Sunday, February 11, 2007

兔子和狼 (2c) - Sine Waves


以下故事為兔子和狼(1)中的一組 Sine Waves 的 Fast Forward 版

************************
Day 1:好多野搞,狼和兔一齊開夜

兔:“err...老細,今日阿媽生日,夜D要同佢食飯,九點正走冇問題嗎?”
狼:“唔理你幾點走丫,總之同我死掂佢!”
兔:“哦...”(痴孖筋。即刻鬆人!)

Day End:狼11:00收工;兔07:00收工
************************
Day 2:都係好多野搞,狼雖然有d興,但怕兔唔陪佢開夜。

狼:(好聲氣)“今晚你得閑d可...”
兔:(大大聲)“唔好意思,今晚我阿媽入左醫院,你唔會阻我睇佢可...”
狼:“唔會...你去(...死)啦。”

Day End:狼12:00收工;兔06:00準時收工
************************
Day 3:又係好多野搞,但狼今次驚兔玩野。

狼:(頂住道氣)“前日唔好意思,你知咁多野做,個人都燥多左d...sorry。”
兔:(講緊大話)“咁又唔洗,前兩日真係有事,不過今晚應該ok既...但我都要早d番屋企煲粥比阿媽。”

Day End:狼10:30收工;兔07:30收工
************************
Day 4:始終係好多野搞,狼見兔琴日既反應好似好D,於是打蛇隨棍上。

狼:(都有d假)“呢幾日唔該曬,冇你係度真係搞唔掂。”
兔:(雖然都覺得假)“唔係既,分內事遮”
狼:“今晚我就請你食飯慰勞你啦!”

Day End:狼請食完鮑參翅肚,誠意邀請兔一齊捱夜。狼09:00收工;兔09:00收工
************************
如是者反反覆覆,有時狼會做夜d,又有時兔會做夜d,但係兩人平均收工時間都會係09:00上下徘徊。經過數星期記錄,狼和兔子的下班時間(或加班時間)便可用一組 sine wave 呈現出來。

2 comments:

Gideon said...

嘻嘻我曾經遇著 D 變態老闆,都會成日係咁。初入職時可能會聽話 D,同你博。過一段日子人工冇加冇 bonus ,就會日日都好似 day 1 咁。哦完就即刻鬆人!炒我都係咁話。

C.M. said...

鐵鎚兄:

查實小弟知你用意既 ^^。不過謝謝,謝謝!

又,若果比呢組 Sine Waves 危樓姐姐睇,佢會唔會睇得出乜野叫做Phase Shift 呢?

坦白說,多數老闆都對小弟好好,但係小弟覺得佢地變態,唔知點解...