Sunday, October 05, 2008

自我誤診

樓下阿叔話,連火箭都可以升空,大國仲唔係崛起?

隔離阿姐話,連樓下羊師奶都話好,呢隻迷你債券仲唔係筍野?

Benchmarking 既方法呢,林林總總。而在職場上,一個有效既 Benchmarking,尤其需要數據支持。

但我覺得好明顯 Benchmarking 亦可以唔係一堆堆數字,而係一個 event 甚至係 a series of events (甚至係 events 之間既 relationships)。呢d 情況,可以叫「特大事故」,亦可以叫「信號」。

當然,採用呢種 qualitative benchmarking 方式,好難說服倒其他人話你個方式夠客觀(若果其他人包括成日同你作對果個會計同埋出糧比你果個大帝)。雖然係咁,你同我其實無時無刻都採用緊呢種主觀既 benchmarking。

無論大事小事,全世界人都會以適合自己既方法,按照一兩個或者幾個「信號」,而去判斷某大好良機已經出現,或者某危險已經超過警戒線。依照信號去作出預測,大概係人既本能。不過,點樣妥善利用呢種本能,除左睇下之前受過咩訓練,獲得過咩經驗之外,眾所周知,一個人既「性格」會唔會容易變得過分緊張,亦會好影響利用呢種本能既成效。

好似股神話,買股票,先要揀優質股,買完之後唔好諗,瞓覺!唔洗日日捕住個市,睇下股價升左幾多,連股災都唔洗放。

又好似營養師話,減肥,先要揀啱方法,然後下決心,做!唔洗日日走上個磅,監察住體重又減左幾多,就算重左都一於少理。

蝦....查實我想講咩呢?....

嗯,我係想話,呢排自己留意到唔少信號。無啦啦怒氣沖沖投訴銀行(仲唔止一間),失驚無神返屋企鬧呢個鬧果個,發曬癲係公司嘈喧巴閉,仲連遊戲機都唔想打,日日頭痛仲日日都緊張兮兮.... 大鑊,九成九九有情緒病。 (查實仲有,一個月內輕左 5磅,體重已經抵達 10年低位)

但既然成日緊張兮兮,咁,我個本能.... 又,查實我仲有冇得救?

33 comments:

Hana said...

你絕對有得救!總係唔使他人出手果隻,因為你可以自救!
阿門!

佚名 said...

c.m.:
你係咪更年期啊?xd!:P

c.m.我覺得一個人要懂放鬆自己,這點非常緊要ga!或者你可以這樣想,其實每個人也有他與她的缺點,學習放大優點,縮小一點。

發掘優點,慢慢地你會覺得每個人,每件事也是美好的。

欣賞世界之美,享受人生。(常說的重複說話:P)

放鬆自己,選擇一些適合自己的放鬆方法,聽音樂?打機?訓覺?聊天?睇書?睇戲?寫文章?......等等

總之覺得那時心情如何,就隨著時候用那方法來放鬆,放鬆自己也是隨心,無驅無束~

小小壓力成動力!太大壓力成負擔啊!

c.m!relax~^^

Anonymous said...

誤診? 咁落左藥未呀? 未落藥就一定有得救啦,如果落左,就要睇吓落左幾多同幾耐嘞。不過見你仲可以咁好氣講咁多嘢,仲咁清醒知道自己誤診,病情都應該唔會太差嘅!嗱,趁聽日重陽,一於去登吓高,上山吸吓靈氣,一定有好轉,我話嘅!

Anonymous said...

>Benchmarking 既方法呢,林林總總。而在職場上,一個有效既 Benchmarking,尤其需要數據支持

1st lesson on statistic "There are three kinds of lies: lies, damn lies and statistics."

比喻人人識用,不過好多時都用錯既比喻去justify一d繆論

>又,查實我仲有冇得救?

唸下小狐狸喇!然後寫返篇overdue既狐狼傳奇...暨第一集

K said...

今日有空閒, 講多d。

>>樓下阿叔話,連火箭都可以升空,大國仲唔係崛起?

