日半病假咁格。

呢度係無人性電視台突發記者吳適泗呢,現場報導。格。

*************

篤撐兄同Karen妹認為(於我理解喇),好多女兒家一眼就睇得出男兒家係咪單身。

我呢,都幾同意格。但就呢,亦幾唔同意格。

唔否認女兒家天生有好強既直覺,而且仲可以好醒目咁估中到個謎底係咩。而且有一樣值得稱讚既係,好多女兒家其實都好有求知精神,先會明查暗訪(查幾耐就因人而異),努力尋找蛛絲馬跡,然後至會一錘定音(仲一定唔會反悔),唔會立亂落結論既。所以話就算一眼睇得出,都未必即時判人死刑既。又所以,有咁多人話,「寧比人知,莫比人見」,就係咁解勒。

睇下,冰妹都係咁話呀。(衰妹,剷左添!咁link黎做乜呢我?!... Errr...佢應該唔係話緊我呀可?如果係,就冤枉囉。Post番出黎喇。)

講返某人,查實佢去到每間新公司,都會先曬幸福,攞張全家福出黎,仲set 埋做 wallpaper。但又,點解好似冇人信佢講野既?唔信,你問下佢d同事丫。

*************

Ah5,原來係: When when when

*************

姐姐,冇錯,阿細出左世之後,我就癲左。

20 comments:

佚名 said...

c.m:
係度抗議啊?kakaka:P

Hana said...

唉...
我覺得/認為你癲早咗...

Hana said...

查實有篇文我想寫好耐了

叫「最壞的男人」

唔係妹妹仔以為既果種

不過唔知幾時先有空寫

C.M. said...

小佚子:

冇,我只係想睇下我究竟有幾可信咁遮。

冰妹:

我就快癲多兩錢重呀陰功。

趁依家未寫起「最壞的男人」,你就post番果個股票男人先喇。

Blogger70th Floor said...

咁今朝我又真係......

好彩見工果陣正常返有講有笑有汶有路

唉我都唔想濫藥
但我真係好大壓力

哈哈哈
咁樣同你撞到我真係好開心
你仲非法waan過馬路黎叫我番你果條link等車
XDDDDDD

你呀
其實洗唔洗搵人傾下?
我個好朋友呢
正接受輔導
個效果幾正面
而且唔貴!(絕對冇我上次果個clin psy 咁喇脷)

C.M. said...

姐姐:

呵呵,又真係幾...

曾經有位做ClinPsy 既舊同學同我講過,越係對自己有要求既人,就越容易出事。所以我依家都學緊,除左大是大非,我就試下學得過且過(唉,真係教壞細路)。

查實我咁過馬路都唔算得人驚,畢竟,我都係學你咋嘛!!你咁既狀態... 要留心d。

搵人傾?前兩個月都肯定要既,呢兩日唔再屈係屋企,就好好多lu,我都有個相熟呀。(上星期好多人叫我早d瞓喎,唉,我都想。)

Anonymous said...

CM: 你真有性格,咁多格,顶你唔順格。
70: 妳好!妳个Blog要註册先入得,所以神牛探唔到妳了。妳嚟探我啦!

Anonymous said...

你有左兩件重可以予人"估估下"既幻想空間, 激氣. 我呢輪聽得最多係樓上樓下陌生同事既"幾時生得呀你?" 想搵人flirt下都難.

嘿, 你重留言話掛住我, 男人真係呢...

篤篤篤撐 said...

QUANDO QUANDO QUANDO..
幾時飲杯喜力啤呢 ?

KAKAKA

火鶴 said...

> ... 你就post番果個股票男人先喇。

哦..
明白晒!

Anonymous said...

>見到佢呢,我見猶憐格。

呢排成日係電視見到佢
想唔念起佢都唔得喇!

>亦幾唔同意格。

嗯~我同意你唔同意!
否則邊庶黎咁人話「我當初都唔知佢有老婆架~嗚嗚嗚~」?

>你問下佢d同事丫。

第一日做人咩?
講真話冇人信架!

Hana said...

怒火媽笑得我吖!

