Sunday, August 19, 2007

評CK,談博客

起床拿起報紙(經濟日報2007/08/18港聞版),細閱記者博客 Leona 替 Leon Ho CK兄寫的一個專訪,碰巧剛病愈,有點口淡,心想,不如抽抽CK的油水 - 評CK。

既然說評,大抵應該有讚有彈,不過對於 CK,要讚嘛,他的廣大讀者們早已代小弟評語了,要彈,真的有點難度,但今天姑且試試。

油溝水
先講抽油水,這點相信 CK 真的一點也不介意。至少,就算他介意也不會讓任何一個人知道(哈哈)。況且,我根本不在抽 CK 的油水,今次可以抽的,只是這個浩瀚的Web 2.0 和一個毫不認識的 Leon Ho。

不過,對於這篇報道,坦白說我就覺得不太爽。主要原因,就是寫 CK 太少。(...)

我看了又看這篇報道,想了又想,橫豎那不像我所認識的 CK。我所認識的 CK,不像是要利用這個新興互聯網交流模式來成名。成名於他,絕不為利,頂多是為了某種理想。他問 Leon Ho 的一切問題,就更像是問 Leon 的成功之道,從而啟發自己的思考,遠多過他想藉著如何繼續推廣「人在中環」來使自己打入國際 Blog界(拿,CK 兄,有英文版當然好啦)。

對於這篇報道,看看 CK 的背影,我的心情... 還是收在心裏比較好。

簡評CK
再說說 CK 個人吧,雖然 CK 最近談到主流和上位,但在 Blog 界,其實他本身已經是一個已上位者,更是一個主流。然而,這個「位」,他配。而且,他似乎也真心喜歡推介新寫手。但小弟不能以任何陰謀論或利益論看CK,坦言,用陰謀論對誰都比較容易,不過,因CK鮮用陰謀論待人,小弟也很難以CK之矛攻其盾... 著實下不了手。(小弟未打先輸...)

這兩天躺在榻上,頭重腳輕。想到博客 A 的心情,感到愛莫能助。想到博客 B 的提醒,不斷取捨得與失。想到博客 C 的眼界,興幸有生可見。不想去想,但停不了。不過,今天回想我當日的胡思亂想,竟然怎也找不到CK。

找不到 CK。心生歉疚。何以找不到?問了自己這個問題多遍,答案有很多個,但是沒有一個比較像樣。唯一最像樣的答案,就是他不是女孩子。

且慢且慢。找不到 CK,還有一個非常不像樣的原因,不是我無心,而是我不上心。(NaNaNa,等陣先掟番茄)不上心,因為我一向對「有得拗」的地方上心,但 CK 寫得實在很難拗。要在這關節,或在那腳跟挑弱點,任誰都可以。但是,面對一個「喜歡聽多過說」的口水佬CK,小弟寧可選擇聽一下他聽到什麼。

有彈無讚
又老實講,一直以來,CK 令小弟不滿的地方也有不少:

1. 不現真身,又不參加化妝舞會。得個背脊同隻手,點止渴呀...

2. 自己做老闆又叉老闆,你叫一眾打工博客寫乜?

3. 幾乎個個Post都正能量,唔該,比小小負能量,等一眾粉絲可以同你問候下都好嘛。


至於談博客... 我不是已經說了嗎?

25 comments:

安諾勿斯 said...

妙哉﹗妙哉﹗

安諾勿斯 said...

小弟都想加把口。

Leona小姐這一篇是「Web2.0生財之道.系列」的其中一篇,文章開宗明義是講web2.0賺錢、成名o既事。本身o既立場本身已經好鮮明-寫扑可以成名、可以賺錢。Leona小姐只係係文章裹面,借ck老闆作一個例子,說明點樣寫扑先可以商業化。在商言商,有何不妥?﹗

不過,就或多或小俾d讀者有個錯覺,以為ck老闆寫扑係從商業角度出發o既。但係,讀者眼睛係雪亮的,如果有睇開ck老闆o既扑,就知ck老闆不為名不為利,寫扑只係為o左減吓壓,俾多d人知自己o既想法咁多姐。就因為ck老闆o既「無心插柳」,個扑先可以「柳成蔭」咁多粉絲。如果以Leona小姐篇文章,就標籤ck老闆寫扑為名為利,就太過武斷啦。

Anonymous said...

同感!
看了個所謂報道, 心情納悶!

