不敢造次
近日情緒牽引著理性走，不但失誤連連，還影響著做人的態度。為免繼續失言食言胡言，唯有少說話。
翻開早前寫下的東西，已經積存60篇以上或長或短，或全或缺的筆記，實不想問何日見天。
又見坊間興致勃勃提及基督徒之正反面（例如肥醫生、小小大力、方潤等），竟我的理性趕回情緒前面。
只想簡單跟信徒們表達我的基本想法：
基督徒「三字」，不論意思如何，其概念是什麼，都「代表」著「基督」。
信徒若稱自己代表著基督，就與自己與基督的代言人等同。而這樣的代言人，跟自稱「基督的先知」沒有兩樣。也跟一個「好榜樣」等同。
我想了解的，是信徒們有多大的信心，認為代表著基督，是先知，並且確定自己是一個好榜樣。
說完，情緒又再趕上理性的前頭。（有機會再談）
23 comments:
你的問題背後似乎有很多前提、或者假設。你究竟是想了解其他人的想法，還是掩眼法，到頭來，你都會又來長篇大論一番。（我似唔似撩交打咁款呀?）
我很有信心, 基督徒不能成为人类的榜样.
有什么理据?
信者得救!
我又無你睇得咁偉大
耶穌成日話有病先會會搵佢
最好當自己係病人，其他人一係搵左其他醫生，一係未發病或者唔care
我記得留學時，campus有個牧師跟同志討論，開場白印象幾深刻
According to my faith, we are all sinners.
As a fellow sinner myself, I'm in no position to criticise who or what you are.
The only thing I know is Jesus chose you, if you allow him to.
不過之後點就唔清楚，因為身邊果個大山黑婆見我係咁望，又想叫埋我過去聽，拿拿林鬆人
榜樣呢兩個字，人人定義唔同，處理手法不一。
有人做錯事認錯，可以做榜樣；有人欺負他人唔認，仲要壓迫受害人等自己可以維持好人形象，都係以為自己做緊榜樣。
我話似返個人樣就係榜樣喇.
情緒is my enemy (the only one).
I came here everyday, just no word. Really sad these days if you read my blog.
Take care,
Love,
Holly
chika: Jesus does not chose you, we do! We are the one to make the decision.
所以小女子唔敢話自己係乜徒物徒.
無論係基督徒, 天主教徒, 佛教徒, 回教徒... 每一個教, 最初既目的, 都係導人向善. 那不如以善待人, 好過以某教之名假扮代言人, 以為係乜徒物徒就可以為所慾為, 一個告解便能解放自我既錯誤 (小女子自少在天主教學校長大, 告解也真的做過不少), 死後還能得到寬恕, 那只不過是自欺欺人.
信教, 等同於做個好榜樣, 唔係得把口, 我話信就係信, 我話做就係好榜樣. 正如小女子以前講過, 叻人, 唔係自認叻就係叻, 甚至唔係人地話我係叻就係叻:
美之為美 斯惡已 善之為善 斯不善已...
是以聖人 處無為之事 行不言之教...
為而不恃 功成而弗居夫惟弗居 是以不去
小珠：
很多前提，假設...？若果話每個問題背後都會有很多前提同埋假設，我同意。但唔明你想講邊d前提同假設。
我既「了解」（竟然打左jiaolie，我諗我唔多妥），是一個有挑戰味道既了解。
掩眼法，唔明。
長篇大論，你肯定清楚，一，我早同你講左，二，我仲有60篇，三，其中一篇可以分四五次講。
你睇落唔似撩交打，事關我完全唔明你想撩咩交黎打。
以上我講既「唔明」，我估以你性格你唔會解釋，你寧願繼續等我唔明。（拿，呢d先係撩交打）
小瓶子：
於我，信不在理性的信，不在邏輯的信。信，是關係的建立。因此，信，不在聰明與否，而在願意與否。
於我，若有人看到一另個人，而可「自發地」認為他是一個「基督徒」，那人必定是個值得留意的榜樣。
黑人哥哥：
偉大... 唔覺我講得「偉大」。若果你話我講一個「基督徒」偉大（雖則好似用值得效法黎形容「基督徒」比較好d），我認，因為我認為基督偉大。但如果你認為我講緊一個「自稱基督徒既人」偉大，咁我就唔同意。（Well，我估查實你早就明，所以，鎖你，輪到我唔明你講「偉大」係對應咩人事）
你講得好啱，所以我認為位位自稱基督徒既，都以病人視己，即「應」「質問」自己的信心有多大，才立定信心稱呼自己為基督徒。
又，你遇見果個campus牧師講得好岩。而最後果句，我會問，有誰不是祂所選？
智嘉兄，歡迎來訪，祝你新年快樂，身體健康！
我心目中既榜樣就係「值得仿效」既意思。
你講既前者，自然係榜樣。後者喎，你都話啦，係「以為自己做緊榜樣」嘛。
「似個人樣」，對於果d自然人黎講，梗係算榜樣啦。（嘿，你係咪見得果亭人多所以有感而發呀？）
Holly：
:'(
Take care too, my dear.
