雜談兼論 (1) - 阿女

阿女

係架，依家我個小宇宙係圍繞佢轉架。遲下先輪到阿仔。

查實想講「教」。響「教」呢方面，因為我一直認為阿女個性倔強（juejiang），對於困難會傾向否認和逃避，而非接納，所以自己亦多從此處著筆（手？），但表面上是失敗的。（認真地）檢討過後，似乎發現鼓勵方式不妥：好叻、好叻、好叻；回想後，希望逐漸改為：好有耐性、好努力、好願意（類似）。

依家開始迷上電腦遊戲，某些警號響起，有時會因為不得其門而發小脾氣。

最初自己裝左某d free games俾佢玩，睇下佢點應對困難，測試結果，嗯，咪要繼續努力囉（我）。另外又教佢 Google，等佢可以自己探索（即係唔洗煩住我）。

好勒，然後果d遊戲quit左之後，就會direct去其他link。所以之後呢，就真係比佢 surf the internet 勒。依家多數係：Youtube, HE, pocoyo, pingu, UA, 同埋 TKP。

經過自家 manual green dam 過濾，都我覺得呢d sites適合佢。咪比小小自由佢囉。

但話說有次佢 Google love 呀，woman呀，出現左一d無法解釋既「神秘現象」，所以啞老師真係啞左（爛gag，爛gag多多包涵）。

（另誠徵管制辦法：阿女佢已經曉得自己開機勒，依家熄埋放響電腦後面個開關制都未得，熄埋拖板個制之餘，仲要掹走埋個插蘇佢先至無符！如果唔係一行開講漏句就自己埋位，點算？係咪要再嚴厲d？）