Thursday, December 04, 2008

作死

無論o係邊間公司,幾乎「所有」上司都認為我係一個「好員工」。又或者有部分(尤其係隔離部門既高層)可以睇穿我,其實我只係「扮好員工」。

不過咁講,比著我以第三者角度睇,係咪好員工,又好視乎究竟你真係幫到公司幾多,而最後呢個問題,好多時唔係咩人都有同樣既理解,例如究竟應該公司財務表現先行,定係出糧既老闆既心情先行?(所以,都係唔好去諗其他人點理解,費事諗爆頭。)

果d 聽到話我 c.m. 係好員工既老闆,大概都會掟鞋鬧我:「作死牙!」不過更作死既係,我查實係度準備講某人。

佢呢個人,我會定義為超級「眼見為實」主義者,但係不見並非一定為虛,而係斷估為虛,斷人性本惡,人行善必虛偽。

我受佢影響好深,所以我整個人生觀都同佢幾乎完全相反。冇錯,「相反」。點相反法呢?例如我就會「眼見可以為虛」,人性本善,惡人必有善其中。

直到依家,我都受佢思想束縛同掣肘。

所以我響辦公室著力扮演壞員工,傾公事時手舞足蹈,打電腦時引哼高歌,交換資料時嘻嘻哈哈,適當時候講唔適當既說話。睇落,我好似輕輕鬆鬆,查實我緊張兮兮,咬緊牙關,好想鬧人....

又查實,就算我講既表象千真萬確,又代唔代表我係一個壞員工?甚至老闆係咪一定認為我係一個壞員工?係咪一定眼見先為實?唔通,人係唔應該用心去感受另一個人既真實?何況,你我本應血濃於水?反而,萍水相逢既,你竟然可以大條道理將心比心?

嘿,原來人人都曉得用心,只差在用響邊庶,係咪用得公公道道遮。

我呢排猛講阿女,其實只有一個重心:我唔會將我呢一代既意志留比下一代。

嘿,俾二至五見到,肯定又會話我作死。

8 comments:

篤篤篤撐 said...

我慘過你,
好多老細都唔會覺得我係好員工,
因為唔入馬房。
所以我係被介定為唔聽話而又做得野既員工,
最慘係俾人睇穿鱷魚頭老襯底,
結果係, 打東線捱寒冬果d就搵我
在西線歎紅酒攞彩果d就由佢地馬房既人負責

Anonymous said...

如果佢學你願意相信人性本善,起碼將來做人佢會有希望同開心d。

Betty said...

我一般以速度取胜.

佚名 said...

c.m:
大部份時間用良好姿態,咁之後有事大家只會當你係良好員工
唔會認為係你做錯,但良好,唔係超好
超好一錯d人就會當你係罪人咁

C.M. said...

篤撐兄:
小弟暫時黎講都算好彩,唔洗俾老闆強逼收編,可以我行我素。不過睇落你個情況應該唔太差,至少你係救火隊首要人選嘛。(唏,歎紅酒你都唔稀罕喇)

p.e.t.e.r.:
完全認同,如果佢又好似你咁諗,真係一天都光曬。

小瓶子:
哈哈,叻播。我呢,hehe,唔止添。(仲曉扎意粉同埋Pussy Foot)

小佚:
嘩,你講果d仲要就係impression management既明哲保身版添呀。(小朋友唔好亂學)

佚名 said...

c.m:
嘜東東來架??
明哲保身版??
者係咩??

C.M. said...

哈哈,呢個俾你自己參透喇。

佚名 said...

嘿!c.m大師嘜咁唔負責任啊!