Wednesday, April 30, 2008

影評小解毒

近日有一齣戲好似叫咩... 《路人眼睛的怒火日誌》喎。(片名待定)

唔知呢套戲邊鬼個出錢開拍呢部戲,自編自導。嘿,好似仲有人自演埋添!

頂。

唔該你唔識搵咩人拍,就咪亂黎啦,邊個九唔搭八搵d 鬧劇演員演喜劇、老人遲暮扮青春少艾、無關痛癢扮息息相關、天王歌后飾卑微小眾、高冠巨假客串運吉精英... 真係好一齣親親冇別溫情洋溢既新版滿江紅。

出品人竟然搵番一班平時已經非常好演技既人,去再參演多一次咁既賀歲喜劇,唉,果筒箭不如搵我維園路人甲造好過啦。新意欠奉之餘,又唔識收買人心(即係我),造出黎果d,根本唔係筒箭,而係筒還筒、箭還箭。

睇到火都黎埋。搞到我興合合,直頭想走入播映室拆菲林。

.............

之但諗落,我又唔知點解我會眼火爆喎。

其實我唔應該眼火爆,一場戲遮,洗乜咁認真?又冇人逼我睇呢齣戲... (真係冇?)而且,拆乜鬼菲林丫,我又唔係想上報,可能有人好想睇呢齣戲都未頂呢?國際形象?我真係唔覺得點幫到咩播,你估人地蠢到淨係識得睇外面場戲,睇唔穿你裏面果場咩。講到尾,係人都知咪又係一場成王敗寇既遊戲 ~~ 真係幾老套(我係話我遮)。

正寫本影評之時,好狗朋友忽傳來客串演員資料,好L 震驚。(暗語予狗朋:或者有另一個可能性,就係某人之親戚應該有機會重出江湖)

依家寫完影評,係時候排毒,失陪。

19 comments:

said...

哈...好戲名!好影評!

公司今日派了紅色X國加油貼紙俾我地

難道當日要去客串做茄喱菲?!

dog o said...

(暗語回覆: 你都知到了嗎? 佢親戚現在真係由夏令營轉左去私人別墅, 想信真係好快可以...)

C.M. said...

喵!你番新工未呀?祝你一切順利!

唔... 睇你個情況,仲收埋貼紙添,都應該開工大吉勒。做硬茄喱菲啦你!

****

(暗語回覆:唔知架,我估下咋。你話如果佢親戚仲要留o係夏令營,佢邊有份客串呀,隊都無得佢排呀!)

Karen (Sze) said...

唔止頂, 真係, 妖!

正一小圈子啦!您睇阿老臣梓, 中聯剛同共青英呢d咁o既都可以持火炬, 睇到好多人真係把幾火兼粗話連篇!

>>邊個九唔搭八搵d 鬧劇演員演喜劇、老人遲暮扮青春少艾、無關痛癢扮息息相關、天王歌后飾卑微小眾、高冠巨假客串運吉精英... 真係好一齣親親冇別溫情洋溢既新版滿江紅。

咪一班黑手囉!

D佢地個F呀!

就算有人攪事(尤其係阿老臣梓同中聯剛), 都係抵佢地o架!

而且, 您知本小姐住o個區, 洗太平地不特止, 竟然出通告叫我o地當日唔好曬衫(但係不是跑聖火路線喎)!

仲有, 本小姐的工作機構, 在內部出通告叫我們穿紅衫兼貼有關貼紙; 但又唔係上街支持, 點解要本小姐穿紅衫? 支持的話, 穿甚麼都可以。

本來想放假去睇河上運聖火, 依家改變主意o勒。

當日本小姐會穿黑衫黑褲返工。

勁扯火兼躁, 同您去鴻x堂飲涼茶下火先! 我請您!

(按: 我本身不是爛口之輩, 但真係......忍唔住呀!)

C.M. said...

>>洗太平地不特止, 竟然出通告叫我o地當日唔好曬衫
>>穿紅衫兼貼有關貼紙

坦白講,小弟第一個反應係幾激動 - 有冇搞錯!

係咪「命令」我做野先!
係咪要我做「順民」先!
係咪要我「配合」先!
係咪我唔配合就「邊緣化」我先!

呢d 反應我睇番都覺得奇怪。我唔係奇怪我有咁既反應,而係,點解「我地」呢種人(Well,某種人啦),咁怕政府指點同埋「動員」?點解有d人又響應,而我呢批又咁勞嘈呢?係咪唔鍾意政府「干涉」我既私人生活呢?(我又係咪講得誇張左呢?)

有冇人可以解答小弟疑難?

Derek said...

我都話叫曾憲梓一條友跑哂全程架啦

我實舉腳贊成呀

005 said...

我又覺得唔使咁勞氣既.
好似攪生日咁, 鍾意就參與, 唔鍾意咪話之佢囉. 但搞破壞的話就略嫌無品播.
又唔使要攪到特登著黑衫既, 自己哥日鍾意著乜咪著乜囉.

另外, 跑手名單, 俾你揀, 你又會揀邊個?
我諗你都未必揀到50個.
講真, 運動員既參與, 都係做大茄, 湊夠人姐. 但調返轉諗, 大茄同巨星, 佢地係市民心中又係咩地位先?

binaryman said...

真的很勞氣。很替特區的運動員不值。那些高官富豪平時已經常常見報上電視。這明明是體育界盛事,為甚麼不留多些機會給運動員?不是反對其他界別參與,但參與的應該跟體育有一點關係吧。

這次原本是推廣運動的好時機,卻只顯出特區的單一社會價值觀。體育,只是這個商業社會的宣傳工具。

dog o said...