>CM
可能我講得串左少少，不過又諗下
診所果班病人，主診醫生行開左，跟住有其他病人入黎，佢地就話要作為主診醫生的代表、榜樣呀...一係笑死人，一係嚇親人
大家都係病人，最多咪帶佢去姑娘度登記，盡自己能力解答下問題，重點係aware 自己只不過係病人，唔係醫生，唔好代醫生斷症，亦唔好扮staff囉
綿綿：
好！
老子的善，是因著惡可見，而惡，則因善而明。老子的善惡相對。上善若水。很有味道。
黑人哥哥：
題外話：我怕咩你串喎。你係果種對住我呢亭（扮）弱質老豆唔會串得去邊既人，嘿，你米話我睇死你丫（串我丫，呵呵，不過呢，你寫果d野，抵死又開懷，令人好舒服就真）
你個比喻勁合小弟意思！
不過我亦相信，醫生係有可能提拔任何一個病人擔當醫生部分工作既，但點都好，跟醫生學藝既病人仍然要清楚，唔係所有醫生既工作自己都有能力應付，人貴自知，而非知人。
(1) 基督徒「三字」，不論意思如何，其概念是什麼，都「代表」著「基督」。"
wrong.
(2) "信徒若稱自己代表著基督，就與自己與基督的代言人等同。而這樣的代言人，跟自稱「基督的先知」沒有兩樣。也跟一個「好榜樣」等同。"
this is a proof to prove (1) is wrong.
勁鐘意黑人哥哥的比喻.
VC：
多謝你的想法，小弟會這樣理解：
(1) 基督徒 = 好孩子（where 基督=好）
(2) 「若」有孩子稱自己是好孩子... then...
基督徒="基督"的"徒";
就是知不足才要學,怎能每個徒弟都做代表;
論代表十二門徒中也只有盤石彼得一個。
VC:
我挺喜歡你的解讀。作為學徒，真的非常有意思。
學徒的徒，是正面的，是不斷的學習。若有信徒依此為記，應有所益。
希望信徒們不會以基督「徒」為名，行基督「師」之實。
請不要胡亂發表你個人對某一宗教的闡述而自以為好型,實則你唔型不特止,我覺得你好無知.
你係人,你知唔知你聽日會發生乜事?你又控唔控制到?
神造人,造世界,你,都係佢要你出生你先有机會有思想有教育有家庭有手有腳有腦,唔好妄自尊大.
有時間,讀下聖經,知D唔知D,冇資格批評
...
匿名君：
你認為神會喜歡人「批評」和「質問」祂嗎？
我相信，若我們真心質問神的所作所為，祂絕對會解答我們，若我們錯誤批評祂，祂也會提醒我。這是我的經歷。
對於神，我不敢造次，凡說明我個人信仰的，縱使我表達能力有限，我都盡力謹慎。
對於一個效法神的「基督徒」，我會很仰慕，因為他不怕受批評，也會盡力解答我。
衷心認為我的批評，會得到基督徒的理解。衷心認為我的妄自尊大，會得到基督徒的接納。
Post a Comment