Tuesday, February 10, 2009

一點一劃都不能廢去

相信不少信徒都記得馬太福音第五章,當中耶穌提到:「我實在告訴你們,就是到天地都廢去了,律法的一點一劃也不能廢去,都要成全。」

我看的所謂「律法」,就是整本聖經,而非獨獨某律法書或章節。

很多人擔心神會斟酌你一只錯,然後定你為罪人;又記起「律法的一點一劃也不能廢去」,所以不斷刻意避免做錯事,以免觸犯律法。但又同時希望單單聽到你說我信、我悔改,神就一定「認得」你。

你又或許會覺得:「做錯事絕對免不了,但既有嚴謹的律法,所以很有可能是神要試煉我們,或要我們無法達到祂的要求,好讓我們謙卑...」

**********

不如問問自己,你認為神看你的過犯與功德,會片面地看,還是拿你「整個人」來看?祂看人,會比閻王、判官公平嗎?

若然你相信神會整全看人,那人又應該如何看聖經?於我,若然「一點一劃都不能廢去」,那聖經就應該整全看待,整個聖經才是真理,而非一章一節就是真理。你們每句分析,逐句解拆著每金句的時候,有否看到很可能正把聖經其餘的部分廢去?

**********

舉例如同性戀議題,想清楚,何以會認為同性戀是罪?是因為所多瑪的故事?究竟所多瑪的故事,從上帝與亞伯拉罕討價還價,天使入城,羅得獻女,然後全家逃亡,到火從天降,羅得妻變鹽柱,是否就表明這次天譴和烈怒的緣由,就是因為同性戀或同性性行為?罪,是否因「行為」?若不是,是否因為「戀」?會否因為「心」?

還是因為其他「心之過犯」... 甚至「毫無節制的貪婪」?

上帝要到那個極點,才會焚毀整個所多瑪?而有幾多個像所多瑪的城又仍存活下來?與存活的城對比,所多瑪與這些城的分別是否就是真正反映上帝的決定?

**********

對於在本質上的所謂「基要派」(fundamentalist),或只把聖經章節搬字過紙視為神最確切要求的人,奇怪我的感覺竟然是,何以跟部分商界的想法這麼類似?雙方都認為任何 performance criteria 都可以quantified, benchmarked, 甚至作為 performance 的唯一判斷。作為僱員的你,會認為如何才能公平?

人若不比神公平,那若你信神整全地看待人,那你又能否整全地看待人?

**********

戰爭意識出現了,就拿舊約來秉持公義,平盛意識主導了,就拿新約來高舉仁愛。

信徒們可曾待聖經如一個整體?

20 comments:

Yun said...

dear CM:
謝謝你。看了很感動。

(為什麼就不能有多點人明白這些哩?!)

S.

Chika said...

CM,

不妨睇睇呢篇...
http://hk.news.yahoo.com/article/090210/4/am7t.html

個作者同我都係當年有份幫明記開山的寫手(如果去明記個文章庫都仲有文,但係早期我地其實有D文幾癲覆的,後來點解搞成而家咁,又係另一D原因),如今我地都倒戈了。

領袖講野唔一定要照單全收的。

當大家太緊張自己最後去唔去到天堂時,又或者能唔能夠響天上同地上個天堂霸返張櫈仔坐時,好多野會變得好唔理性,甚至係好唔人性。

當你能夠去到「無懼」時,就能夠豁出去。(我成日都話,我唔去火星喇,地球係好危險,但係果度我有事要辦,隻太空船唔載我,我都無所謂。)

C.M. said...

Dear 雲妹:

謝謝你。希望我不是一廂情願吧。

C.M. said...

智嘉兄:

失敬失敬。

雖然我看了至少兩遍才明白你的友人所言何事,但無可否認他的想法也真有可能實現 - 倘若中間沒有加入其他變數。

現在的變數是,原先對抗團體(不是單方,而是雙方)的內部也出現意見分裂的情況。讓議題由外而內降溫。我想你的友人可以從此再了解。

不過就著這個「內部」情況,尤其你示下的那句:「領袖講野唔一定要照單全收的」,你忽然讓我醒覺,應該要叫社區/教會領袖,看看《蜘蛛俠》。

查實天堂響邊呢?你令我先想起「迦南地」。

(Well,地球咁危險你都唔驚,福也)

chika said...

蜘蛛俠??? 唔係蝙蝠俠咩? 唔通你想講啊William Dafoe果個角色?

反而the dark knight仲印象深刻緊...

C.M. said...

唩,蜘蛛俠個道理夠清楚明白直截了當,適合搬字過紙人士嘛:

With great power comes great responsibility.

雖然蝙蝠俠寓意可能仲深(遠)d,但對於某d領袖似乎... (你話係咪先。)

HollyCow said...

天堂是種心態!

chika said...

