Wednesday, March 05, 2008

再(搵)笨亦是朋友

量子他有幾個真「夠」朋友。幾乎同時間,好友 MSN 說不想當那人是敵人,再見亦是朋友。

周不時,錢同朋友,好似難兄難弟咁,有錢,有朋友;無錢,就無朋友。

若果要點算一下果班問我「借」過錢而至今未還既人,大概有五六個。

- 可唔可以幫我頂埋今次?
- 呢餐我請!
- 我呢排無工開呀。
- 你知我環境架喇。
- 今個月我d錢比哂銀行勒...
- 我呢兩日淨係食過乜乜物物。
- 我d 數未返,今個月底還比你,你放心!

嘿,我實放心格。你地筆數,我比你地既時候,就即刻 write off 左啦。

諗番轉頭,佢地好似從來未講過個「借」字。原來佢地都唔係問我借!真係同我講過個「借」字既,大概都比番「多少」我,唔洗等我褲穿窿。曾經有個主動寫左張所謂借據比我,但我諗佢已經唔見左我十幾年都未換過既電話號碼,有心都還唔到。

況且,我唔鍾意借錢比人,因為我鍾意比人搵笨 --- 借就免問,你地有用就攞住先啦(若果我方便既話)。

我唔係同人做生意、亦唔係要買人怕、或者同情心汎濫、甚至怕拒絕人地要求,我只係比人有餘咁遮。雖然,有d人係貪得無厭,都知道佢一世都唔會塞番舊錢比我架勒,不過,我唔係山窮水盡,等錢開飯,亦唔係怕煩怕開口,而係,若你係好仔,自然唔會浪費我時間,就算天涯海角都會搵到我,若你不過以搵笨為生,我d時間肯定比你寶貴。朋友開唔開竅,要睇天。

有人話我似「差不多先生」,「BL7 喇你」,「攞番d錢比個教訓佢又好,等自己生活得好過d又好,果d始終係自己錢黎加嘛!」

哦。

查實邊個唔係掙人地一屁股子債,呢世都還唔完丫。有邊度唔係你欠我,就係我欠你架。

無論邊個問過我攞錢,就算未帶協番過我都好,都可以係我朋友。因為,我睇既,唔係基於你爭我幾多,或幾耐未比我,黎決定係唔係我朋友。決定你係咪我朋友既,係「我」,亦只係「我」,唔係我d錢

當然我唔會同你講,攞左幾多錢黎換呢種人生歷練,因為若比你知道左,呢個世上或者又會多一個突然需要周轉既人。(小妹,錢無左,咪搵過囉,有咩大不了嘖...... 男人係咁衰。)

朋友,願你仍然掌握自己。(所以呢,我到依家仲係咁兜踎,繼續比人話抵 L 死)。

18 comments:

dog o said...

嘩! 大佬, 你整篇咁既野,我會睇唔過眼播!除了熊抱你一野之外, 一定要請你食飯! 冇得傾, 食咩你話啦!

>>你地筆數,我比你地既時候,就即刻 write off 左啦。>>
Same to me! Being a bonus/surprise if get repaid eventually!

>>BL7? DLS?
呢樣野, 你未係我個皮! (居然有條友仔同你鬥B7, 咁你話佢係咪B7/DS過你?)


>>攞番d錢比個教訓佢又好?
教訓唔洗勞煩大佬你了! 我地上面位大大佬自會做野了!

>>等自己生活得好過d又好?
咁生活水準, 金錢只係度到一部分而已! 大佬你已是富裕了!(唔好小住! 都話食飯啊!)

南區肥龍 said...

係! 收到哂!

果然....呀! (你話咩就咩啦~)

我都係果句:「我其實無咩所謂架!」

Karen (Sze) said...

決定你係咪我朋友既,係「我」,亦只係「我」,唔係我d錢。

係o架, CM是否當Karen係咪朋友(或vise versa), 一定不是取決於錢(咁, 呢件事要放上枱講啦: 您同肥龍何時有時間和我食飯?!)。

但朋友問我借了錢唔還, 是否還是朋友----總計200元以下的, 仍然係; 大於此數的話, 我會在朋友名單中剔除。

無錯, 我都有絕情的一面。

南區肥龍 said...

兩位...麻煩check email....

:p

量子战士 said...

cm,

谢谢你在我那边的留言。但我还是想再澄清一次,我的cases,和钱没有关系。主要是理解的分歧和互相尊重的问题。为什么我会提到钱,是因为那个case中可以令到我在受辱后,理直气壮写下文章,而不觉得理亏。但之前的闹翻和钱是没有关系的,我根本不会在乎那些钱的。我生怕你误会了这一点,所以一直澄清。

Morca said...