Leon Ho是誰? Sorry to say that I don't know. 但對於他建議ck怎樣怎樣...我諗: 這個不是真的ck吧? 會聽佢廢up?

"不像我所認識的 CK..."
Maybe...but I guess, the image already established by CK, is not like that!

英倫肥龍 said...

c.m.兄, 你呢篇, 中!

寫扑就係寫扑, 甚麼web2.0, 死, 我唔知喎!

為名為利? 我唔覺唔覺噃...

不過寫 CK 既篇幅實在太少, 大概與本來目的係「web2.0生財之道」有關.

野蠻郡主 said...

不過我想知,除左打工仔之外,有冇老闆都會睇ck個blog(馬老闆除外,因為知佢有睇既)…咁老闆睇完,有冇啟發架!

P.S Cm..take care¬

Gideon said...

好,用陰謀論黎論 CK ,你下唔倒手就等我黎﹗

CK 係生意佬,寫 blog ,當然係為利﹗

可惜有兩樣野佢計錯數。一,開始既時候佢冇諗過佢個 blog 會有咁多人睇。二,要利用佢個 blog 既人流為佢帶來最大既利益,佢非現真身不可﹗

家下佢就麻煩喇。寫扑用咁多時間,但又賺唔倒錢。但而家又寫到有咁多人流,摺左佢又可惜。出書呢又賺得個雞碎咁多,索性同人講做善事算囉。唉點算呀?雞肋呀~~~

Anonymous said...

C.M.兄,

其實今日點擊過不少相關既文章,反覆看過一兩遍...有一點兒「君應有語」的感覺,不過見你經已率先出手,又見火鶴兄亦都似乎「磨刀霍霍」...咁...鐘意「順手牽羊」既AK就無謂多言啦...不過火鶴兄「臨崖勒馬」,咁AK就試下「拋引玉」...

(唔好意思,又開波,車仔對紅軍...睇多陣先繼續寫...)

經濟日報之中既文章,開宗明義就係要講利用Web 2.0的賺錢,上位之道,Blog作為Web 2.0既一個重要組件,所以「如何透過寫Blog賺錢上位」就成為左文中既重點...

AK以前係記者出身,明白傳統傳媒,係需要係一篇文中,出現一個又一個Eye catching既phrase...如果文中以CK透過寫Blog作為心理排洪為主線...就自然無辦法鋪到一個「如何透過寫Blog賺錢上位」既故仔...

觀乎經濟日報的文章,雖然CK兄既名號同相片都有出現,甚至作為文章既標題,但係,本質上,依一篇文章仍然係以「Web 2.0中賺錢上位」作為重心...故此,文章既重點放到了Lifehack.org的創辦人,專業blogger的Leon身上...CK兄不過是文中一個作為Second opinion的業餘blogger...即係,主菜同甜品既差別...

當然,對於一眾喜歡甜品,而對於主菜興趣欠欠既食客,自然就會覺得甜品份量太少,主菜既調味太重...

講真,果幾點「上位秘笈」,對於一眾Blogger而言,都係「各取所需」,人地寫出黎,都係for參考罷了...有興趣既,可以按食譜所寫的一試...至於其他的朋友,AK入廚咁耐...好似重來都無見過話一條魚,一定要點煮先叫做「唯一正確」方式,畢竟,我地唔係玩緊cooking mama...唔係下下都要step by step既...

野孩子 said...

電影《天下無賊》內有句經典對白:「21世紀甚麼最貴?人材。」

我寧願相信賣假雞蛋可以名成利就。

Clay said...

經濟日報,經濟掛帥。如AK兄所言係個場訪問中,Leon Ho係訪問主角,而CK只係以業界領導既身分被諮詢。CK寫blog既心態係點,大家粉絲睇左無一年都半載,點都比個兩位了解掛。至於對佢心態既演繹同闡述權,就落左係寫手Leona身上喇。

若虛無睇開Leona既Blog,當然,回顧幾篇Leona既文章,佢近排力捧Leon Ho可是路人皆見。

至於AK兄提個幾點上位秘笈,嗯,CK之前提過,話佢認識啲生意上既老前輩既作風就係提點江山,醒幾招秘笈你嘆,熟讀包你天下無敵發過豬頭。我諗就係差唔多呢樣野掛。

C.M. said...

