Wednesday, February 06, 2008

新年利利是是

(十分鳴謝江康泉!)

利是呢兩個字,雖然一年先會出現一次,但都係呢幾年先至比較容易接受「利是」呢個「概念」。

或者好多人都覺得利利是是非常尋常,而我果時之所以斤斤計較呢個概念,大概係同「錢」有關。講真(...嘿,提起「講真」呢句口頭禪,小黃蓉又會抽稱我之前果d係咪講假...),又講真,我細細個開始就唔鍾意講「錢」,到依家見得銀碼多先至慢慢接受得到,呢個可能係童年陰影,唔好問咩事同點解,因為我唔曉答。

我細個唔係嫌錢腥,不過只係唔鍾意銅臭。咁清高?當然!

記得幾年前有位歐洲客人,佢原來都知道中國人有個派利是既習俗,但佢就好唔鍾意呢個習俗,因為中間涉及「錢」。我冇問佢點解覺得同錢有關就有問題,不過我當時就同佢講:“From the view of how this tradition works, I would say it is just another form of marriage fund.” 果位歐洲客人聽到之後,就笑左一笑。(或者笑我無知。)

呢個結婚基金運作好簡單,由其他結左婚既人同你供款,替未婚者係結婚前進行儲蓄。當你結左婚後,就有筆錢比你搣。正面d睇,呢個基金反映能者多付原則,唔多唔少因為標簽效應 ~ 有能力先至會結婚,以「施比受更有福」既手段鼓勵人去結婚。但又負面d睇,時間越拖,舊錢就一路仲可以滾大,咁就越唔鼓勵結婚。想平衡「施」同「受」一d既話,以七十歲命計,受三十五年,然後施三十五年就差唔多勒。

係呢度我想同阿Da 講:

「記得施比受更有福,所以唔該你唔好受咁耐,廿零年就夠哂勒。」

我認識好多人其實都同我細個一樣,覺得派利是好罪惡,尤其是係某d 比較保守既教會既朋友。大概會覺得講錢失感情,或者因為派錢好似鼓勵不勞而獲,又或者唔好太早將錢呢個概念灌輸比d天真無邪既小朋友,驚佢地會貪錢向錢看,諸如此類。我呢,大大個可能開始要自己搵錢養自己養家,所以就漸漸唔覺得錢係d咩罪惡既野。

對於小朋友,我覺得,「錢」呢個概念究竟係好定壞甚至無分好壞,其實同其他人一樣,都視乎父母家長點樣灌輸。係人都知咩叫「應洗得洗」,但唔係係人個「應洗得洗」概念都一樣。

所以又係呢度想同阿Da 再講:

「阿Da,錢呢,其實只係代表自由。自由多左,唔一定係好,要睇你自己節唔節制。自由少左,唔一定係唔好,要睇你自己根本需唔需要咁多自由。」

對於我,派利是唔係意頭,而係心意。再講清楚一d,「心意」係「派利是」,唔係「派幾多錢利是」。好明顯,我唔係市儈,而係我知你地鍾意講心唔講金遮。


祝大家新年快樂、身體健康、幸福滿載。

29 comments:

南區肥龍 said...

祝c.m.兄心想事成,身體健康!
更祝你與家人生活愉快!

xiao zhu said...

好一個結婚基金!從利是,講自由!仲有某啲教徒對派利是嘅睇法。全部都好同意!最重要嘅係,我同你一樣,都係咁清高。哈哈!

祝你身體健康!Da Da 聽教聽話。^^

Yun said...

> 尤其是係某d 比較保守既教會既朋友

明曬。但我一向都仍好中意收利是播。因為我明白自由是甚麼。(不過﹐這是小部份的思想沒有被教會影響的。)

所以呢﹐唔好咁快結婚係好著數架。你做乜叫DaDa廿零就乜乜呢。唔好呀DaDa。:P

火鶴 said...

豺狼兄

好, 一於就祝你:
唔駛點做
飯來張口
得一想二
買大開細...

Marshmallow said...

CM兄,祝您
手臂多兩隻老鼠仔
同狼嫂老鼠愛大米
阿Dada笑容似米奇
今年生多隻老鼠

Samsara said...

CM哥哥:祝你平安吉祥,文思泉湧,Dada去疤成功,Moon Moon身心康泰,大小平安。

ondog said...

祝新年快樂! 身體健康! 平安吉祥!
DADA愉快成長, MOON MOON心想事成!

Hana said...

c.m兄:
恭喜發財!
送隻歌仔俾你:
http://dns6.stsky.com/gm/12024/9.wma

Karen (Sze) said...

祝DADA快高長大!
祝Moon Moon心想事成!
祝您工作順利!
祝您一家人身體健康!

不敗的魔術師 said...

最緊要一家人身體健康!

安諾勿斯 said...

祝新年進步,身體健康,心想事成,步步高昇,今年搵多d。

C.M. said...

肥龍兄:

都祝你同家人新年快樂,日日開心!

小珠:

對於男人(尤其大男人),呢個結婚基金既意義就更重大勒,娶老婆要本錢加嘛(我好懷疑其實舊時派利是係咪只會派比男仔)。

又,其實我依家都係咁清高!(所以一直都咁...)

小珠,多謝祝福,也祝你身心健康。

雲:

你呀,都要記得施比受更有福呀!我知你一定記得既。(其實有時教會為左對抗某d洪流,會產生可能糾枉過正既反應。)

鶴兄:

好,我都祝你:
唔駛點追
女來張手
左擁右抱
買大送細...

