化妝舞會
很久沒有去 Clubbing 了。
什麼 Lan Kwai Fong, SOHO, Knutsford ... 全部都未去過, 頂多落過 J.J.'s ...
****************
單人匹馬，當然係去茶餐廳啦，唔通話比人聽得一丁友去咁淒涼咩。
與夢中情人，梗係去酒店... 既高級餐廳把酒言歡啦，酒醉之後... 咪夢醒囉。
一家大細，自然係當勞家樂快活啦，貪佢地選擇夠多，質素穩定嘛... （...邊個掟番茄！）
****************有時我覺得我呢亭人，真係超級悶蛋。
化妝舞會，都係第一次。時間：黎緊星期六晚。
點算呢？真係有d“劣”... 死啦，會唔會比人者揭起我虛假既面具，見到我醜惡既真身架 ...
What should I do... ?
不如咁，先露一露面，先比個茂利樣人地認一認，佔領佢既三線陣地，咁咪可以先下手為強囉！
拿，你話係咪成個餅印咁呀。（Da Da 心諗：唔好挨咁埋呀下 ...）
我再照一照鏡，發現依家既自己，嬌小玲瓏、頭髮蓬鬆、破舊波鞋、不修篇幅、口不擇言、慌不擇路、面目可憎。對住塊鏡左望望右望望，都諗唔到任何好辦法... 唔通真係要整容...？
問問Da Da：
cha cha, da da na da cha, ma cha cha cha da ga ga... aiya!
（翻譯：唓，老豆你點執，咪又係一篤牛屎... 哎吖！）
40 comments:
CM哥哥:
Dada大過左好多呀!今日坐公車返屋企時見到個好靚又鬼鬼地既BB女,著住粉紅裙仔,非常好奇活潑友善。咁我就撩佢同佢笑啦,佢真係同我笑返呀,仲係一個好歡顏好靚既笑容添呀!
跟住啦,佢走既時我又同佢拜拜啦,佢又真係同我拜拜返喎,搞到我本來煩煩地都開心返曬。
丫,有Dada張相,真係化左妝都認得你啦。
cm兄,
Da Da好可愛呀!
咁又, 化妝舞會決定咗咩造型呢?
不如我又諗吓...嘻!
講悶旦呢家野，我諗我同你有得揮啦。唉…
話時話，諗掂化咩裝味？
你個女，大個實溝死仔啦，你做老豆要睇緊d添呀，家陣d小朋友，好鬼猴擒…
車，若果真係牛屎咁既樣，我教你，乜妝都唔駛化，入場，我仲包啲女會車住你轉，然後篤住你塊面：「哈哈，好得意呀，點整架？？」
鐵鎚你講得好 cute 呀。：D
C.M.兄，
嘩...C.M.兄...令千金真係越大越正喎...CK兄講得好，你都係要睇緊d...依家d仔好死狼架...唔好等DaDa俾佢地擔左去先後悔呀...
化粧舞會依d場合...一切隨心就得啦...唔化粧，素顏...一樣OK...
ak 兄....乜你用個「正」字黎形容架.... dada 仲咁細，會唔會諗多左呢？
不過 Dada 咁得意，若果我喺街見倒佢，我都會忍唔住講句：「Dada﹗等哥哥抱抱﹗」
咁令千金會唔會跟埋你去化粧舞會呢？
DaDa長大了, 果然好可愛。
不過CM, 您亦無須話自己"頭髮蓬鬆、破舊波鞋、不修篇幅、口不擇言、慌不擇路、面目可憎", 事實上, 您話您好差咩, 差過您的人十里之內可見。而且, 相隨心變, 只要平時多點行善, 樣子會變得祥和一點(不如您私下send您張相俾我, 我又私下send我的相俾您, 睇下大家係咪咁差先)。
講番轉頭, DaDa似CM都好o既, 又或者咁講, CM其實樣子不算差。
關於化粧舞會, 我有提議:
1.CM不如做Batman(可以遮樣, 若然係"見光死");
2.DaDa同Moon做公主呢!
CM兄:
小9來遲, 琴晚又突然通頂, 今朝又一早撲返公司, 點知比老細笑"咁早返黎?", 哎呀……
要化妝? 唔係馬? 我思故我在, 我既真身現狀係咁就咁, 唔岩睇或out-expect都冇辦法, 因為我…就係我!
再講, "頭髮蓬鬆、破舊波鞋、不修篇幅、口不擇言、慌不擇路、面目可憎。"
小9都係咁喎! 唔洗劣!一齊一齊!
香水妹妹：
我日日都化妝架，所以諗住試下聽日唔化妝，睇下d人認唔認得我...
肥龍兄：
琴日我經過南區，見到有個阿許仕仁既面具，唔知我瘦盲盲扮佢似唔似呢？（記得提我買番個筲箕...）
CK兄：
嗚嗚... 你千祁唔好令小弟傷心呀CK... 我好淒涼架... 悶蛋呢家野，唔好同小弟爭啦，嗚嗚...
