雜談兼論 (4) - 改好定唔改好
... 鬼知咩。
（查實係繼續上篇堆野，加上個草稿爆曬，要清下腸胃。）
政治改革喎，想改既就話改好，唔想改既就話唔改好架喇。（唏，唔好咁快話廢話先啦）
先講下四元對弈：
簡而言之，「正」「反」裏面亦自有對立面。
「正」「反」在於理念、價值觀、長遠目標、整體利益。（a.k.a. 外正反）
「內裏對立」在於執行、細節、短線策略、個人利益。（a.k.a. 內正反）
在無數二元分析中，經常遺忘正反組織內的正反勢力，以為組織不是正就是反，實質上，組織內亦有正反力量角力。
lz 所提到的 df (dark force)，正正就是四元中的其中一元：該組織內部的一股破壞性勢力（假定以dark為破壞性）。
各位 EQ 高既朋友，睇左同忍受左我咁耐，都應該睇到我講左好多好多「四元對弈」。呢種所謂「四元對弈」，亦係小弟我判斷 interactions 同 change 時候既思維方式。（Wella, 若果呢度係報紙專欄既話，係，我係扼緊搞費。）
再回顧 Black Swan。
OK，我唔係再批評 Black Swan，我只係想話 Black Swan 唔係一個突發 Event，而應該詮釋為「突然出現一個人物」，呢個人物，九成九係一個 Great Leader。
要改 course of history （如果世界上真係有 path 既話），Event 根本改唔到，改倒既，只會係人。因為「人」先至可以產生主導性，帶來改變。唔講 example，因為隨手可得。
再再睇下 Leader。
似乎唔多香港人直言「香港需要領袖」，曾經袋巾選舉特首時講過，雖然你我未必肯認，但係咪真係認為香港（甚至「自己」）「唔」需要領袖？
能夠講得出話「唔」需要既，好有可能係因為佢自己（尤指政界中人，呢呢呢，大把人喇）想做，又或者因為佢唔想改變。（唔想變，查實可能比想變既人仲「正常」）況且，香港人自己做慣 leader，想信任一個 leader。難。
點解講 leader？因為我直認香港需要 leader。點解需要 leader？因為我需要改變。點解需要改變？因為我，悶極。既然我心目中既 leader 仲未出現，不如自己... 上。
（以上係我既參選政綱，抄自《模仿奧巴馬的心理》一書，書名待確認，未出，作者C.M.）
6 comments:
因為我，悶極
>>>大擰樂, 身痕先兆 !!!
靜極思動，人之常情也。（出年就七年勒！）
小心七年之癢ar, kakakaka
四元對弈?
cm hing, interesting, can u let me know which few passages in this blog sea talked about it?
C.M. and AK,
BTW, I have done some copy and paste + minor-editing, how do you two like this?
我要強調，leaders 是自行出現的產物，不是普選才誕生的。
Barrack Obama在大學時候已經是 leader，獲選為總統是因為他是一個「足夠」出色的 leader
不一定通過普選才能選出 leader 的話。
普選是一個讓 "PROVEN" leader 能夠充分發揮，並獲得法律任命的一個途徑，而非倒轉：先獲得任命，然後取得認受性嗎？
我肯定，我們是需要認受性在先，然後通過普選給他權力和責任。
Leader永遠在先，因為他比任何人一馬當先，比任何人更有魄力，比任何人更承擔，比任何人更能察覺世間變化，比任何人更光亮... 也因此我們才給他權力和責任出來當我們的領袖。
在下相信leader，但我亦相信制度，leader是會有所更替，制度則具備了自我完善及發展的可能性...通過制度完善化，從而制約leader的行為，使無論任何人立身於一個leader的位置，權力都受到一定的制約，避免犯下嚴重的錯誤...
一個倚靠leader的社會，如中國大陸，領導能力高，則社會太平，領導能力低，則社會出亂子...相對來說，一個倚靠制度的社會，如美國，無論是民主黨或共和黨上台，也不會出現大型的社會動盪...
for fun, hope you don't mind.
篤撐兄：
謹慎謹慎。係呢，咁你又點樣渡過既呢？而且七年又七年喎就快（我估）。
匿：
嘩，一次過咁多匿，搞到我出現少許cognitive dissonance既徵狀。
嗯，我試試睇下列幾個相關post，記憶所及，大部分跟小女有關。「四元對弈」係我下一步要整理既，但點apply，就要再下一步咯。
＞＞some copy and paste + minor-editing
I like that very very much. Really fits into what I have been seeing for.
匿=Nic :0)
Post a Comment