Sunday, November 23, 2008

淺談理想

此刻心情好d,所以可以用廣府話寫。

危樓姐姐有團烈火,燒到我(刺激起我)就算咁夜(唔知四點前可唔可以寫好呢?),都要諗到頭爆,要記低自己有咩理想。真係第一次咁認真思考咩係我既理想。

理想呢~ 做咩好呢...

律師?教師?總理?好父母?好老公老婆?...

諗諗下,理想理想,好似成日都係一份職業、一個身份,好悶。改改佢... 用action words~

理想係可以令到世界和平!阿女以後生生性性!阿仔大個錫(點解電視台同報紙成日打錯做「鍚」?)曬老豆!...

再諗,好似有問題。係,呢堆係好理想既理想,但只係停留係理性層面,查實究竟我心底既理想,就係呢堆野?

我唔信。

再摷下database,我既理想,可能只係想身邊既人開心,同埋做到佢地「應該」要做既野(係架,我不嬲對人有要求架)。初步我係咁睇,唔知究竟我仲有咩其他馬利安納海溝咁深既理想。而且,呢個究竟真係我既所謂理想,定係我要表現自己美好一面於人前既表面理想?我唔知,真係唔知。

諗諗下,究竟我搵到我心底既理想,究竟有咩用?(係咪要「有用」先可以諗?)

唔直接咁問自己,我就試下從阿女身上,睇下可唔可以搵到個似樣d既答案。

我咁諗(哈,我估邊個睇到呢度都應該宜不得 close window)... 就以阿女將來為例,我地既想法,其實都好一致:唔洗諗咁長遠,諗到小學一年班已經係極限。唔搞咁多富貴建築工程(因為莫財),唔搞咁多見識世界工程(都係因為莫財),睇落唔搞咩唔搞物,都係因為莫財... 唔通有財我地就會改變諗法?

查實係真既... 有水,我真係會帶阿女(等佢再大d)去下外地接觸下新事物,有水,又會比佢參加咩社交班接觸其他小朋友。之不過... 我呢種理性化性格,(依家思索番)大概唔會引導佢去追求咩現實化理想。係,我都想佢聰聰明明,但我唔係想佢做咩師咩司囉。

從阿女身上,我覺得理想,依家係,用心了解阿女個心態,令佢能夠「做應該要做既野」,同埋令佢能夠「克服應該要去克服既野」(呢句後加)... 前提係「學」。

至少,無論係出自database,定係經阿女迂迴番自己身上,理想,雖然相似,但唔太一致。

究竟... 理想係咩呢?定係發夢再諗呢?... 好眼訓。

10 comments:

Anonymous said...

魔術師歌劇系列之單戀日誌(六)經已公演。

Blogger70th Floor said...

我推薦你讀一讀黎堅惠的【時裝。時刻】
幾有啟發性的

kenkachemhazard said...

我相信人似玉石,好的師父(內含父母)就是要順從石頭本質,把石頭的價值帶出來。

中國人(含香港)的問題是價值單一,從讀書到事業到家庭理想,全部都是一個樣,沒這個樣幾乎不能生存。要別豎一格嗎,又會被當做出頭鳥來打。所以中國人的理想都很單一又平庸。

做人到這個年齡,自己會發覺,自己根本沒有甚麼發自內心的理想燃燒過。沒有成功燃燒過理想的人,能感動到他人(內含子女)勇於實現夢想嗎?

不只是潑你冷水,我也在潑自己冷水。逼仔女做乜師物師擺明係扼殺仔女本質,但怎樣做才可以讓仔女本質發揮出來?

到今天都沒想到一個好答案,只想到:要好好留意自己的每一小時,在做甚麼,跟理想有沒有關。還有就是問自己:理想曾否堅定過?

C.M. said...

魔術哥哥:

哈哈哈,用番你果d 爆肚場景,再對照番阿Ming個實況,查實有d真係中左9成,所以睇得特別開心。

危樓姐姐:

好哇。

Kenka:

唔係播!完全唔覺得撥冷水,直頭鼓勵性甚至啟發性添呀!多謝曬。

尤其最近睇到五師兄同其他人討論教與學,雖然話自古以來都係圍繞「因材施教」,但我突然覺得,因材施教呢個名詞(甚至內容)其實有個弊端。

我諗過,其實應該好似你所講:順從本質。OK,我意思係,於我,應該係「因性施教」-性者,本性也。

就算我係一個有四十個學生既班主任,因材施教,以經濟角度黎睇,係正路。但真係要「幫」到學生,係唔應該因材施教,而係按照學生本性,先至可以循循善誘。

既然資源可以集中利用,也可以暫時忘卻社會需求(...唔知講咩)又唔洗憂柴憂米,父母應該更可以因性施教。

我覺得,與五師兄既因材施教有乜唔岩意思大抵相同。也許,亦與你意思雷同。你說呢?

佚名 said...

c.m:
4點幾唔眼訓就奇啦
我那時死眠中

阿女理想,果然父愛大發
或者隨遇而安,不必想她想做甚麼,如果佢鐘意就同佢玩多d佢想玩既野,佢都唔係好大個者

其實幫佢諗理想中就係有d想佢有d成就

C.M. said...

唉,我咁夜都未訓,好明顯係野性喇。

呢刻做人父母,我覺得,係「唔應該」隨遇而安既。

阿女接觸每一件事既時候,都需要平衡。而呢個平衡,係父母需要控制既。

佚名 said...

咁又係,你阿女仲細所以要品質監管
不過依家做人父母要做到好似朋友咁先唔會被討厭@@
時代唔同啦(講到我好似好老咁:P)

K said...

理想和現實, 有時候會有著一段距離。

但別要把自己達不到的心願, 硬要兒女們幫您去完成。

C.M. said...

小佚:
父母都想塑造自己的兒女如自己的樣式,我也一樣有此期盼。我也一樣希望子女擁有自由的願望,正如我自己也曾為人子女。

Karen:
理想,就是讓子女像子女一樣,也一樣擁有自由和獨特的心胸。

佚名 said...

c.m:
想給予他們自由,但人不免都會加入控制慾在子女身上,尤其細個仲可以教,遲d就唔止還口,仲動手,再犀利d就行動(者係走)

但有d父母話俾高度自由子女,事實上唔係,仲要樣樣野睇住,雖然好似遠距離睇住,但有會定時定候打電話跟進,到最後都唔係自由。
她還說她給他兒子獨立="=