哎呀,都係祝你新年快樂好過。

棉花妹:

(一路驚一路講)多謝哂。。。。祝你新年快樂,青春常駐,早日拉埋天窗。。。。(到依家都未驚完)

香妹:

(嘩,多得你唔少,文思泉湧係好,不過代價係會比人笑死喎)祝你新年快樂,身體健康,奮筆疾書,一日靚過一日,一家龍馬精神!

On兄:

祝你新年快樂,身體健康,享受今次馬拉松!也祝On-pig姐姐日日都咁靚!

冰姐:

祝你新年快樂,身體健康,生意興隆!多謝你首歌仔(不過聽唔到...嗚嗚)

Karen:

多謝!祝你新年快樂,身體早日康復,越戰越勇!

魔術哥哥:

祝你同你一家都身體健康,新年快樂... 唔... 同埋... 總之我既衷心祝福。

安兄:

祝你新年快樂,身體健康,萬事勝意,今年勝舊年!

火鶴 said...

豺狼兄,

你呢幾句, 妙呀.

微豆 Haricot said...

C.M.

I agree with you that many people see money as the ends rather than the means to fulfill needs. I remember「勢利」is the term used to describe the type. There is nothing wrong with money as such, just people’s attitude.

Best wishes to you and your family, especially the little ones !!

小黃蓉 said...

>>...嘿,提起「講真」呢句口頭禪,小黃蓉又會抽稱我之前果d係咪講假...

又係你叫我學吓要...幽默啲嘛,(我認我有斷章取義之嫌架。)咁我咪得閒練習吓囉。乜原來呢啲係叫做抽稱,唔係幽默咩? 咁我學壞左師嘞。要從頭再學過,你要認真啲教我至得架。

嗱,唔激你喇,祝你鼠年俾人窒少啲、抽稱少啲、休多啲襪啦!

米都話唔搞咯 said...

cm:

也祝Dada及你全家都健康快樂!

遲啲我會問下你啲教女經架啦~

余若虛 said...

CM兄恭喜發財!

我覺得呢,因為怕小朋友有錢會有貪念同向錢看而唔比錢佢地,跟本係斬腳趾避沙蟲式既教育,同香港失敗既性教育一樣。佢地遲早要面對錢/性,但大人就永遠都怕呢D野會涂毒佢地。其實錢、性都係中性,在乎係觀念而非其本質,更重要係教育唔係迴避。

AC said...

恭喜發財!(做左好耐CD-ROM...)

歐洲人唔係個個嫌銅臭既... 最少德國人(以我收埋唔少聖誕利是)都會響聖誕節同fasching畀少少錢小朋友。

馬沙 said...

CM兄,

恭喜發財!身壯力健,步步高升!
一家人健康快樂,主恩滿載!

C.M. said...

鶴兄:

明醒你架,唔好辜負我一番寄望。

微豆兄:

>>「勢利」

Um... You still remember ... "Chinese". :P

Yeah, it's all about the money. The term "Money" in contemporary world nevertheless often implies success, satisfaction and security.

Happy New Year and best wishes to you and your family too!

小黃蓉:

哼,對住你呢我覺得我越黎越笨。講真,你對人就幽默,對我就抽稱囉(唉)。(最尾果幾句,你話你,仲唔係激我?!)

阿米爸:

教女呢,就幫你唔到勒,因為唔洗點教。(尤其是你做爸爸,根本唔洗擔心)

祝你一家身體健康!尤其阿米B,活活潑潑,健康成長!

若虛兄:

嗯,你提醒左我一點關於錢同性。因為你比我發現到自己有d 謬誤。多謝曬。祝你新年快樂,身體健康,步步高升!

AC:

龍馬精神!哎呀,麻煩你多d留言提醒小弟,因為小弟好多時都會行差踏錯。

無錯,果個唔係德國人,今次呢個係Ciao 前Capice 後既!(Fasching! Thanks!)

馬沙兄:

再祝你生意興隆,心想事成!

Derek Greyhound said...

祝心想事成,身體健康!

媽媽阿四 said...

係不保本基金,一到maturity date就要無了期嘔翻晒俾之前供款人的子孫。

祝一家平安開心! :)

seikomatic said...

「阿Da,錢呢,其實只係代表自由。自由多左,唔一定係好,要睇你自己節唔節制。自由少左,唔一定係唔好,要睇你自己根本需唔需要咁多自由。」


『Dadi,錢可以買多小小自由,但自由換唔到錢喎?

最快樂既就系有無限既自由同錢,最痛苦不過就系有無限既自由而無錢。』

祝 每日都感到愛。

C.M. said...

大力哥哥:

祝你心花怒放,日日開心!

阿四媽:

你個解釋真係正!你話若果用派 Pension 黎形容個心係咪會舒服d呢? :)

祝你一家融融洽洽!

精工:

『BB,邊個教你講架,你話比Dadi知啦,講左就帶你去街街,好唔好?』(嘿,小朋友就快知道自己d利是錢會點用。)

祝 每日都體驗到自由。

C.M. said...

咦?原來有句:「做乜叫DaDa廿零就乜乜呢。唔好呀DaDa...」

(...左耳入右耳出)

易亦 said...

唉呀!遲左添!
小豺狼
祝你
身體健康
恩福滿載

C.M. said...

二翼,祝你新年快樂,身體健康,福杯滿溢!

Geoffrey Kong 江貴為 said...

市儈講句,希望你有得派利是之餘,亦都有得收番D(當然咁大個人就要由其他方面着手啦!)祝你新一年萬事勝意!

C.M. said...

Geoffrey兄:

見你同我講心,哈,好啦,等小弟講個秘密比你知。查實我咁市儈,我年人人都只係封兩張100yen咋,然後至少收番一張20蚊,你話我今年幾醒目勒!

再祝你年年旅行都盡興喇!