Monday, December 08, 2008

窗外

在十三樓的窗外,看見女兒和推著嬰兒車的媽媽在團團轉哈哈笑,一番滋味在心頭。

***********

同事 A 話,你睇,小兒科果班細路真係幾叻,應該係尖子班出身。

同事 B 話,咁叻可能經唔起挫折咧,我就唔想我仔女係咁勒。

同事 C 話,唏,查實可能係我地 d 仔女冇人地咁叻,所以唯有要佢經得起挫折遮。

***********

Davout,一位甚得拿破侖寵愛的「鐵元帥」,多次以寡擊眾、背水抗敵。縱使他對波旁皇室恨之入骨乃路人皆見,但仍可以於拿破侖被第二次放逐之後,被復辟的波旁皇室所接納,不但恢復封銜,還受皇室冊封貴族

Manteuffel,一位二次大戰後期深得希特勒賞識的德國將軍,以統馭裝甲部隊聞名,曾屢次領單兵深入敵後遏止和擊敗蘇軍的攻擊,並於突出部之役初期讓美軍受到重創。二戰後,更獲邀於美國西點軍校任教。

Rommel, 以沙漠之狐揚名,二戰中讓邱吉爾慨嘆,讓英軍肅然起敬,讓巴頓摩拳擦掌的德國元帥。因涉嫌參與暗殺希特勒,被逼服毒自殺。他是唯一一位在納粹戰敗後還立有紀念碑的二戰德國元帥。

中國人之中,there were a few Rommels,但誰個可以 retire like a Davout and be respected like a Manteuffel, by the enemy?

***********

繼續忙,夠變態的我似乎還要讓一把一把的忙碌弄死自己。

進修,為的是取功名,我也不例外。側田說,曾幾何時為了一分半分做生做死捱更抵夜..... 原來我年輕未曾受苦過,如今要還年輕債。此刻我這個年紀,與不同年齡的同學一起上課,純為過關有之,一為神功二為弟子亦有之,為了一分半分做生做死捱更抵夜更不少。一星期讀兩科連考試已經要命,讀三科應該算自掘墳墓了。

望著窗外,為得與失沉吟。

17 comments:

xiao zhu said...

你的文筆越來越好啊。妒忌!

C.M. said...

為搏紅顏不屑的一笑,歷盡艱辛。

Hana said...

>為搏紅顏不屑的一笑,歷盡艱辛。

話你寫得好遮,使唔使搏到盡吖(回留言都寫得咁好!)?我哋總使寫扑嘅???

C.M. said...

唉,阿小珠一定明白我一片苦心既,叉在佢想唔想聽到遮,所以剛才果句,其他人冇份。

(冰冰,你話勒,既然眼前有咁好既機會,我仲唔冷手執返個熱煎堆?)

小珠,就係呢個Davout呀。

Anonymous said...

>讀三科應該算自掘墳墓了
《孫子·九地》:“投之亡地而後存,陷之死地然後生。”
可見讀三科係唔得既,應該獨夠四(死)科咁你就會惦晒架啦!


>為搏紅顏不屑的一笑
小豬你重唔快D笑?

>我哋總使寫扑嘅?
都係我有先見之明
轉左專寫留言好耐啦
哈哈!

篤篤篤撐 said...

咁叻可能經唔起挫折咧
>>>
乜野LOGIC ?

火鶴 said...

> 既然眼前有咁好既機會,我仲唔冷手執返個熱煎堆?

仲唔快D寫返單戀/把女日誌!

佚名 said...

c.m:
忙到唔記去單戀0.0
咁樣唔得個wow

C.M. said...

小寶:
>>獨夠四(死)科咁你就會惦晒架啦
城理桂然喇

>>小豬你重唔快D笑?
佢早就笑到卡卡聲

>>轉左專寫留言好耐啦
化整為零,穩守突擊,以不變應萬變丫嘛

篤撐兄:
>>咁叻可能經唔起挫折咧
個籮直好清楚囉播:吃不到的葡萄嘛(or 想吃甜葡萄)

老鶴:
抽筋抽肺呀,況且,邊個把女?瘟女就有。

小佚:
點會唔記得呢?發生左太多事,唔知點開始。

Marshmallow said...

CM兄,有樣野,小女子始終都未明,點解啲家長係都要子女做尖子?平平凡凡咁長大,又有咩唔好?

以前成日諗住進修進修…以家就反而好懶…進乜鬼呀,係你既就係你既.你又有冇聽過李嘉誠話佢要進修?

佚名 said...

c.m:
點會唔記得呢?發生左太多事,唔知點開始。
-->太複習唔知點落手,其實我睇到都好亂,所以畫反幅關係圖好d @@

C.M. said...

綿綿:
>>點解啲家長係都要子女做尖子?

光榮d卦。平凡?咁主流社會都叫人不平凡播,管理都話要strive for excellence, from good to great, 可能依家d家長個個都MBA呢~ (好明顯李家誠冇MBA囉)

小佚:
嗯,咁得閑劃幅魚骨圖會好d。

Clay said...

cm兄,「小時爾爾,大未必佳」,小朋友畢竟還是應該享受更多的童真世界和無憂生活。

若虛唔排除天才,亦鼓勵資優教育。但時下所謂的尖子,恐怕更多係密集式培訓出來的。

子女唔係一盤生意,唔可以當企業管理。家長(教育程度愈高者尤甚)當子女係自己既所有,完全無任其發揮。「尖子」受萬千寵愛,於校內傲視同儕,顧盼自雄,未知天外有天。性格決定命運,大成就者,年幼未必不平凡。cm決心不以個人意志影響兒女,你兒女真有大福氣!cm兄的層次,好似日進一日!

佚名 said...

c.m:
嗯,咁得閑劃幅魚骨圖會好d。
-->辛苦晒啦^^~

C.M. said...

若虛兄:
實踐才是硬道理!不如... 你又生番個試下咧... (今日睇到有位年輕醫科生輕生,唉...)

小佚:
唔洗客氣,得閑先喇。

佚名 said...

c.m:
可能都了無期,不過最緊要有故仔睇

C.M. said...

>>可能都了無期

哈哈,知我者也。