Wednesday, February 25, 2009

今晚無記新聞之後...

響我三月前唔會再睇(黎緊轉睇亞記新聞)。就算今晚要忙通宵,我都忍唔住要講。

因為:

1. 我頂唔順果幾個主播既娛樂性風格;
2. 我覺得新聞表達手法偏頗;
3. 我覺得不求真;
4. ...

14 comments:

米都話唔搞咯 said...

100%同意。所以我比較鍾意睇ATV World既新聞;因為其實亞視本身中文台同英文台既取向都係唔同既。

仲有近日啲晚間新聞改晒時間,都令我好困惑。成日都唔知幾點做...

篤篤篤撐 said...

tvb news唔知點解要搞改革. 佢班ANCHOR個個都唔係輕鬆類型, 夾硬扮輕鬆, 好怪...

不過以新聞質素, TVB NEWS一直做得好D, 翻譯同剪裁都好, 唔明點解要自甘墮落

Hana said...

忙通宵?

保重吖!

C.M. said...

米搞兄:

唉,改革後既無記新聞,唔只用失望黎形容,我直頭開始覺得煩厭。以往我係睇完亞記(11:00)然後再睇無記(11:30),依家兩邊同時提早左半個鐘(即10:30 vs 11:00... ?)。

原本提前新聞對我黎講係好事,可以早d瞓,但近日因為夜歸之故,所以,只能睇到無記。

C.M. said...

篤撐兄:

中呀。真係唔知佢地因乜原因要改革,仲要向呢個方向改革。

風格唔夠嚴肅,我覺得好似睇緊娛樂版咁,都唔知真定假。

前晚講“濕疹”,原來只係“咁”。

琴晚拉埋兩位任職金融及會計既兩夫婦評財政預算案,其中一個竟然話供緊層樓係 liability,我真係想check下佢究竟係咪負資產。將供緊既asset叫做liability,我唔明究竟無記係咪想說服我地,連咁既專業人士都唔妥財爺囉。

究竟無記有冇求真精神架...

C.M. said...

冰冰:

唉,係呀。所以依家日日(係日日)開工前,都要飲番罐可樂提神。(又唔飲得咖啡...我快死勒)

Karen said...

我係替那些在晚上11時多還要出外採訪的記者可憐。

聽講由朝做到晚呀陰功!

>>風格唔夠嚴肅

咁您不如睇中央電視台新聞啦, 一定夠!

乜您唔知亞記新聞出名係中央十台嗎?

>>前晚講“濕疹”,原來只係“咁”。

Headline不同口述briefing內容, 方健儀在初頭有講係醫小孩子濕疹的新方法。

>>tvb news唔知點解要搞改革. 佢班ANCHOR個個都唔係輕鬆類型, 夾硬扮輕鬆, 好怪...
>>風格唔夠嚴肅,我覺得好似睇緊娛樂版咁,都唔知真定假。

始作俑者咪係六嬸囉!

見"畸寶"新聞咁互動, 個個主播都上鏡(不過有d就好普通喇), 加上話要搶晚間新聞收視(睇見亞記差唔多有十點收視嘛), 花仔(袁總的花名)自然要聽六嬸話啦(講番轉頭, 前幾年新聞部炒李燦榮等衣類薪高資歷高的記者/主播, 某程度上亦是六嬸主意)! 加長不得止兼搞了好多主意, 睇落內容好似幾豐富, 但係有些內容就真係要弄清楚就會好d。

我有睇吳宜婷的blog, 她有提及有時寫較次要的新聞內容稿, 未必可以在六點新聞出現, 好彩的就在普通話新聞就會見到。

睇sport又唔一定需要分析個球員點射球, 我覺得。

黃婉曼報天氣又真係幾有創意(例如講及悉尼有一排乾燥仲有山火), 只要改善番口才(間或聽到口窒), 我buy。

Karen said...