我諗得太黑暗添 :D

天堂響邊? 總之唔係響教會。另一方面,我亦已經唔諗呢個問題好耐。好多人諗呢個問題諗起發神經,結果就係為左爭果張車票 (又或者楂左響手成日驚有人搶左佢或者唔見左或者想坐豪華位),搞到變晒態。

不如咁話,天堂好似你頭頂上的太陽,你見到就見到,問題係,日日都響度,你就唔多覺自己原來已經響果度。

chika said...

re: 車票 - 我係諗起銀河鐵道999的,有無數次星野鐵郎都諗究竟換個左機械身體係咪就解決左所有問題呢...

C.M. said...

Holly:

不錯,天堂的確可以是一種心態。


智嘉兄:

哈,你果種叫深度。 :)

天堂呢個concept對於凡人真係幾煩人。不過真,既然點諗都唔會有結果/無幫助,抛諸腦後其實也是應該。

你天堂個physical form,都幾得意,又可能會錯意,原來周不時響頭頂果個,係月亮遮。(搵日等小弟呻下自己天堂個concept係點先。)

Re: 銀河鐵道999 vs 車票,好深...。

p.e.t.e.r. said...

fook

chika said...

喂我好草根咋,咪話我深奧至得架...

衰格少少講,如果所有返教會的人都可以去火星,咁我就情願留響地球;或者話,留響地球會無咁勞氣 XD

C.M. said...

p.e.t.e.r.:

福?Yes, I think.

智嘉兄:

大隱隱於市嘛 =p

你講個「如果所有」,我會覺得改為「如果話所有」好似比較好。

seikomatic said...

CM雖然大家對宗教有不同的睇法,而不同宗教有自已的建基。但唔代表唔可以講下。


做錯事絕對免不了,但既有嚴謹的律法,所以很有可能是神要試煉我們,或要我們無法達到祂的要求,好讓我們謙卑...

電視見到個博士傳道人話 Why God shut the door?

因為:
1. 神有大能,知道咱們不知的,所以為左保護咱們就 shut the door。
2. 神有考驗咱們的信心。尤其系對神既信心。所以就 shut the door。
3. 神比咱們自由意志,但愛咱們,所以又要出手照顧咱們,唔好墮落火坑。所以就 shut the door。
4. 所以shut the door就是神的安排。

耶教的前題系要有個神,不可懷疑。成日聽到神系度考驗咱們,神會審判咱們,神會佢既意旨,甚至好溫暖的神一直看顧住大地兒女。

但俺覺得呢d系咪教徒自已一廂(雙)情願的想象呢?如果將【神】換成父母師長都通架,咁典解用個神字就聖潔咁多呢?

例句:父母Shut the door唔比你出夜街,因為他們知道外邊誘惑很多,容易令人墮落。

seikomatic said...

PS天堂根本唔可以系一種心態,因為咁樣,神只一個名字。神就系神,人就系人。

如果你同教友話死完投胎番地星,不過叫天堂,果種叫佛教。

人唔可以同神互換,天堂同地星都唔可以。即世間即涅盤系佛教。

C.M. said...

精工:

當然歡迎喇(真心歡迎)!

「做錯事絕對免不了...好讓我們謙卑...」呢段前面我漏左,剛剛見你提起我補返,呢段意思並非完全等於小弟想法。

至於係咪一廂情願,我諗,其實唔洗多諗。

我個人心中的「信」,不是「理性」的信,而是建立「關係」的信。

C.M. said...

精工,

在我理性的層面(不知道自己心底是不是),其實我很珍惜此刻此情此景,我會是之為天堂,一個我享受的地方,因為,我還有機會付出。

有機會付出,是一種福分。

Anonymous said...

嗯,我覺得,信仰是要經歷的。

我曾經都用過一個睇故事書既心態,去睇聖經,去了解信仰。但其實,所讀既每一句,都係發生咗實實在在既歷史同事實。

若果當初,神冇看顧我,我可能已經唔係度。

精工講得啱,我地係人,唔係神。

冇佢既大能,都冇佢既聖潔。所以,有聖經 -神既話語,作為明燈。

每個人,都會軟弱。

聖經的每句話,都係恩典。

尤其當我面對生活兩難同沮喪果陣,聖靈就會提醒。

聖經重要,但更重要,係眼目要定睛係神身上。

Anonymous said...

http://www.youtube.com/watch?v=XnuAyFCZjdA

有時間,請你看一下。

一個冇手冇腳既人,唔係憑死既一兩句聖經金句重燃生命目標,而係,對永恒主宰既一份相信。

C.M. said...

匿名君:

信仰絕對是要經歷的。我絕對同意。

而我,若果當初神沒有眷顧我,我早已不堪為人。

精工說人是人,神是神,我絕對同意。我亦無表示人是神。

你往下再說的,我亦完全同意。

弟兄,謝謝你。請你不要替我擔心。

而Nick,但願世人可以分享到他的福分、喜悅和信心。