Tuesday, March 03, 2009

人到X年冷吼匯豐

到左我咁既年紀,先至開始留意匯豐。

查實,我都唔係第一次接觸股票。唔提起,皆因輸到無謂提咁遮。

況且,呢輪無閑錢,只能夠數手指。

我唔係匯豐擁躉,所以就算有錢,都未必會考慮買。不過我都覺得,匯豐真係抵買,若果佢係$25既話。

之前口口聲同冰冰對賭買put輪,嗯,果刻真係想試下買入。Well,我生人唔生膽,梗係無買啦。(若果真係買左我應該可以執番少少)

不過,姑且寫返我呢排個想法,希望有高人可以指點迷津,等小弟下次可以落場證實下。

**********

當時對賭前,心目中既模擬策略係咁(重申,係模擬策略):

買入中價匯豐熊,再響低位買入中期Call。若果升,隻Call輪就當買保險,若果正股跌(5%),先執隻熊仔,然後等反彈,搏唔洗比保險費。

**********

今日竟然大跌。(好。但隻call點算?)

所以先賣出一半熊仔,再留意往後一兩日,再大跌,賣埋佢。至於隻Call,等天收。

**********

停一停,用今日情況計,正股收市$46.25,ADR紐倫仲低過$44。後市若果....

(1) 唔上唔落。唉,似乎咁樣最閉翳。隻Bear bear唔知賣唔賣好,而隻call又返唔到身....

(2) 繼續跳水!當然最好(唔好打面!)。咁我就可以賣埋剩番既熊,然後再睇下跌幾多,再check RSI-14、暴力家通道、痕指手勢、路邊消息、大戶謊言、街市靚女話題... 如果天時地利人和,就反手買入遠期call,搏中短線反彈!

(3) 極速反彈!咁就先氹心口,痛哭點解唔賣曬隻熊(或開心到彈起醒目賣左半隻)。嗯... 應該唔會補淡倉,繼續睇市場反應。我心諗,如果返到同冰冰對賭開始個價位,應該可以賺少少。

**********

(再重申,呢個係模擬策略下既預計情況,並不構成如何投資或派對邀約)

主觀期望(斷估)未來走勢:三月初繼續尋底格局,至本星期壞消息消化之後,匯控會響$35-$45之間反覆,下星期至月中要視乎外圍走勢。估計港民由於需要籌集供股資金,相信托價資金不多,有利淡友繼續搶攻。以今日好淡雙方爭持情況,眾散戶分別於$47.0 及 $46.5 所築起血肉長城,據觀察,不消兩分鐘已經被沖散,似乎後市沽壓仍然沉重。未來股價於則有望於正式除權後回穩。眾散戶等待相關信號(利好、利淡、轉向任擇)。

(又,係咪買跌既人,出街比人點錯相既機會係咪會高d 呢?)

**********

仲有,我覺得「碎股」呢,完全唔應該係供唔供股,或係咪平生第一次買匯豐(我自己都有可能架)既考慮。

原因好簡單,買得匯豐既棒場客,都係一心諗住放長雙眼,等派息換股既遮。既然換返黎果d九成九係碎股,又點會介意係都要買入3手既倍數話怕有碎股嘖。係咪先?

**********

有冇高手師兄師姐可以指點下小弟此策略如何?

**********

(又,有冇老闆請八卦財經寫手?)

**********

其他少年、青年、X年一齊講匯豐:

今估匯|養男人?|無所謂?|供唔供?|訪問|暫且告別|劈腿心態

10 comments:

Marshmallow said...

唉... 全民眥估, 一味靠估!!

安諾勿斯 said...

唔好用輪來玩put spread,賺多多都係畀哂啲輪商…

Hana said...

衰人吖!我暈暈哋了嘛!總贈興?想柿吖?

我識襯所有掂過輪嘅人都係先贏後輸最後洗手。

又:睇賽馬我次次開口中呃邊隻邊隻就出,唔win都中Q,但一買落去就撻Q...


hehe

篤篤篤撐 said...

HSBC真係好, 一出就全民皆估, 冇人睇bow tie, bow tie呢次最開心...

Hana said...

人係會變嘛!結咗婚都可以離婚啦!最新有"笨象要食蕉"

C.M. said...

綿綿,

無辦法喇,小股民咋,唔通話分析咩。


安兄:

請問咩叫put spread呀?(有冇call spread架?)

查實我今日計下數,發覺呢個策略都幾危,有冇更好既辦法呢?


冰冰:

o_O||

Errr... 我興之所至,玩下sandbox,唔係贈慶架。(又,我都知道輪呢傢野,真係散戶墳場,我呢就...)

>>但一買落去就撻Q...

我突然諗,若果以後都同你對賭,你會唔會晤高興呢?

C.M. said...

篤撐兄:

哈哈哈,我都係咁話。難怪政府咁著重金融業。

冰冰:

笨象要食蕉乎?

講返轉頭,查實我係因為結錯左好多次婚,比左好多贍養蕉,所以決定只係拍散拖算勒,長拖都要諗諗。

(又,雖然依家中午收市43.95,但我個模擬策略應該要等到41.00,先會考慮沽出剩餘既熊仔;然後待39.00先反手入call,如何?)

Bittermelon said...

其實有無機會真係好似德意志咁講會落到$37.5?

C.M. said...

嗯... 若果會反彈返上去$50以上水平,無所謂卦。。。

我覺得越插得深,小股民反而越多機會可以趁機執平貨(係咪等除權後跳水再反彈仲好呢?)。

今日收到輝立份廣告,話12個月目標价都係得$38.6。淡風吹得好厲害。

C.M. said...

(忙裏偷閒)

遺漏了一點:恆指比重調整。模擬策略今天賣出剩餘熊証,不買任何認購証,待局勢明朗。