如果我係男人實同你老公煉過,幾大都要爭你返來做老婆!話定女人都會皺皮,搵個識講笑盞鬼既點都着數啲開心啲。

K said...

咁即係:

1. CM唔覺自己係衰格, 但唔少人睇了佢上一個post就認為佢係衰格。
2. CM唔覺自己係衰人, 但唔少人睇了佢上一個post就認為係衰人。

哦, 明白晒, 我們便笑"格格"。

*************

>>唔否認女兒家天生有好強既直覺,而且仲可以好醒目咁估中到個謎底係咩。而且有一樣值得稱讚既係,好多女兒家其實都好有求知精神,先會明查暗訪(查幾耐就因人而異),努力尋找蛛絲馬跡,然後至會一錘定音(仲一定唔會反悔),唔會立亂落結論既。所以話就算一眼睇得出,都未必即時判人死刑既。

咁講, 若然鍾意o左個對象, 點知人地有老公/老婆, 變o左介入人地的婚姻, 咁就唔好啦!若然個對象係鍾意同性o既, 唔鍾意異性o既, 咁就......。

所以, 喜歡一個人, 唔係一栽進頭咁簡單格。

>>又所以,有咁多人話,「寧比人知,莫比人見」,就係咁解勒。

關事咩?

*************

>>查實佢去到每間新公司,都會先曬幸福,攞張全家福出黎,仲set埋做wallpaper。但又,點解好似冇人信佢講野既?唔信,你問下佢d同事丫。

問題係呢位人兄的言行出現了問題, 搞到d同事唔信不得止, 仲搞到女同事收錯signal(然而, 又唔怪得佢, 因為係做o左而不自知), 所以咁喇!

*************

>>姐姐,冇錯,阿細出左世之後,我就癲左。

唔係, 係情緒唔穩定(有少少似更年期的症狀)。

又, 乜您同七十姐姐的工作地區係一樣o既?

>>越係對自己有要求既人,就越容易出事。所以我依家都學緊,除左大是大非,我就試下學得過且過

我同您係同一類人, 所以都係容易出事。

不過, 個人認為, 有些細節位無謂堅持, 適當的妥協或者有必要(即係您所講的得過且過), 然而大方向和重要的原則, 我覺得至少有番堅持。

又又, 您未覆我隻貓噃!

*************

To: Peter

>>呢排成日係電視見到佢
想唔念起佢都唔得喇!

是哪位新聞報導員呢?

*************

To: 七十姐姐

唉!我曾經介紹過衣位阿哥去ClinPsy, 但係一聽到話收費貴同埋係男醫生睇就say no喇!

又, 就算幾大壓力, 都唔好濫藥; 記住, 唔係藥物控制您, 係您控制藥物。寧願依醫生指示服藥, 星期六日一大朝早做晨運跑步, 去舒緩壓力。

又又, 駛唔駛同我傾下?

C.M. said...

Holly:

我d頂人唔順性格都係睇得突發新聞多而得黎格。

怒眼妹:

冇播,點敢有幻想空間呢,我地flirt得都好純情/潔架。

真係丫... 咁人地真係掛住你丫嘛。(本性難移嘛,呵呵呵)

篤撐兄:

飲Fruit Punch得唔得?

阿鶴:

唔通你睇到?

P.E.T.E.R.:

哎也!竟然唔公諸同好!(真係唔講唔知,唔該快快話我知我點睇到喇)

>>「我當初都唔知佢有老婆架~嗚嗚嗚~」

唉,我個暗黑老師咪曾經咁怪責我囉。

>>講真話冇人信架!

唏!我真係鄧你唔抵!

冰妹:

嘿!若果你可以變男人,我又可以回復青春,我實同你爭過!!

Karen:

睇清楚,其實我真係好純品既呢。

>>咁就......。

...一天都光曬?

>>唔係一栽進頭咁簡單格。

簡單d,唔好咩?

>>關事咩?

關事,絕對關事。左腦(理性)唔係永遠都可以主宰右腦架。

>>問題係呢位人兄的言行出現了問題, 搞到d同事唔信不得止, 仲搞到女同事收錯signal

唏,邊有咁既事呢?果位仁兄又老實,又好心地。

>>有少少似更年期的症狀

係咩?虛火黎遮。

>>乜您同七十姐姐的工作地區係一樣o既?

