Wednesday, March 12, 2008

為何我不回家...

每晚下班後... 為何我不回家...

睇完阿鶴講咩咩咩之後(雖然仍然唔知講咩咩咩) ,我突然覺得良心發現,唔想繼續瞞你地... 。

我開呢間鋪除左主要係希望有多d機會同人拗頸之外,當然係抒發情感啦。一條友果d 無人明既根本就唔係抒發,而係發癲..... (唏,我咁既年紀係講番咁上下既爛gag架勒,多多包涵。)

而係抒發既同時,其實真係有野想講,希望你分享到小弟既喜悅。似乎,上一篇好多人都分享到。(哈哈,我發覺自己真係要獎勵下自己!)

當你感受到我果片自負、驕傲同得戚,好可能想掟鞋掟雞蛋(唉,唔知香水妹依家點呢?),但係,不招人妒是庸才嘛!哩,黎妒忌我喇,黎啦!

查實 3月9日係阿 Da 生日,所以放工後我冇番屋企,去左第道同眾屋企人一齊慶祝呢日(查實係慶祝大家可以趁機相聚)。呢個,就係我上一篇既真相。

我真係都估唔到,生一個女,除左自己開心之外,仲可以令兄弟姊妹、屋企人、甚至各位都感受到我果種自負、驕傲同得戚(唔好打頭住!),難怪怒眼媽會因詹宏志可惜(... well,即係話以《可惜》作題啫)。

至於點解出呢個post.... 因為頭先比人鬧完/鬧醒,所以都係出黎解解話,費事好似借各位過橋,比我借機抒發呢種亢奮.... 我諗我講完之後,可能仲多人鬧我話幫曾生賣廣告 (On兄,你話係咪?)。

11 comments:

小黃蓉 said...

頭先係有人發癲啫。

C.M. said...

邊個發癲?我?你?都唔係。(若果你話係我呢... 哼)

小黃蓉 said...

唉,你睇,我真係冇用喇,講句咁簡單嘅說話都唔清唔楚。我係話緊我自己咋,點會話你唧,唔驚又俾你話我鬧人咩。

C.M. said...

唏,就算發癲又有咩所謂?

難道真係下下都要完全清醒先至做得人咩... 你個親身經驗已經係證明喇。

阿5 said...

~~~廣告一則, 與原post 無關~~~
話說C.M. N年前想在下寫下教會政治, 其實, 要攻心的地方, 就必須有策略.
用政治來形容, 實在難以掌握.
我只能說, 有些人的作風現實, 有些人的作風理想.
另有一篇與你分享. 係咁.
http://www.xanga.com/goodbon/646337229/item.html

怒火眼睛 said...

原來dada 同我細佬同一日生日架~ 怪不得我歡喜佢啦.

dada爹, 真係開心.

Derek said...

你成日走出街,小心dada大個認得媽媽唔認得你

Old Cake said...

c.m.兄,

Nice try! haha 講吓笑咋

補祝dada生日快樂, 身體健康!

C.M. said...

阿5:

>>些人的作風現實, 有些人的作風理想

我仲以為你唔會寫添。淨係你兩句都幾乎講曬lu。等我搵日寫番先,呢排好多野諗。

不過老實講,你寫既野真係流暢過我一萬倍,我次次都要改好多次。(唔該其他人唔好偷笑)

怒眼妹:

咁蹺?幫我都祝佢生日快樂!

Derek:

嘿,你同我定,佢實會痴住我多過阿Moon。

餅兄:

大家咁話,兼唔洗客氣啦!BTW,你唱歌真係好得!

dog o said...

-_*



(P.S. 香水姐姐昨晚話要濕你一獲! I concur.)

C.M. said...

我凄!

(On兄,真係既哩,我係過來人,生個啦!)