我總覺得, 大國崛起唔係靠成功辦好奧運和把火箭連人上太空咁簡單, 更唔係中央台整套「大國崛起」分析別國的成功來指明中國是否能大國崛起。

>>Benchmarking 既方法呢,林林總總。而在職場上,一個有效既 Benchmarking,尤其需要數據支持。但我覺得好明顯 Benchmarking 亦可以唔係一堆堆數字,而係一個 event 甚至係 a series of events (甚至係 events 之間既 relationships)。

咁講啦!Benchmarking係用數字量化, 原因係方便向管理層presentation; Of course, 一件事甚至一連串的事件亦可以是Benchmarking, 但係要向管理層presenation甚至變成annual report, 無可能將整件事全部記錄, 於是乎有人會用件事來做成基本準則(或者參考藍本)和撮寫、變成量化。

好難講係唔係客觀, 但一般而言, 把件事量化似乎係較客觀的做法。

>>眾所周知,一個人既「性格」會唔會容易變得過分緊張,亦會好影響利用呢種本能既成效。

呢個問題, 問精神科醫生同NLP專家可能會俾到答案。

>>好似股神話,買股票,先要揀優質股,買完之後唔好諗,瞓覺!唔洗日日捕住個市,睇下股價升左幾多,連股災都唔洗放。

我幾相股神呢番話, 所以一直長期持有某公用股(仲要係一話俾公眾認購就買, 拜思爸好眼光所致), 買完後幾乎無乜點理(除了每年收到股息和要更換language外), 得閒至睇佢升/跌左幾多, 即使當年金融風暴同SARS都無放到。

>>無啦啦怒氣沖沖投訴銀行(仲唔止一間),失驚無神返屋企鬧呢個鬧果個,發曬癲係公司嘈喧巴閉,仲連遊戲機都唔想打,日日頭痛仲日日都緊張兮兮.... 大鑊,九成九九有情緒病。 (查實仲有,一個月內輕左 5磅,體重已經抵達 10年低位)......成日緊張兮兮

莫非您係minibond的苦主之一?還是那位teller/cso激親您?可惜可惜。

失驚無神返屋企鬧呢個鬧果個, 我替moon姐難過。

嗱阿哥! 我真係擔心您咁落去, 可能會造成家庭暴力(哎, 唔係講笑o架), 受害的係整家人(若然俾我知您恰阿moon同DaDa加阿細, 我會設法叫他們入xx之家或xx軒), 記住, 呢種可以係情緒發洩, 又可以係一種病。

若然係同事, 仲弊!咁樣唔單止令同事做o野無心機無心情, 長遠會和同事關係變差, 您想搵個同事幫手都難o左, 會孤立無援好辛苦o架。

解鈴還須繫鈴人, 我覺得您的負能量係accumulate的, 咁啦......搵晚, 同您電話搵下, 睇下使唔使轉介個醫生俾您好唔好?

您諗下, 我的心理病都可以慢慢好得番, 您有得救o架!

又或者, 學我啦! 由上星期六到明天, 我放緊假, 睡十小時, 因為太大壓力喇(陰功!我在星期五晚仲趕工趕到十點呀)!

聽小佚講, 都好o架!

>>係咪更年期啊

唔係。如果佢係, 咁我係咪提早老人痴呆?

C.M. said...

冰冰:

我依家散曬,唔曉浮。

小佚:

係咪更年期?唔... 應該都似。多謝曬你鼓勵,我會盡力。(盡力...又點放鬆呢?咁我應該盡力定放鬆呢?)

小黃蓉呀蓉:

落左葯未?你牙?你好似落左好多葯比我喎。不過我會聽你話,聽日重陽會係屋企瞓餐飽。

P.E.T.E.R.:

可能我數口差,所以我真係好唔妥果d咩所謂好客觀既數字遊戲,明明背後個assumptions只係一大堆主觀願望,係都要扮量化,然後話:拿,明明呢個factor係 0.5 所以用番果個weighting同呢個rating呢,就可以得出呢個公平又公道又合理既結果。(總之唔好投訴)

我諗我遲早思覺失調。唉,原來HR 呢行真係唔好玩。

不過我又真係唔擔心謬論播,謬論好多時好有啟發性架(拿,我呢個謬論冇統計支持架)

小狐狸呢~ 我呢排情緒病,所以放埋左一邊。遲下好番一定會明目張膽咁掛念佢。(比我抖下氣)

C.M. said...