>>所以依家日日(係日日)開工前,都要飲番罐可樂提神。

早上飲可樂(尤其係又凍又係原味)就易傷腸胃(有醫生講過), 不妨轉飲美祿或熱鴛鴦少奶(記住唔好係凍飲, 早上飲凍飲對腸胃唔好o架)。

超市有賣無咖啡因的可樂, 雖然貴少少但可一試。

myblahblahblah said...

要睇夜間新聞的人大概都想聽 concise 的新聞, 現在搞到清談節目咁, 冇乜內容之餘仲要拖長黎做. 同埋呢, 方健儀小姐個樣同把聲都唔太舒服, 個人感覺咋~

余若虛 said...

做新聞既手法,個人認為亞記一向可取,只係而家立場愈來愈中央...

不過無記又唔見得好幾多囉。以往佢地對新聞跟本唔重視,所以911當亞記同畸寶都現場睇住第二架飛機隊埋去WTC個時,無記仲係度唔知做緊咩C9劇。

見亞記新聞咁好生意無記梗係想完全封殺埋佢啦。或者無記見到方向報生果報咁好生意,以為咁做新聞仲掂。都要多得支持呢啲偏頗媒體既巿民喎!

BTW,我覺得天氣報導方式反而唔錯。不過學KAREN話齋,搞輕鬆(或爆肚)之餘,唔該唔好口窒窒。

CM兄TAKE CARE,朝早飲凍可樂好傷。不如整杯熱茶。

C.M. said...

Karen:

乜你解拆得咁仔細!

先唔講其他野,作為旁觀者,我覺得你好似幾乎無條件支持無記新聞喎。你,有冇發覺到呢?

另,我係唔飲得奶類製品,所以唔飲咖啡,“被逼”飲可樂提神咋。

Blah妹:

哎也,你講曬我心想講果幾句(尤其果段個人感覺)。

若虛兄:

我都認為亞記手法可取,嗯,我會覺得係取向“靠近”中央,立場呢,我覺得大是大非時刻,亞記應該會有自己立場。(反而無記我就覺得越來越無眼睇,某程度上更比亞記更討好中央。)

多謝若虛兄關心,真係唯有飲熱茶。

獅子皇 said...

C.M. 兄,

有飛沙走奶架嘛‧‧‧唔飛沙咪走奶囉!

不過咖啡都唔係乜野好野黎架喇,所以盡量唔好飛埋沙,一日唔好多過兩杯呀!

Karen said...

>>我覺得你好似幾乎無條件支持無記新聞喎。你,有冇發覺到呢?

肯定唔係。

因為兩台不收費的新聞報導, 可以睇的都會睇(除了食lunch, 6:30pm還在公司工作和收工夜了未必會看到亞記晚間新聞, 因為在呢個時間會有人轉台), 坦白講, 我睇亞記的次數係多過無記。

論悅目度(如燈光和主播image), 無記的確係勝於亞記(您唔覺咩); 但係論新聞details, 亞記係較多和詳盡: 尤其係講中國的新聞(可能有鳳凰衛視的幫助吧), 李姑娘和譚姑娘不時去北京訪問領導人係較用心詳盡。

有些網友(按: 不是我呀)曾經話亞視係中央十台, 除了廣告來自國內的居多外, 還有係報導一些對國內敏感的話題(如鹿死和西藏)時, 一係講少d, 一係就跟國內官方形式報導(如您所講“靠近”中央)。

至於無記, 睇香港早晨其中一個環節講兩岸, 就發現到無記不論那單國內新聞係無聊與否都照播(一星期都有一兩單, details唔記得, 甚麼都有), 就幾討好中央喇(所以我去到七時四十五分又轉去亞記, 五分鐘後便返工)。

立場呢, 無記真係幾唔定。

不過, 有得揀兼有錢的話, 肯定會揀畸寶, 因為較update和多料(上東鐵日日睇, 所以有如此comment)。

C.M. said...

皇兄:
試過齋啡,亦試過走奶,嗯,都係飲水健康。

Karen:
我都鍾意畸寶新聞,但火車上睇我就暈,次次都比火車廣播打斷,幾擾人。