首先多謝各位博客B 的提醒,以及高人指點。

小弟今早反覆消化各位的感想,可以說,小弟尤關注到其中很重要的一點,就是安諾勿斯兄同AK兄所講的:「Web2.0生財之道系列三」本是這篇報道的「主題」。

但姑勿論是否CK的粉絲,當見到大字標題「小老闆寫博客 CK名震中環」,我的期望就很自然的投射到CK身上,誰不知... 來了一個錯覺,原來多為Leon,鮮有CK。閱畢全文,又多了一份期待:不知下星期會否講番CK?


坦白說,Expectation gap 故之言令小弟產生不快(那是自己的問題),但寫這個感想的原因,其實是因為我的心情是矛盾到極點,我真的曾嘗試去阻止自己對某些人構成不便,但我著實不想收藏這個矛盾的心情,希望有心人諒解。

安諾勿斯兄: 多謝你提醒,尤其:「借ck老闆作一個例子,說明點樣寫扑先可以商業化。」

On兄: 同感呀...

肥龍兄: 我都好想見多d關於CK既篇幅呀。

小郡主: 仲有名震四海既渣老闆,同埋波老闆(pineapple-farm.blogspot.com)

鐵鎚兄: 哈哈,好呀。你開左個頭,搞到小弟個腦又出左好多陰謀論(嗚嗚,CK,唔關我事架,嗚嗚。)

AK兄: 多謝你的提醒,不過,個大字標題側重係甜品而唔係主菜,搞到小弟誤會左。呢個作為報章吸引讀者既方針,小弟明白既。

而且你亦提醒左我,原來記者,有時真係可以好中立,亦毋須理會究竟CK係d咩人,之前寫過d乜,佢個受訪目的係點,總之事事客觀,有話就寫低,無就唔寫。記者呢個行業,實在唔容易。呢個原則,小弟應該要多多學習。

野孩子: 唔,能夠領會到「人才方能利就」呢個道理,野孩子,祝你前程錦繡!

若虛兄: 你也大抵了解到我的心事了,多謝。記者捧誰,查實小弟並不太關心(雖然這樣會影響執筆人的路徑),最主要是... (還是要說)... (還是不說...下刪50字)

Leona: 如有覺得冒犯,請諒。小弟並不認識你,不過,不諱言,這篇報道令我心中浮現一些不要得的個人想法。我明白作為記者赤子之心與一片熱誠,... 我想,我要多多學習。

旁人: 係!我多言,諸事八卦,管人閒事。但,若要學習Managing Expectation,此將是重要的一課。(查實,我都係想講ME遮,哈哈!)

Anonymous said...

哩篇訪問俾我嘅感覺似足果啲乜財經診療室,個人投資分析之類專欄,而CK就成為一個case俾Leon Ho診症然後'配藥',哩個可能係CK第一次俾人專訪又交足功課(相都影埋),但係自己個扑隻字不提嘅原因。

Anonymous said...

C.M.兄,

大哥咩事咁好火呀...問火鶴兄借番黎架?一野就出到咁重火力,講到客觀中立既問題...

係收爐既,記得熄火呀...

Anonymous said...

CM大哥: 屎坑理論重講唔講既呢? 大哥你趕住走, 留下小9, 嗚~~~

C.M. said...

兵妹: 嗯,呢個財經診療室既形容都幾貼切播。呢幾日我一路諗,當初準備做訪問既時候,係用咩原因邀請佢去呢?會唔會問:「先生,你方唔方便我同你做個訪問,順便比個機會你去問下其他人對於某事情既意見?」

(罪過罪過,我呢個...死症)

AK兄: 下?都唔算火卦。睇睇時間,夠鐘熄火。

On兄: 死火,賴低左...

xiao zhu said...

唔算火吖。

洛克 said...

其實我想問下何生係咪果D Google 呀,

Yahoo! 呀打算出十億八億收購既所謂 Web2.0精英,

睇完報導之後,我覺得佢真係好似好勁咁,

唉,早知全力寫 blog 好過。

仲有。。。。。。。。。。。。。。。。。。。。

呀女人話喎訪問老闆只是晃子
實情是有人想借 D YEE 約靚仔希望可以呢~
(我被迫寫架呢段)

野孩子 said...

CM 太過獎了。多謝你。^^

我時常清風兩袖
吊兒郎當最自由
但得有三餐足夠
為人樂觀好少掛憂

飲番杯冰凍啤酒 
高歌一曲器量厚
無謂再去為情悔疚 
你盞心up得個嬲

我懷疑天邊宇宙 
有神靈管轄地球
大家要睇通睇透 
成敗得失莫追究~~

Gideon said...

