人治部與垃圾桶

相信好多曾經做過廠，或成日同工廠打交道既人，都知道咩叫品質檢查。

品質檢查除左 check 貨（包括半成品、成品、配件等）之外，其實仲要 check 埋人，睇下d人，點樣搬貨、點樣造貨、點樣紀錄。好既，係好多野玩。唔好既，係隨時比人玩。

淨係對住d貨，睇下跟唔跟到個 spec 同 requirement，咁就簡單，經驗好d既跟單 （Merchandiser / CS） 或質檢員（有時喇），仲可以預先知道就算跟足客人個 spec，都未必代表客人滿意，跟手自動自覺提前同個客傾番執漏。呢d可算係頂級人才。

而又有d，唔係淨係睇貨，仲幫公司（或由公司安排）打理埋盤生意，睇下損耗。

造咩貨都要計成本，只識得不計成本果d我認為絕非人才。

大小工廠都有專職人員計算損耗，而好多時，做慣左，就覺得某個損耗率係理所當然。但醒果d，或者新入行，又或者好奇心特別強果d，就相對比老師傅們更鍾意 check 人，而唔係 check 貨。因為佢地好多時都覺得，搞掂倒人，貨就會 OK。呢 part，好多生產 line 長組長就清楚。

若果要 check 人 check 得妥當，其實又應該可以跟多一瓣，但呢一瓣好多人唔敢做，或者唔去做，甚至唔識做： check 垃圾桶。

之所以話，唔敢做，可能係因為驚烏糟；唔去做，因為驚比人話篤背脊；唔識做，係因為學堂無教。

垃圾桶入面可以提供超級多 information 比質檢同生產人員去改善流程，仲可以比跟單知道好多 alternatives 去 serve 個客，甚至可以比到好多資料比人治部去落閘放狗拉人。真係好 Q 多唔生性、唔識性、故意搞亂檔既工人將超級有用既材料掉落垃圾桶，仲有d 加工廠既醒目仔放工之後，去垃圾站執番去賣廢料。

真係乜人都可能隨時要扮鑑証科人員，跳入垃圾堆搜証。

至於 KFC 果單係咪咁既情況，我睇就.... 麻煩d 咯。

另見： 港燦、尹思哲

P.S. 查實阿 Ming 追緊我稿，但又想學馬沙講阿女點報幼稚園.... 都係放個長假抖下先。