有CM 呢啲真心朋友,真好!

Marshmallow said...

Hmm...關連錢銀,都係唔係咁好。真係朋友既,大家根本唔會講錢;講錢既,根本唔會係朋友。講錢失感情,我根本無預過你借錢俾我、我又無預過借錢俾你,大家做個實實在在既酒肉朋友,好似比較好d喎。

dog o said...

想起這歌...
******

朋友我当你一秒朋友
朋友我当你一世朋友
奇怪过去再不堪回首
怀缅时时其实还有
朋友你试过将我营救
朋友你试过把我批斗
无法再与你交心联手
毕竟难得有过最佳损友
从前共你促膝把酒
倾通宵都不够
我有痛快过你有没有
很多东西今生只可给你
保守至到永久
别人如何明白透
实实在在踏入过我宇宙
即使相处到有个裂口
命运决定了以后再没法聚头
但说过去却那样厚
问我有没有确实也没有
一直躲避的藉口非什么大仇
为何旧知己在最后
变不到老友
不知你是我敌友已没法望透
被推着走跟着生活流
来年陌生的
是昨日最亲的某某
生死之交当天不知罕有
到你变节了至觉未够
多想一天彼此都不追究
相邀再次喝酒
待葡萄成熟透
但是命运入面每个邂逅
一起走到了某个路口
是敌与是友各自也没有自由
位置变了各有队友
早知解散后各自有际遇作导游
奇就奇在接受了各自有路走
却没人像你让我眼泪背着流
严重似情侣讲分手
有没有确实也没有
一直躲避的藉口非什么大仇
为何旧知己在最后变不到老友
不知你又有没有挂念这旧友
或者自己早就想通透
来年陌生的是昨日最亲的某某
总好于那日我没有
没有遇过某某


最佳损友 - 陈奕迅

C.M. said...

On兄:

乜鬼嗌得咁大聲呀?到時我問你借錢你就知死!

>>Bonus and surprise

哈,同道同道。人生真係充滿驚喜!

>>你未係我個皮!

你條友丫,仲同我爭!我係錢唔夠你多遮,但我肯定 B7過你。

>>做野...

所以我蹺埋雙手等飯開,而且,我知道大大老闆好寬容,會明白。

>>富裕...

係咩?唔覺既?幾時食飯呀?電聯。

C.M. said...

肥龍兄:

電郵回覆你們了。鎖你鎖你!

>>我都係果句:「我其實無咩所謂架!」

係咪男人都係咁既呢?女士們會點諗呢?

Karen:

你呢d唔係絕情,只係有原則遮。唔係問題既。

C.M. said...

量子兄:

既然你也未他說項,小弟實在自愧不如。

不過,小弟認為這件事最「別致」的,是那「夠朋友」還可以理直氣壯以利益代替友情。

Morca:

我呢d真心朋友隨街都係,隨便攞。

C.M. said...

綿綿:

因財失義,定必如此?或許男女有此分別。

男人之間,好多時覺得朋友有難,就算不兩脇插刀,扶他一把實屬無可厚非。只是,萬不要如小弟一樣On居就好。

(坦白說,小弟多了牽挂,已經有點無能為力了,人,還是身邊的最親)

怒火眼睛 said...

嗯, 俾我"小妹上身"一次丫, 見到個老公借錢俾朋友, 假如唔影響身邊的日常生活, 又唔係一而再再而三呢, 我又覺都可以接受喎.

1)錢係你既
2)決定係你既
3)如有損失都係你既
4)最重要既係, 老公係小妹揀既

無越界過火的話, 相信小妹會為你自豪添.

C.M. said...

怒眼妹:

你簡直係男人湯丸呀!無得頂!(必爸或必必咁做你都係咁諗?)

怒火眼睛 said...

....必爸試過勒, 佢D"朋友"同你個D, 同一類黎, 唉. 不過咁, 男人呢, 你唔哦佢, 佢自己會肉痛, 一哦? 佢反而覺你阻佢行義添.

至於必必, 真係唔敢口響, 哎, 俾你搵到位入添.

C.M. said...

入到位?唔係嘛,反而仲食你一記回馬槍添。

做我地呢行,搵位入都係條件反射遮。你咁叻,不如試下?

Geoffrey Kong 江貴為 said...

C.M.兄果然大人有大量,對錢咁睇得開。
查實仲有種人,借咗錢亦都唔好預一定有得還,嗰D人就係你屋企人,不過話哂係一家人,算啦!

C.M. said...

江兄: 查實唔算睇得開,而係希望... 不過你講到屋企人,當然另計喇。點計呢~ 可能係大二分息,九出十三歸卦。