(暗語: 條友仔...原來一心會請假...holy...)

C.M. said...

大力:

查實你出post無耐我就想和應你架勒,不過我自己衰在太虛偽,講唔出口遮。

又,佢作為愛「國」既中堅分子,我相信佢都應該覺得心滿意足lu。所以又諗住,算啦,人各有智遮(雖然...)。

005:

講真,我知道我真係勞氣過。我反覆諗過點解我曾經勞氣,大概同阿曾老一樣,都係因為「愛國」(=/= 愛「國」)。

>>你又會揀邊個?

咁講,我諗我一定唔會限制自己要揀幾多個,揀到10個就10個,20個咪20個囉。一定要120個或者至少幾多個?唔明。

我覺得應該係講有代表性、有教育意義,唔係鬥多,你話係唔係?(雖則今次主辦機構認為個意義應該集中於「政治教育」)

>>大茄同巨星, 佢地係市民心中又係咩地位先?

或者係既。所以,我都唔明究竟今次奧運對我「個人」又有咩意義...

Binaryman:

嘿,雖則我唔明究竟今次奧運對我「個人」有咩意義,不過我又真係都同你一樣:鄧班運動員唔抵。(當然,「有人」又可以話呢場奧運咪又係比運動界人士「上位」既武林大會,同我地呢班錢臭佬一樣講「利益」...)

>>但參與的應該跟體育有一點關係吧。

好同意。(但你認為應唔應該包括呢項「體育」盛事既贊助商?無佢地可能無咁多運動員有資源/支助做出成績個播。)

>>只是這個商業社會的宣傳工具

同一件事大家各取所需。等如食飯一樣,有人為活命,有人為口福,又有人為應酬客戶。(我係咪睇化左呢?)

(暗語: Holy!唔通佢驚比人點相?定係覺得已經賺夠?定一話係想親戚繼續...?嘩我要掌嘴)

C.M. said...

題外話,今日晏晝,多嘴同事話今次不過係分豬肉遮,唔洗咁勞氣,另一條口痕友聽到,就補充,梗係唔洗勞氣啦,人地分既全部哮喘豬肉,咪有得佢地囉。

Karen (Sze) said...

>>我都唔明究竟今次奧運對我「個人」又有咩意義... 不過我又真係都同你一樣:鄧班運動員唔抵。

同我睇法一致噃(至少還有些退役的運動員, 例如車菊紅, 陳智才同洪松蔭等等)!

又, 今天返工, 又唔多覺d同事著紅衫噃, 所以主席叫我o地班員工著紅衫呢條橋係"唔掂"。

至於我為何變成黑衣人, 一則為呢件事, 二則係同HKEAA有點關連。

005 said...

C.M.:
即係話, 當你不滿這樣的安排同時, 易地而處, 你又會點安排?
你一定唔會限制自己要揀幾多個的話, 咁幾多個先合適? 諸如此類的問題.
當你在不能不攪的大前題下, 你會點做?
可能都係一樣.

就當香港區籌委係受中央指示, 佢地打分工, 放過佢地啦.

Karen (Sze) said...

見您寫得咁好的"影評", 不妨睇埋我在上星期的真人show直擊兼小評下番啖氣啦!

Derek said...

做乜﹖你驚共產黨秋後算帳﹖

C.M. said...

Karen:

我都好想去睇下真人show。

005:

查實你講得好arm(唔係反話)。

因為我都好矛盾,情感上,我真係覺得政府企圖「干涉」我既私人生活;但理性上,我根本唔需要咁上心,因為佢根本干涉唔倒我既私人生活。

講番曾老果筆,點解我唔係Derek度舉腳,就正因為情感上,我嘔哂白泡;但理性上,其實「我唔應該干涉」人地個感情(就算汎濫都好)。如果從好遠咁睇番落黎,呢個係曾老既榮幸,中央對佢既肯定;而成個安排,就係一次配合「中國整體」既大團年飯,唔單係為左香港呢一群小眾做既。

比著我,本著「眾望所歸」既方針,都一樣會安排到有聲有色。所以我紀錄今次我個感情既時候,都一樣係咁矛盾。

Derek:

秋後算帳?輪都未輪到我啦。

我只不過係覺得,無論曾老係幾咁勞嘈、主張鉗制,我都只不過係唔同意佢立場遮。而且,查實佢唔多唔少都反映左我身邊一比較固執既朋友/親人既立場。講真... (都係講住咁多好啦,又開始引發我諗到好多「舉腳」遐想喇)

binaryMuggle said...

C.M.

>>但你認為應唔應該包括呢項「體育」盛事既贊助商?

查實我又吾介意贊助商參與,但贊助商宣傳自己之餘,都會扮支持體育。但衣家那麼Hard sell,好似連「扮」的意圖或企圖都無咯。

都係分豬肉比較貼切。因為我都吾知道這次活動宣傳了些甚麼。

Derek said...

其實你講得啱,不過我冇你咁好修養丫,見親佢就忍唔住口

C.M. said...

BinaryMuggle:

同樣感受。點都好,都想佢地堆砌番d意義,等大家見識下咩叫公關嘛。

Derek:

你咁擡舉我?係我份人虛偽遮,你知唔知我心裏面同曾老講左幾多「小心身體」呀「出入平安」呀... 惡魔再來...