Karen:

剛剛先見到你,夠曬鐘。(遲下覆。)

(純粹好奇)不過突然想問P.E.T.E.R.,若果Karen係你下屬,佢比份量化左既report你(咩report都好),咁你會唔會安心d呢?(又或者,會唔會有咩其他感想呢?)

K said...

P.E.T.E.R.,

唔好意思, 因為在阿哥地頭關係, 唔知我係乜水, 係咁意先介紹自己, 方便您答阿哥條問題:

筆者係一名在公營與私營機構周旋的中下層員工, 職位及薪酬唔高, 但係自己有60%-80%的workload係做緊senior的工作(但其他同grade的員工唔係咁), 超過十年工作經驗加上電腦操作和office working skill等(包括分析數據、寫report和做presentation等)。

希望幫到您回答吧!

K said...

>>原來HR呢行真係唔好玩

哈哈! 我等您講呢句說話等o左好耐啦!

我唔止一次同一些有意入HR的朋友仔咁講, 唔係嚇佢地, 若然自問唔膽大心細唔口密行動迅速熟讀法例接受時時Overtime兼被內外人等狂丙......咁您都係唔好做HR喇!

太多人看HR看得太表面, 所以有唔少對HR工作的錯覺出現。

阿哥, 唔好當我輩HR係流野喇!

Juicy Runners said...

姐姐話...

我有中年危機...

你... 有冇?

Samsara said...

有。

Anonymous said...

你都知我落緊藥呀? 咁有冇效呀? 好囉,睇落你病情都未算係好嚴重啫。

其實你果啲所謂無啦啦,根本全部都有啦啦嘅。計我話呢,你試吓唔用C.M. 嘅思維諗嘢,改用M.C.嘅思維,即管睇吓點吖。無錯,係我話嘅。

seikomatic said...

CM,

大宇宙唔系個別人既意願可以改變,拔咱們可以管理好自已既小宇宙。

一個月輕左5磅,應該唔系有左,食下遮姑菜,紺績散。

佚名 said...

c.m;
係咪更年期?唔... 應該都似。多謝曬你鼓勵,我會盡力。(盡力...又點放鬆呢?咁我應該盡力定放鬆呢?)
-->^^~
咁先放鬆自己先la~
緊握拳頭,深吸呼一口氣
或者緊閉臉容-->唔識形容><!<---者係好似咁:P
然後先再盡力la^^
支持c.m!!
加油!加油!加加油!

C.M. said...

Karen:

你就好啦,我依家雖然已經過左辦公時間,但仲未走得住。

>>於是乎有人會用件事來做成基本準則(或者參考藍本)和撮寫、變成量化。

例如有冇咩例子咁呢?點樣可以將事件量化呢?

>>可惜可惜

唉。唉唉。唉唉唉。算,都係唔好提,自己攞黎。

>>可能會造成家庭暴力

嗯,控制唔到情緒,又真係可以引致好多家庭暴力。和諧之家,都好。

>>同您電話傾下, 睇下使唔使轉介個醫生俾您好唔好?

醫生?都好,但要聲線溫柔,又要靚女,仲要免診金既。

>>又或者, 學我啦! 由上星期六到明天, 我放緊假, 睡十小時...

咁呢樣應該難d咯。

>>方便您答阿哥條問題

阿妹,多謝你先,但唔洗咁客氣幫手lu,我純粹發噏風咋。(情緒病病徵黎架)

>>咁您都係唔好做HR喇!

哦。

>>阿哥, 唔好當我輩HR係流野喇!

點敢呀。

C.M. said...

昂兄:

我...有。

你...有左幾耐?

香妹:

(唔係化)

小蓉蓉:

喂!你唔好乘乘機機落重葯播,我頂唔住個播。呢個情況點用M.C.思維呀...嗚嗚,比我放任下得唔得呀... 嗚嗚。

咩係MC呀?司儀?思疑!... 係咪即係要疑心重d呀...遵命!(想發癲)

精工:

但似乎我小宇宙個管理系統好似出左小小問題。

至於疳積散呢... 都好播,同阿女爭野食,幾好玩。(多謝提醒)

小佚:

嘩,聽到你咁講,又真係幾振奮!多謝曬!

Anonymous said...

>明明背後個assumptions只係一大堆主觀願望,係都要扮量化...

