Wednesday, June 30, 2010

思而亂則辯

不知更年期到,還是每月親戚到,又來緬懷過去(嗯,想來該是... 夢遺)。特首大狀辯論讓我記起當年亦加入過辯論隊(嘿,雖然總算被「邀請」加入,但可惜沒有被欽點)... 當後備台下隊員trainee。我方操練欠奉,準備功夫幾無,論據組織鬆散,臨場反擊 piecemeal,對方一句「閣下離題」即化險為夷。(查實對方使的招正名是「我就算九唔搭八誣衊你離題一樣係所有評判都buy」)

查實,小弟不喜「以其人之道還治其人之身」,亦不喜「以不合邏輯」為由抗辯。前者因懶得做,後者因不懂,亦懶得去學懂。

常懷疑,辯論中講求邏輯的目的,講求論據結構的完整性,還是背後原則的可靠性?總覺得說服力是一個總和,內容不外乎羅列主題理據、應對質疑、clarify uncertainties、visualize future、凝聚共識等等。一切似乎都是舒心至上。

考上自然科學,方發現原來學術界的辯與論,是極度講求邏輯的。但又發現原來邏輯之上,還有生活哲學。

初出茅廬,邏輯不管用,權力倒決定辯論的分數。卻漸漸發現,權力不是來自職權,而是來自人的互動。

焦點逐漸從個體移到集體,知道理據不再成為辯論的必要元素,聆聽對象的需要,才是無可替代的。可是,竟發現「需要」跟 needs 是沒有必然性的。

昨夜跟內子來了一場外柔內剛的辯論,又再發現一切邏輯、哲學、權力、職能、角色、需要都無用武之地。給雙方時間,讓死氣沉澱,自然孵出生氣。

「上帝能不能造一塊祂舉不起的石頭?」如果不願意,連一片葉子都不能舉起。

有人選擇思而優則辯,有的思而惰則辯,而我,選擇思而悶則辯。

6 comments:

hkeric said...

同老婆大人辯論,要好小心喎

C.M. said...

醒喎。有個靚女比左六句真言我:

1 老婆絕對不會有錯
2 如果發現老婆有錯, 一定是我睇錯
3 如果我冇睇錯, 一定是因我的錯, 才害老婆犯錯
4 如果是她自己的錯, 只要她不認錯, 那就是我的錯
5 如果老婆不認錯, 我還堅持他有錯,那就是我的錯
6 總之, 老婆絕對不會有錯,這句話絕對不會有錯

我幾乎行差踏錯!

p.e.t.e.r. said...

嘩!估唔到你竟然咁冇骨氣?!以呢D咁大逆不道嘅Feminist idea為標準?當然,開頭講果呢樣嘢個人可能喺講笑,不過就好似大話講咗一千次就會有self fulfilling effect 一樣,後來再講/聽嘅人或多或少都會抱D認真嘅心態。咁就出事喇。

我有次喺D人嘅婚禮上聽到訓話果個人竟以1-6嚟教訓個新郎,果吓真喺想將佢趕落台(我喺講真嘅)。就喺呢D咁嘅歪理導致港女橫行。咩都就晒佢又話你唔夠man,唔就佢又話你大男人。

大男人令女人受苦,同理老婆啱晒一樣令丈夫為難。就好似當年人民以社會主義取代資本主義去打擊嘅貪污問題一樣咁矯枉過正,會好D咩?

唯有以愛為本,以理為輔,咁先喺正路。否則,得理不饒人亦非上策。

其實你個招"讓死氣沉澱"以靜制動幾好吖?等啖氣過咗咪再顧左右而言他囉。不過冇咩真喺都唔好搵D咁嘅嘢(辯論)搞喇。你喺名符其實喺舉起舊石頭嚟dup自己隻腳。

C.M. said...

p.e.t.e.r.:

哈,呢d唔係叫冇骨氣,呢d係叫識轉膊,識因時制宜。不過又,你提起feminist,我第一個反應竟然係諗起 Hofstede既feminine culture,對應番果六個point,查實都ok喎。

遮咁,我係懺悔咁講,唉,兩公婆,對同錯真係雞同鴨講架。呢呢呢,尤其今次個辯題仲同仔女健康有關添,你話係咪我早應該知道未見官先打八十既道理丫。

好耐之前我曾經講過自己唔應該對老婆用術既,要坦坦誠誠,似乎,我呢個境況(即係我比較expressive,佢比較passive),都係循序漸進坦誠會比較好d。

(喂喂喂,米話我先得賈,過兩招黎先喇。咦又,你心入面應該好多辯題個播,點起手點收招/科呢你又會?)

p.e.t.e.r. said...

>因時制宜
"絕對"不會有錯=因"時"制宜?橫睇掂睇都唔似喎。

>好多辯題個播
呵呵,某程度上同你一樣,都喺果句:雞同鴨講(雖然對手已經喺比較籮直嘅人,計數人想唔直都唔得。)不過先天wiring喺計simple equation嘅我就唔會同佢講derivative果類嘅嘢(講嚟晒氣之餘自己又谷氣,何苦呢?)

>點起手點收招/科呢你又會?
真喺有時多口講咗我又唔會收番播。咁我講嘅喺啱我就唔會免強自己話錯。之又咁,真喺錯咗我又會認吖。所以如果大家唔同意見咪由得佢囉(邊會樣樣睇法都相同吖?)。反正邊個啱邊個錯都唔洗死嘅,隔一陣大家又嘻嘻哈哈㗎喇。我同人相處之道喺大題小做。不過如果有人咁都唔識做喺要咄咄逼人嘅,我就會敬番對手十丈。不過呢D必殺技冇絕對必要九成都唔會用。

C.M. said...

你先天wiring真係計simple equation?

係「1+1=2」呢亭,定係「質化貨幣緊縮政策會導致出年生仔多過生女」呢亭呀。

領教過啦,鬼先信你。

又,你既必殺技冇絕對必要九成都唔會用?

係咪先,你講緊升龍拳彈力呼呢亭必殺技,定係50-combo秒殺果亭超必呀。

響呢度,唔好扮zhu食老虎丫。

唯一信你既,就係你點對屋企人囉。