洛克,咁你話俾女人聽,你講邊個呀?唔知邊個搵倒個好男人之後成個禮拜都出唔倒一個 post 呢。

C.M. said...

洛克兄: 你地兩個晨早流流耍花槍,笑鬼死我!!!

野孩子: 莫追究~~ 莫追究~~ 篤篤篤篤~ 撐!(好!)

鐵鎚兄: 。。。(大鑊?)

Leona said...

CM - 你好
我很喜歡你這篇網誌,還有一眾博客的comments,都寫得很有誠意,一點也沒有感到被冒犯,放心。

為敝報寫的文章,欲理性探討問題,而非感性剖析CK心路,故讀者閱畢略有微言,很正常。抱歉標題予人過高期望。

很難說在文中,Leon Ho與CK,如何分主副。
如果沒有ck,這個全港最受歡迎的博客之一現身元範,就很難告訴沒有寫/看博的讀者,如今的博客生態是怎樣的─畢竟,本文的目標讀者仍是看報章的讀者,而非博客讀者;
但若沒有已走出國際的LEON,道出國際上看博客的視野,本文又顯得單薄。
所以官腔點說,兩者缺一不可。

有人形容,寫博客有點像開一爿小酒吧,或咖啡室,不為賺錢,只為替相識或不相識的朋友找一個落腳點。用來看一些本地博客,倒蠻適切。

CK本人的故事,我聽了一點,但為了尊重他本人的意願,能公開的不多。在下的博客寫了兩三句,僅此而已,不敢抽老闆油水。

Blogger70th Floor said...

大哥哥:
嗚嗚
你眼中只有北北果pair囉~

(企圖串我?嘿!)

C.M. said...

Leona,

多謝你到訪呀。歡迎來到小寶號茶聚。

其實我今日曾站在十字路口,左望,有人向我表現所羅門般的智慧,右望,有人向我表現堅毅的意志力。我又想有智慧,又想鍛煉意志,如何取捨?

然後想起恩師曾經對自己說,學習,從來要靠自己去領會,去躺開胸懷去接受,甚至要先去拆毀自己一早建立的...

我再望望自己身處的十字路口,原來,我的左望右望,只是顧盼自豪,我還未夠勇氣踏出真正的一步,去學習那所羅門般的智慧和那堅毅的意志力。然後我回頭返回原路,心想,我下一次一定要準備好,然後再一次嘗試,因為我知道後退方能跳遠。

小珠: 對不起,現在順道送你番屋企。

危樓姐姐就... (風頭火勢)

K said...

我都想講下CK。

CK始終都係"口水佬", 學你話齋「喜歡聽多過說」, 所以留意到有些朋友仔問佢o野, 唔覆居多(若然係寫個問題問下我o地, 話唔定會有成隊兵回答你); 某程度上失望居多。

我都明白佢作為老闆, 貴人事忙(其實係大家都忙); 而且又忙著出書, 身為blog reader, 我理解。不過我個人覺得, share自己經驗係好事, 但若然真係收到朋友仔問佢o野(仲要係職場問題), 佢係無時間或者其他原因也好去回覆或者解答也好, 其實可以考慮把問題放上個blog度俾我地諗下點幫到d朋友, 總好過對方無了期去等(甚至對CK產生壞Impression)。

希望佢會聽到我所講的"廢話"。

Esaltato said...

其實ck一開始我都有追, 不過自從唔知幾時(可以係紅左之後)就冇追lu。總係覺得而家同以前寫d野好唔同。以為0個d會係實務一d, 而家陣0個d真係好似d單元故事咁。

C.M. said...

Karen:

呢個「喜歡聽多過說」既特點,查實值得學習。

我個人相信CK已經盡量抽時間來回覆讀者既提問,坦白講,要認真回覆一個提問所需要的精力和心力,實在非同小可(呢個你都應該知道)。

若以CK單人匹馬去應付(你都知道他認真既性格啦),我諗,以佢咁多粉絲來計,佢唔七勞八傷至奇(米話我睇少佢丫)。而且,查實有d粉絲係公開場合既提問,睇番佢d舊post都得。我自己作為佢粉絲,都盡力去理解。

嚴公子:

哈哈,若果你有細心留意佢呢d單元故事,或者你會發現串埋一齊之後(尤其係幾個新舊post之間),你就有機會發現到一整個故事。

原因很簡單... 佢既思考已經變得比以往複雜。一個小小老闆變成中小老闆,都會經歷類似過程。