數字呢d野只可能要黎做reference。如果冇特別情市況出現當年最初用黎計算hedge fund既formula都可謂無敵。不過呢d數字性資料往往無法計算人類既unpredictable behaviour及其他unforeseable factors,而且世界上太多abnormalies,就係因為有chaos同butterfly effect所以明明九唔答八既factor都會有好大既影響。否則今日我地一早可以有準繩度100%既天氣預測。雖然我地今日好多野都係建基於數字,不過所以盲目地齋信數字只會一敗塗地。再加上好多野都可以用文字去玩轉個數字既意思,所以咩量化唔量化...嘿嘿

>咁你會唔會安心d呢?

嗯...首先多謝karen提供既資料。就個假設性問題而言:

1.作為一個普通人一定有惰性--以對方過往記錄作reference去相信一個人既工作/說話。(一個係任何時候都唔相信人既人同其他人相處一定有好大既問題)所以如果對方記錄良好,基本上可以話係會「比較」安心既。

不過
2.基於工作性質(講得唔好聽--職業病)就算佢係我老闆我都一定會好仔細咁check佢既野。將所有有可能出錯既地方驗證再三。因為我既工作性質就係要搵果萬一。

而且
3.講到玩果d文/數字游戲,呢d絕對係我既麵包同牛油。所以唔理佢量化唔量化,我都一定會將之煎皮拆骨。唔可能齋睇片面既報告。

所以就我而言其實安唔安心係同提交報告者既背景冇「絕對」同「必然」既關係。所以就算因為1.既原故會安心,個程度都唔會好大囉。頂隴1/10 - 2/10左右。

而且其實做人根本就應該如此,因為呢個世界上有「萬一」,所以就算百年老字號既銀行都可以比人一獲撬起。如果盲目因為對方過往記錄而輕信,問題既出現只係遲早。

>醫生?都好,但要聲線溫柔,又要靚女,仲要免診金既。

我介紹花醫師比你呀!不過要收佣金架播!

Marshmallow said...

Benchmarking,即係人比人,事比事,明明你唔買開股票,但係你啲朋友買,突然間你又覺得自己應該學人買…但係人地識買,你唔識買,咁攞人地做benchmark已經係錯,同你既本能無關.

雖然係咁,benchmarking用係自救都有用既.例如話,當你個頭好鬼痛既時候,不如咬隻手一下,咁突然間你隻手就會比個頭痛好鬼多喎,咁個頭未relatively唔痛囉… (痴咗)

佚名 said...

c.m:
嘩,聽到你咁講,又真係幾振奮!多謝曬!
-->真既?好野!yeah!
咁c.m快d笑啦!要大笑wow...^^
好似同緊我屋企個b咁玩~

C.M. said...

P.E.T.E.R.:

嘩,多謝賜教呀。

(我以前(雖則依家都唔少)比好多好多數字人,但我真係好希望有日d人真係可以誠實d面對數字,至少唔好以為我專登搵野刺激佢先得架...)

>>呢d絕對係我既麵包同牛油

唔,有冇咩心得可以傳授比小弟呢? :)

>>而且其實做人根本就應該如此

嗯。

>>我介紹花醫師比你呀!不過要收佣金架播!

若果係花醫師呢,真係洗多多錢都肯制!呵呵。

綿綿:

>>benchmarking用係自救都有用既

好同意呀!好多同業前輩都當benchmarking 係best practices,唔跟唔得之餘(雖然佢地都清楚唔知跟黎做乜),仲為左保住自己,免得比人非議架。(做芬佬更加冇得避免)

o係呢個情況,Benchmarking只係重新包裝一個抄襲競爭對手策略既潮語,失卻左呢個字本身o係「制定目標」既含義。唉,無法,越能夠量化,後者個含義就越容易被壓制。(鵝刀痴佐)

小佚:

強顏歡笑得唔得呀?

佚名 said...

c.m:
強顏歡笑得唔得呀?
-->得,我成日做
苦笑^^0000
其實很無奈
可能秋意來,愁便來...哈
或者頸痛,很累

C.M. said...

>>可能秋意來,愁便來

咦?你咁講,又好似係播... 因為我上年都係咁。

K said...

>>於是乎有人會用件事來做成基本準則(或者參考藍本)和撮寫、變成量化。例如有冇咩例子咁呢?點樣可以將事件量化呢?

