過年前既準備功夫

先講工作。

一二月客戶年結清貨，或者係年頭開倉，年年都係要做到死。有d瑣碎野仲錯到九彩，未至於照肺，但背脊個鑊就孭硬囉。

睇番自己同咁多年黎出錯既反應，嘿，嚴重既，剷上天花板，，輕微既，薄責掟文件都試過。諗返起，引咎辭職，原來都試過兩次。怪自己自尊心太強（定係責任心太重？哈）。工作於我如浮雲呢亭情緒敢言，恕我無福消受。

講家底。

嘩，六月飛霜。今年過年，恨錢恨到發癲。財務自由？唔好玩喇。家陣百物騰貴，真係要加把勁先可以唔會憎人富貴。今日見到老闆賀年咁話：People had always been critizing other people of the morality and motives behind the pursuit of money. There is a lot more than money and the pursuit of money is more than money itself.

睇黎今年封開年利是應該會縮水。

又講工作。

今年真係好旺。連續幾劑大鑊野出響我身上。一時間成本年度明日之星。不過都好，自從呢幾劑，我老頂就被逼將過往laissez-faire 既作風翻天覆地改為 active intervention。呵呵呵。我終於有機會脫苦海咯。

剛剛 initiate 一個KMS project。不過唔好問我點做，因為都唔知個客想點做，更加唔知我自己鍾唔鍾意做，同埋唔知我有冇心情做。Well，同事都話我比大姨媽更加情緒化。

講返家底。

過年前查實無咩好準備。你話就住就住都似倒水咁，算唔算有準備？依家唯有聽天由命，跟小瓶子學下anger management囉。

同埋，特此公告：晶月謝絕單身人士探訪，咁囉。

恭祝新年快樂，身體健康。（...就算數）