Monday, November 10, 2008

事先張揚邀約蜘蛛精事件

綿綿話

>>CM兄,係唔係因為你太理智啦
>>所以你放唔開懷抱去明白不理性既愛情?

查實呢度分開兩個問題:一,我係咪太理智呢?二,所以......?

嗯,閒人兄好耐之前講過「鐘擺效應」,大抵意思同「反作用力」意思相似。而我,呢種所謂理智,其實唔係好理智。

我呢亭表面理智,應該源於「理智失控」。點解用「應該」兩個字呢?因為我都唔肯定,而我貴為萬物疑似疑惑論者,好多時係任何文中都可以搵到呢類,「疑似疑惑」既字眼,例如「應該」「可能」「大抵」「或者」「大概」「比較」「似乎」等等,所以唔好見怪。

...... 等陣,講返「理智失控」。

簡單講,我係一個惡人。總之無論有任何人認為我唔理智,我都會發惡。放心我發惡,九成九只會發係自己身上,猛咁鬧自己點解咁唔理智,逼自己表面變得理智,就咁,周不時就搞到理智失控,反曬艇。你知喇,係呢個高度先進既社會,唔理智係一種冇文化,又唔夠國際化既表現黎架,係咪先...... (唔好介意,我又失控。)

所以你睇我好似好理智,其實呢,Errr ...... 你點話點好喇。

發完癲,講返正經少少既野。

寫blog同睇blog令我感受到人間有情。

「有情」者,唔淨止係一般以為既「有人情味」(humane),而更加係「有人情」(冇個「味」字)。一直以黎,我都不斷留意人與人之間既拳來腳往。唔一定係琴棋君子同書畫淑女既詩詞來歌賦往,先至睇到人間有情,就算係爛仔交玩插眼指夾撩陰腿,查實都有其韻味。(我係咪未癲完?)

之不過人生苦短,當游走部落越多,腳步就越急。為左腳毛數量同口水花質量可以得到一個妥善既平衡(就算唔可以成正比),所以縱使呢個世界既美廈華木多的是,我都一直記起一個人:CK。(唔知咩correlation)

係現實黎講,發現人間有情最大既好處係比我可以幫助我,同老細呀,下屬呀,阿女阿仔呀,任何人類物體呀好好溝通(唯獨靚女搞唔掂,唔知點解)。我認既,我唔係一個好識得同人溝通既人,成日開口及著脷,比人掟鞋,但我仍然好鍾意懶好學咁轉牛角尖。不過,我真心架,我亦都唔係食住 wasabi 講架。(又唔知點解會扯到呢度)

講返CK,佢呢位仁兄呢好似一個盤絲洞裏面既蜘蛛精咁。骨科專家可能會dismember 曬佢d手手腳腳,內科醫生就鍾意吉穿佢個肚腩睇下d血咩顏色,生態學家就睇下佢食開咩白骨精,而我呢隻騾狼惡人混種,就鍾意睇下佢d蜘蛛絲究竟可唔可以做棉花糖(唔係一舊舊果種)。

呢隻蜘蛛精理智到得人驚,迂回曲折但亦齊整通暢,所以我呢個惡人,想親自搵佢取經囉。Errr...... 出年唔知惡人三顧茅廬,可唔可以得到蜘蛛精寵幸呢?(求求你順便醫醫我個思覺失調丫唔該)

拿,我真心架。

23 comments:

C.M. said...

阿邊個,我知你講咩... 嘿,一廂情願又點遮... 做人周不屎都要冒下險先可以真正體驗咩係人生嘛。

安諾勿斯 said...

小弟都想得到蜘蛛精o既寵幸,如得一見,真係三生有幸!!

P.S. CM兄,仲咩自言自語呀?壓力真係大得咁緊要?!

Hana said...

