功夫

內家心法

寫左九百幾字講因性施教，手起刀落，扠左。因性施教查實個個都曉，亦都會做，但唔係個個方法都一樣。總之，超級腦震蕩亭喇。因材施教同因性施教最大既分別，我覺得，才幹係可以睇得見既，本性係要用心去感受既。

四兩撥千斤

爸爸夾舊叉燒比未來港女。

「嫲嫲，你食呃」港女唔食，夾曬比坐響隔離既嫲嫲食。

十八路譚腿

「我要去街街！我要去街街！我要去街街！我要去街街！我要去街街！我要去街街！我要去街街！我要去街街！」港女自己攞曬衫褲鞋襪，氹曬地。

緊箍咒

「哇呀呀呀....我要去街街.... 嗚嗚嗚嗚....哇呀呀呀.... 我要去街街.... 嗚嗚嗚嗚.... 我要去街街.... 」

燕子飛

父喝：「坐定定食飯飯！」

港女一路卡卡笑一路走落地玩。

隔山打牛

「下，做咩咁曳！？唔食飯飯！？係咪想.....」
「嘟...........」（cut 線）

敵不動我不動

「坐。定。定。食。飯。飯。」（老父擋住前路）
「.....」（港女，靜極不動，目無表情）
「.....」（都係，目無表情）
「.....」（又係，目無表情）
「.....」
「.....」
「.....」
「.....」（如是者成分鐘，兩個都係目無表情）

黐手

「我要聽歌歌！」
「不如睇電視先喇....」
「我要聽歌歌！」
「比爸爸睇新聞先喇....」
「我要聽歌歌！」
「食橙橙好唔好？」
「我要食橙橙！」
「好啦，食完橙橙聽歌歌啦」
「我要聽歌歌！」
「好啦，小朋友食邊個橙？」
「我要食呢個橙橙！」
「好啦，食深色d 呢個喇！」
「我要食呢個橙橙！」
「好啦，食完呢個橙橙睇新聞喇。」
「我要聽歌歌！」