例如機構的每月工傷數字: 除了以每月為計算外, 員工受傷的部位和原因(例如有位清潔阿姐, 在工作時間於公司寫字樓掃地, 唔小心跣一跣跌傷膝蓋)等會把事件轉化為一堆數字(當然, 我們為了方便高層瞭解那個工傷, 亦會影印工傷報告作參考)。

當時作為contractor需要向公營機構和當時的總部提交每月報告, 除了每月與用家的工作數量外, 亦會為每件工作set一個benchmark----每個工作(如抺病房床和運送病人等)以多少分鐘內完成(如運送病人以由接到用家的call到送病人由某處送到另一處為之完成), 然後計總數和達標的百分率, 寫入呈交報告內。

唔知咁講係咪答了您的問題呢?

>>同您電話傾下, 睇下使唔使轉介個醫生俾您好唔好?
醫生?都好,但要聲線溫柔,又要靚女,仲要免診金既。

Oh, sorry!男醫生一名, 聲線一般, 診金連藥至少一千大元。

又或者考慮下跑步減壓: On dog話想我拉埋您去跑十公里(或者您同埋阿Da Da一齊好唔好), 有無興趣呀(除了On dog, 仲有肥龍同Samsara等, 詳情請看On兄關於渣打馬拉松個post)?

我想報渣打十公里(09年2月8日), 因為要在今個月底前報。

C.M. said...

Karen:

唔該曬。

若果我想量化我個女係咪越來越變得情緒化呢?又或者量化一個人係咪對人越來越有敵意呢?甚至量化一個投資個風險有冇變得越來越高呢?再甚至量化一個國家係咪越來越唔民主呢?

(純粹借題發揮,唔洗理我...)

男醫生?Sorry,唔好客氣。

>>On dog話想我拉埋您去跑十公里

下?果條友今次仲唔係借刀殺人?!嘿!(o係屋企睇住你地跑得嘛?)

K said...

>>果條友今次仲唔係借刀殺人?!嘿!

有咩?

>>o係屋企睇住你地跑得嘛

唔係咁好囉! 電視節目唔多影到, 您所住的地方睇唔到。

好心您啦!跑步減壓好過您留在家裡"攤C"呀!仲有:

1. 跑步可以減肥(據聞有人唔見您N日, 發現您肥o左幾磅兼條腰粗o左);
2. 少d疾病(包括無病呻吟);
3. 當日成班人跑, 士氣高d, 加上早上6點幾跑, 應該精神爽利;
4. 您想見到的blog友應該會跑(唔方便開名, 但上述人等已報名了);
5. 帶埋屋企人跑, 可以增進感情(所以咪叫您同埋阿Da Da一齊跑囉);
6. 記得有嘉年華俾小朋友玩(唔記得係咪跑之前定跑當日);以及
7. 今個月底前報名有優惠等等。

預埋您啦!

C.M. said...

梗係有喇,你問下阿昂勒。嘿!

>>您想見到的blog友應該會跑

咦?係邊個年輕貌美女blog友呢?!

>>帶埋屋企人跑, 可以增進感情(所以咪叫您同埋阿Da Da一齊跑囉)

孭住佢跑似乎斷氣快d播

K said...

>>咦?係邊個年輕貌美女blog友呢?!

可能係, 上年有份跑; 若然包括我, 都可能係(But, 我唔會自誇啦)。

>>孭住佢跑似乎斷氣快d播

無人叫您孭Da Da跑o架傻仔!

世界上有BB車嘛!

C.M. said...

推住架BB車跑馬拉松?!我有預感會見光死播。

Anonymous said...

好似ak都跑播~! :p
中童黨徒, 全軍出動啦!

C.M. said...

下?咁高興?

咁借問籐木同學個同學又會唔會跑呢?

係場外做啦啦隊得唔得呢?

Samsara said...

籐木同學個同學就緊係跑啦,如果唔係點可以叫全軍出動呢。啦啦隊都唔好玩,一齊跑啦,好開心嫁!

跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦跑啦

C.M. said...

你睇我唔到你睇我唔到你睇我唔到你睇我唔到你睇我唔到你睇我唔到你睇我唔到你睇我唔到

C.M. said...

Reference:

The Rational Choice Myth: The Selection and Compensation of Critical Performers