諗諗下，扮肥龍都係唔好，太瘦“撐唔起”，聽你話，我聽日扮隻Kinder出奇蛋！
（Da Da係咪好得意呢...hehe，咁你有咩打算呢...kiki）唔記得話你知，小弟諗住呢世都唔比個女識男仔，一了百了。
鐵鎚兄：
（真係想講：你呢pat牛屎丫！）
哼，查實你講得好啱架，以前d女仔真係成日圍住我呢舊牛屎架，仲好似小吉咁舔添... （你米羡慕呀）
仲有，你呢pat，唔該，可以睇，唔可以抱。
小珠：
你唔好學壞曬啦...
AK兄：
聽日... 唔係leai，真係好驚呀，我d腎上腺素谷得好“行”呀... 同埋... 想話你知，就係d腎上腺素令我得到一個叫“飛機仔”既外號...
（BTW，我知道女仔唔可以唔識飲，請問有咩入門酒可以介紹下呢？）
Justin仔：
梗係唔會啦，聽日舞會又有豬朋（查實係貓朋）又有狗友，帶Da Da去就一定比佢地溶左...
Karen：
>>差過您的人十里之內可見
現實係十里之內，小弟最為突出...
>>平時多點行善
哎呀，小弟周不時Fire and Forget，都應該行唔到咩善囉。
>>CM其實樣子不算差
呢，我個樣咪就係呢度囉...（希望聽日d人認我唔出啦，丫，查實扮Batman都好，或者聽日戴番副超先去clubbing）
Da Da同Moon聽日都各司其職，一個餵，一個食，唔得閑去。
On 兄：
嘩，你搞咩搞咁晏呀。（咁又係，d高層一向都日出而作，日出而息）
坦白講，就算唔化妝，都要做番次facial架勒！（蝦，唔知去菲菲度有冇discount呢？）
>>都係咁喎! 唔洗劣!
連你都係咁？米當我細路仔唔食生菜喎。我個人唔比人呃得個播，人地呃我我會喊個播...
嘿嘿嘿明天呢
危樓妹妹：
你千祁唔好好似依家咁樣呀...
c.m.兄,
筲箕? 放前面定後面先? 另外個面具你喺邊度見到? 莫非上次接樂樂與盈盈留低咗喺海洋公園?
另外, 綜合黎睇, 似乎無招勝有招喎...(不過鐵鎚兄嗰個建議...有得諗喎!)^^
CM兄:
小9 send左自己張相比你...小心!
肥龍兄：
個筲箕梗係放前面喇（不過可能買多一個細既放後面...）。至於個面具，hehe，係我經過你屋企樓下見到既...仲有個人戴緊行落街...
（哈！呢度又多一pat牛屎，不如整個牛屎三人組夾下Band丫！）
On兄：
你“累”到我依家d腎上腺素超曬標... 聽日... 事在人為喇... （kiki，有得賴）
我一條友時都好悶嫁, 可以在家中睇書睇成日
豺狼出賣自己個女乎?
c.m.兄,
你見到果嗰個(或)"許是人"咧.^^
唔理咁多, 夾咗先. 咁, 要唔要搵個農場草地襯番過牛屎feel?
又, 星期六囉喎, 決定好未呢? ^0^
馬老板：
歡迎歡迎！歡迎歡迎！（手執紅旗，頸圍紅巾）
查實小弟不知幾羡慕你，可以有d個人空間。依家？小弟要一生奉獻永不止息呀陰功... （而且，一個Decanter足足一個月學費呀，有人會牙痛咁聲呀...）
鶴兄：
小豺狼雖自號燈神，但骨子裏查實絕對係超班價值投資者。依家係時候做下宣傳，做下Market Education （我係唔會用consumer黎形容既），十七年後善價而...
（喂喂，你咪出賣前出賣後咁難聽喎，我都係為佢好咋！）
肥龍兄：
哈哈，或許是！或許是！
農場feel又得，大嶼山feel又得，最緊要夠...多！（同夠臭！）
今晚...，或者用真身... 嚇佢地一跳！（我驚夜媽媽戴黑超會福佳）
超! 又話諗住呢世都唔比個女識男仔!!!
下？有講過咩？（弊，中計！）
希... 我諗住栽培個女做特區名人之嘛，你諗左去邊呀...
（鶴兄，你d火，燒埋呢度，燒得好旺呀。）
哥哥：
我超鍾意你個豆沙餡月餅，就嚟中秋，你記得留返個畀我，要個四王吖，我鍾意食王。
惡妹：
四個黃！唔係馬... 咁d豆沙咪“必”曬出黎？好啦，就送你一個豆沙皮四黃月餅喇。
化妝舞會好玩嗎？結果CM兄你扮乜野？
CM哥哥:
化妝舞會雖然驚驚，但係都幾好玩呀！
棉花妹妹：
小牛屎戴了一副黑框透明超，身穿白色長袍，揹麻包袋，飾演牛屎收買佬。
香水妹妹：
猶有餘悸呀... 今日瞓到差唔多四點先起身...
查實我呢pat牛屎，係咪好貼切呢（我一直都無講大話架。）
Post a Comment