>發現人間有情最大既好處係比我可以幫助我,同老細呀,下屬呀,阿女阿仔呀,任何人類物體呀好好溝通(唯獨靚女搞唔掂,唔知點解)。

????
:( :( :( :(

小瓶子 said...

甘复杂?

HollyCow said...

失控, 走火入魔...... 牛牛最近愛上不應該愛的人...

佚名 said...

c.m:
點解好似成日留唔到言俾你ga><!

C.M. said...

安兄:
一浪接一浪,得返半條人命咋我伊傢。(唉,唔知我有冇機呢...)

冰冰:
所以呢,我對住你,束手無策囉。

瓶子:
邊樣複雜呀?

佚名 said...

c.m:
「疑似疑惑」既字眼,例如「應該」「可能」「大抵」「或者」「大概」「比較」「似乎」
-->我都成日有d字眼wow!
可能因為我為人猶疑不決啊!
奇實c.m無發癲,因為你所說的東西,我也有!
是太理智才會這樣嗎?
我想不是理智問題,而是執著問題,對有些事情,有些人太過執著,為甚麼不是這樣?為甚麼要那樣做?
為甚麼?為甚麼?

可能是這樣吧!(那!疑惑字眼)

C.M. said...

牛牛:
你最近愛上左邊個呀?

小佚:
嗯,鎖你呀,我都覺得係。呢個新comment system唔係太stable。

>>可能是這樣吧!
哈哈哈哈 XD!最多c.m.哥哥(?)陪你癲埋一份囉。

HollyCow said...

CM: 您啊!

佚名 said...

c.m:
哈哈哈哈 XD!最多c.m.哥哥(?)陪你癲埋一份囉。
-->?唔係不摟都癲緊咩??

篤篤篤撐 said...

cm 兄, 受左咩刺激ar ?

C.M. said...

Holly:
咁牙,睇定d先喇。

小佚:
呵呵。又好似係播。

篤撐兄:
都唔係受刺激既,我吼左呢隻蜘蛛精好耐架啦。

HollyCow said...

CM:睇得太定, 会失去那豪放激情!

Marshmallow said...

唉呀,鎖你鎖你,唔小心挑起CM兄條根添!呢餐我既!

C.M. said...

Holly:
咁會唔會好快用曬d電呢?之後若果有更好既機會咪可能會嗮曬?

綿綿:
嘿,都係你喇。不過咁,既然三顧茅廬,梗係要親自付出代價先有誠意傢嘛。多謝,下次先喇!

篤篤篤撐 said...

WEIWEIWEI,
好難留言ar, 呢個setting

C.M. said...

鎖你鎖你。從善如流。

Holly said...

Of course not, 100% woman woman woman, d電 will only become stronger and stronger......

C.M. said...

Vow... you are the most gorgeous cow I've ever seen...

HollyCow said...

CM: Oh, all you have to do is to drink more milk. (Those without poison)

Oopps, the more you know me, the more you like me......

Game#1: You are trapped....!LOL

Karen (Sze) said...

您個setting搞到我連續兩日留唔到言俾您呀!

好彩您終於從善如流。

又, 當CK遇著CM, 應是"兩雄相遇, 惺惺相惜"之吉兆也。

雖則我未有這機會, 但希望我們再見到對方之時(我諗係綿綿之前那一筆), 您會形容下這個熟悉的陌生人是如何的。

C.M. said...

Trapped!? Holly... sweet!!

Karen:
嗯,相對黎講,我鍾意wordpress果種,即係近似google呢種,不過呢,真係好多問題。連我自己都試過留唔到言。

再講清楚d,查實CK佢未應承過格,又,我根本未正式send個invitation過佢格,佢拒絕都好有可能格。

查實呢,我諗住用呢種方法,製造一個既成事實(咩事實呢?),逼佢現身咋。(乜你睇唔出我個用意咩?)

(當然喇,若果綿綿肯出手相助成數應該會大好多囉。之若果真係搵埋人地幫埋手,又點叫人請客咁好意思呢?)