Monday, June 06, 2011

當年今日、果日、明日

當年今日

- 盟軍登陸諾曼第,代字Overlord。

- 香港政府指令海外信託銀行暫停營業

- 世紀烹騾宴

當年果日

- 鹿死

- 病

當年明日

果日咩日大家都知,但我真係唔想果日變左一個值得忌諱既日子。遮咁,我唔係話高官要正字正確,或者希望市民大眾因為咁咁咁原因覺得唔需要提唔好提,亦唔係高呼要日日穿著裝戴都鹿死上身。Well,我都係一年講一次遮。我只想講世事唔係mutually exclusive 囉。

鄙人唔係果種覺得你唔認鹿死就係罪人,你高舉鹿死就係清白既阿叔。我唔係。你提又點,唔提又點,響果日去左維園又點,唔去又點,都唔代表你響你既神面前、或者你親戚朋友面前、或者你政敵黨友面前,確切係一個「點」既人。What you are 唔係因為你一兩次表態就證明倒。反而,自己平時係一個點既人,到呢個時刻先至高呼自己對呢件事同自己有幾切身,更可以令自己睇清楚自己有幾虛偽。

我唔係pointing fingers,亦唔係責難或者擁戴對於果日有幾關注或者有幾厭惡既人,而係存在響天地間「最多 mutually exclusive既野」,唔係物理學上面、唔係邏輯學上面、更加唔係哲學上面,反而係「人既選擇性」,而唔係「絕對性」。

奉行mutually exclusive 政策,排外,排他,否定人其他既優點、認為對方作出左致命既錯誤選擇... 都係自己既選擇。不過,如果你越肯定自己既選擇正確,就代表你認為呢個世界其他人已經做出一個錯誤選擇。假如你講緊政治,咁諗固之然無可厚非,亦理所當然。但如果你唔係講緊政治,而係你真心信奉兩者必有抵觸呢個哲學,咁你,就已經將果種內容,成為信仰一部分,縱使信仰係咪應該或者應該點樣包含呢部分內容,並唔係一句 mutually inclusive 就可以另兩者合二為一。

果日咩事,唔應該簡單用黎分辨敵我,或推心置腹、或水火不容。人地點睇呢件事,點對待呢件事,只可以獲知呢個人微小既一部分,以呢件事為自己做擋箭牌戴光環既人,隨時更容易讓人作出錯誤既選擇。

正如鄙人某日既自白,呢個見習高管越靚女,我就會越提防。

Be water, my friend.

8 comments:

Terence Yun said...

我可以比個like你嗎?也是我的選擇。

C.M. said...

嘩,之但我寫到吃裏扒外甘播。。。受寵若驚 @_@

Anonymous said...

我以前好討厭相對主義。近年,人老左,或見得太多討厭既人,所以個立場變做,唔係好過份既話,我會有自己既信仰,但我會嘗試去明白你為咩信第二樣囉。

~goethe

C.M. said...

靚仔:

我從少就一路都好相對主義,尤其對於眼見既野。反而對於眼見唔到既野,就比較絕對。雖則呢個絕對,可能係一個欠缺信心既絕對。

你就講左我心中一句:我會嘗試去明白你為咩信第二樣囉

咁當然你都知我呢篇位朋友點(又當然唔係pakkin喇),都係果句:長路漫漫,我會睇得好遠好遠。

christina said...

hows sex life recently?

C.M. said...

情歸何處?

seikomatic said...

細路大個唔影相拿?

C.M. said...

當然有影喇,之但未得閑download再upload囉。剛剛琴晚睇番某d舊post,見到你上次PS左既story,再次笑到麓地。=)

呃又,你yahoo好難login呀,響你度留comment真係一d都唔輕鬆。