Where can I learn politics?

今日 T 問我一個咁樣既問題。點答呢... 我斷估佢係問緊「辦公室政治」，而唔係社會大事卦。

我覺得幾有趣，皆因我好似從來未諗過呢個問題。

老實講，政治唔洗學架喎我覺得。借用阿鎚剛剛quote果句「世事洞明皆學問，人情練達即文章 」，洞察世事人情，就自然學曉政治。

如果唔知點入手，可以先考慮「你我他」方式。呢個方式唔知邊個傳授比我，定係我閉關果史自創，淨係記得我同小肥講過下。

大約係咁：

他：模仿他人，有樣學樣，學評頭品足人地既大將風範，學欣賞人地既卑鄙伎倆。睇下佢點對待目標人物。

我：了解自己性格，率性而行，隱惡揚善又得，獻醜藏拙都得。

你：目標人物啦梗係。要起清佢既底世，佢既愛惡。

「你我他」方式只係一個入門學習方法，唔係一個技巧。若果真係要答話「邊庶」可以學政治，咁呢個方式就話你聽，邊庶都可以學，而越多人交往或者interaction越多既地方，就越多「你我他」既情景，咁到時，就自然容易上手。

之不過仍然有一點係要記住既：每個人既人情練達都唔同，無謂強求。學到好似冰冰咁（純屬例子，並無特別意思），唔係人人都需要，亦唔係人人都可以。

噢崎噢崎，或者T 真係想問社會政治呢~

遮咁。真係想 learn Politics，先讀書啦。唔得閑讀，咁就一步步咯。

第一步，就好似無耐前我講過，睇下「娛樂化」左既政治新聞。或者當政治為「娛樂」，學下其他blogger將政治娛樂化。

再唔係，去另一個高層次 ，試下睇「評論」做「評論」評「評論」。有人嘻嘻哈哈又一日，有人認認真真過一天，各取所需。

甚至可以做研究。學下人地點籌謀，點分析，點規劃，點煽動，點反客為主，點 systematic 咁．做．政．治。

如果只係想知道響邊度學「政治」，咁我只會話，邊個令你最擡唔起頭既，咪就係果個咯。