13. 日誌劇場版之《衝擊》

高大男同事啖過最後一口叉燒（連）飯，嘴嚼途中問起我對於昨天新聞的看法。

「Ming, 你深為針雞蛋代言壬，dum 睇？」

終於被人戮中死穴。

「哦冇既，有咪有，冇咪冇囉...」（試圖輕描淡寫...）

「但係你不斷同d同事講話冇呢回事喎。」

「哦冇既，都係果句，響經濟角度，絕對做唔出囉。如果係真既，咪當大國崛起囉。」（想走）

「喂喂喂！若果我地真係食左假雞蛋有咩事你點擔當得起先！」

「哦冇既，你放心，一定食你唔死。食錯壞既真雞蛋例外。」（拜拜）

「嘿！連阿雪都 buy 曬你話唔洗擔心，依家唔知佢有冇食到點添假....」

（且慢，阿大舊，你不是跟我穿同一條褲子是吧 .... ）

「哦冇既，等我即刻幫你問佢！」

以逃跑的方式疾走，來到辦公室的另一邊，感覺有點新鮮。

我原來是第一次看見她戴眼鏡的側背面。要放慢腳步，才可窺見廬山真貌。

任務失敗。

從未見過平日溫柔婉約的阿雪，可以這麼決斷英明。連側面的印象也非常含糊。

「戴多一次比人地睇下喇！」

「咩呀？冇押。」

「唔好喇，戴多一 .....」

「我要走了，今個月底。」

（我好像要昏死過去 ....）

++++++++++

我將要昏死過去的時候，處心積慮的我，突然良心發現，回想應否這樣繼續下去。

一直採取的策略，是創造有利環境，穩守突擊。失去地利，時間就是最大的敵人。