Work-life Balance
覆靚女：
草草數字，請包涵。
「捉摸唔到 Work-life Balance (WLB) 個 focus 其實都係咩大問題，跟其他公司點做咪算囉。從中小企角度，大公司 果d WLB programmes 或計劃，都係用黎留人、賣招牌遮。」
不過，（尤其）對於中小企就唔好咁睇啦。
若果細公司想搞咩 WLB 又唔想學大公司懶 competitive （明明講 work-life balance，梗係講自己公司個 work 啦，所以查實係唔應該比較既），我就認為一個 focus就相當緊要囉。（查實大公司 WLB policies 係最先有strategic focus呀）。
響細公司，因資料不足，我建議可以採用 Stress Care 作為 focus。循住 stress care呢個方向，我諗你應該可以考慮到邊d WLB programme 適合你地既。（嗯，你又可以考慮下搞唔搞 work-related stress，或者淨係齋搞 non-work related stress，諗諗啦）
咁既時世，細公司更加要精打細算呀。
有空再談。
11 comments:
呢個時勢, 仲有人講 work life balance? 好多公司慳錢的招數例如 flexi work arrangement, forced annual leave 甚至 no pay leave 都被包裝為 WLB 囉.
Work-life Balance (WLB)。
早於廿多年前在西方國家興起嘛!近年才吹到本港, 多用於大型機構(政府及半官方機構除外)。
WLB在中小企用得著嗎? 嗯, 若然係開支唔多之餘又唔係太影響機構運作的話, 其實係可以的: 例如六日工作變五天半長短週, 或者係有員工突然需要照顧家人(例如仔女發燒等), 可酌量批准time-off(問題係點樣補而已, 可能係搵日早返或遲走)。
Stress Care作為 focus可取, 但多是很costing, 用於SME就要留意。
>>flexi work arrangement, forced annual leave 甚至 no pay leave 都被包裝為 WLB
嘿! 呢D公司完全曲解WLB了!
*********************
講番自己, 最近發生一些事(嗯...幾唔開心), 開始重新思考到work life balance, 甚至係...打算退出這個工作圈子的問題。
WLB equation
work(返工) - life(你條命) = balance (出糧)
解釋了為何d人個個做到得返「半條人命」
Blah妹：
哈，你都啱。唔好唔記得，就算失業率去到10%，都仲有90%人返緊工架。
所以阿靚女曉得未雨綢繆（或者過分樂觀），都算OK喇（查實唔識點形容，打住火星文先）。
不過咁，你套包裝方法值得參考（雖則好似比較簡陋），呵呵。
Karen：
用得著唔著，睇你點睇咩叫WLB咯。
趁今晚仲捱得，寫多兩句比靚女先。
我成日覺得，若果WLB淨係講咩幾多日Parental Leave呀，有冇Pet insurance呀，比幾多錢做EAP呀，係咪開托兒所呀，根本好膚淺（得罪曬）。In other words，好表面囉。
若果無strategic focus既話，WLB呢，對於中小企就真係nice to have (for EE only)，但老闆著數唔多囉。（一間細公司一年有幾多個阿媽要生BB呀？）
我之所以強調stress care，其實已經係最基本架勒。不過，呢種care，就集中係老闆同高層俾。
Non-work-related stress care (e.g. family-related), 其實基本上做到有人性就得勒：例如阿女病左，比佢早d放工（反正都無心機）。
再深入d既，可以考慮得遠再少少：例如你阿女可能會病喎，送張舊棉胎比你啦。（或者係，你就快生女喎，我叫齊班同事夾錢送套育兒大百科比你啦。）
Work-related果d，計過數唔係蝕好多，甚至蝕頭賺尾（or vice-versa）既，真係可以考慮Karen講既5/5.5-day work架。不過，呢個方法未必係解決stress用。
要解決work-related stress，就當然係老闆們親自出手最好喇。但又唔好無曬stress喎，免得大家游魂。
響咁既時世，人治部喎，其實可以做d小動作，加多少少work-related stress其實無可厚非，順便整頓下班懶鬼。
不過，既然你老闆叫你安撫班下屬，又唔想太高調適得其反，其實人治部都可以試下做小動作，簡單例如多d嘻哈，少d板起面孔；多d輕鬆，少d緊張兮兮。等班對腳日日震既同事放工都可以安安樂樂放工，同屋企人講下笑，其實，先至係 WLB。
黑人：
哈哈，正。
你令我諗起另一個字：Re-lie-ability。
係用黎形容我地假惺惺既人治部既。
...Work 減左 Life，等於銀行Balance...