哦,唔係,查實係我專登「捕」佢遮。

>>您未覆我隻貓噃!

鎖你,公司Gmail watt watt地,上唔到。番屋企check check.

K said...

>>其實我真係好純品既呢。

我地會揭穿您那所謂純品既真面目呢!

>>咁就......。
1. 晴天霹靂; 或者
2. 中途轉"機"。

>>簡單d,唔好咩?

送您以下的話:
"情愛本是高難度, 那種感覺很危險。"

>>果位仁兄又老實,又好心地。

叫那位人兄唔好自欺欺人喇!死撐咋!

>>係咩?虛火黎遮。

問醫生, 醫生話: 有可能格!

>>查實係我專登「捕」佢遮。

人家咁靚女又有個性, 梗「捕」啦!又唔見您「捕」我, 哼!

Blogger70th Floor said...

姐係呢,尋日果個moment,係幾咁富劇場衝突格,咁呢,等我寫低佢先格:

嘩啦嘩啦的藍天玉被鬧鐘叫醒。她費力地按一按漲痛的額角,嗯,昨夜吃了兩顆白瓜子,還可以。

火速地梳洗,十五分鐘後藍天玉趕上了巴士,而藍天玉手機,卻在五分鐘後響起。

「藍小姐,找到你真好,我們上週五整個下午也接不通你的電話啊......」

「對不起,那天我感冒告了病假在家休息,請問有何貴干?」

「我是人治部的莎拉,管家部那個邊,想約你今天面談一下你申請的那個空缺。」

「吓,咁我要拿拿聲回家換衫呀,我家下成身IT look呢!」

「無問題無問題,那我把管家部的contacts email 給你。」

「費心,謝謝」藍天玉按停了巴士,便一面結束談話一面下車。

誰知一抬頭,打照面的那個男子竟輕聲地呼叫「玉!」

(待續)

Anonymous said...

>哎也!竟然唔公諸同好!(真係唔講唔知,唔該快快話我知我點睇到喇)

to cm&karen:
亞視午間劇場咁上下時段。
嘿嘿!公左段估你都睇唔到 ;)

>唉,我個暗黑老師咪曾經咁怪責我囉。

嘩!師生戀咁激?小豺狼...我又要聽故事!輪到你要公豬同好喇!

>唏!我真係鄧你唔抵!

彼此彼此!所以為免麻煩.....


噢!
70妹有消息喇?恭喜喎!
我幫你打聽過
不過冇乜進展
所以冇面見你

C.M. said...

Karen:

>>情愛本是高難度, 那種感覺很危險。
好深奧。

>>叫那位人兄唔好自欺欺人喇!死撐咋!
唉,正如P.E.T.E.R.話齋,講真話係冇人信架...

>>又唔見您「捕」我
想架!不過都要搜集足夠情報先得架。

玉!

果個男子驚認錯人,所以咪輕聲囉。而且,真係唔明點解係果個「場合」出現囉。

P.E.T.E.R.:

>>亞視午間劇場咁上下時段。
唔該曬!原來係《師X你好野》!

>>師生戀咁激?
NO AR!!! 暗黑老師係男黎架(厚黑老師先係女既),係佢叉錯腳,我已經比左超級多hints佢,但最後換黎一句:咁你又唔提我!?唉...

你真係丫... 都,明既。

Anonymous said...

>唔該曬!原來係《師X你好野》!
係呀!呢期呢d師X blog好睇呀!

>我已經比左超級多hints佢
食懵左咩你?男人成日都話女人講野兜兜轉轉唔直接了當。你依家又犯埋同一個錯誤?唉~都唔怪得你既......既然做得姊妹呢d陋習都應該係一個package黎既。

C.M. said...

>>你依家又犯埋同一個錯誤?
好多人話唔止依家喎...

唉,佢未叉隻腳落去之前我已經提左佢勒... 最後都奶。(你話男人係咪煩錢丫)

>>呢d陋習都應該係一個package黎既
(咬牙切齒...)