魔術師歌劇系列之單戀同人誌劇場版之《衝擊》經已公演。
有事請教:
1. 甚麼叫EAP?
2. >>係咪開托兒所呀
您好似講緊獅子銀行, 係咪?
在這個時勢, 不用為份工擔驚受怕, 返工不用處於惶恐的status已是萬幸(您睇獅子銀行同小小超間公司的員工樣子就略知一二)。
>>再深入d既，可以考慮得遠再少少：例如你阿女可能會病喎，送張舊棉胎比你啦。（或者係，你就快生女喎，我叫齊班同事夾錢送套育兒大百科比你啦。）
唔多似係Non-work-related stress care (e.g. family-related), 頂多係:
1. 同事同您熟D關係好D, 咪送俾您; 同您唔好關係的, 送一粒糖都嫌費事;
2. 多是同level員工自發, 好少上司甚至老闆提出;
3. 仲有, 送新野好過送舊野呀!
昨夜看經濟日報的行政人員版, 講到有間公司會set一個時間(例如晚上7:00), 上司見到其下屬這個時候未走就上前"問候"他們: 咁夜仲未走? 係咪有野click住未搞掂?...呢招除了令上司知其下屬的工作status, 亦令員工盡量準時少少放工, 做野之餘亦要平衡自己的生活, 亦是WLB表現。
>>Re-lie-ability。
係用黎形容我地假惺惺既人治部既。
係咪講您個HR部呀?
衣排工作不如意, 講住咁多先。
魔術哥哥：
你又試勾起我既...
Karen：
EAP，Employee Assistance Program。例如設立電話熱線疏解員工困擾。
托兒所，獅子銀行係其中之一。所以WLB個strategic focus，好重要。公司有幾好既托兒所都無用。（並非指獅子銀行）
＞＞同事同您熟D關係好D, 咪送俾您; 同您唔好關係的, 送一粒糖都嫌費事;
雖然唔想岔開大眾對於WLB既“理解”，正如響你講既呢個情況，我會認為WLB個stress care 目的，方向係通過改善cohesion，從而降低stresss。
＞＞多是同level員工自發, 好少上司甚至老闆提出
所以我咪覺得WLB更加需要由老闆做起囉。
＞＞送新野好過送舊野呀
哦，將价就貨嘛。
＞＞講到有間公司會set一個時間(例如晚上7:00), ．．． 亦是WLB表現
等我睇番先。若果係audit firm 響呢個海嘯期間講既呢，頂多信三成。
＞＞係咪講您個HR部呀?
唔係，只係一般大眾理解遮（我估）。
＞＞衣排工作不如意, 講住咁多先。
＞＞打算退出這個工作圈子的問題。
鎖你鎖你，唔記得左添。
你冇野嘛？
身心皆疲
有點迷失
(按:開始懷疑自己做唔o黎, 可能係但又可能唔係...若然重操HR故業, 或者未必有呢種情況發生)
間或焦慮
(按: 係關於將來直屬上司問題, 幾...)
幾乎噴血
(按: 同另一位上司做o野, 真係...)
有點抑鬱
(按: 食了藥都於事無補)
.
.
.
再咁落去, 有諗過唔續約兼申請內部轉去其他醫院或部門, 但係未找到之餘兼且要養家養自己; 轉去私人機構或其他公營機構呢? (不斷搖頭)...。
衣排仲搞到自己唔係好想寫野。
唔明或者想另行回覆的話, 下星期有個詳細版本另行奉上。
Post a Comment