Friday, March 27, 2009

菜蟲軼事

話說百彈齋主、粟米公子與椰林道人三人結伴同往有機農圃,一嚐即採即吃的滋味。

「阿椰,拿,你第一次黎,等我話你知,呢個菜場款式多,又新鮮嫩口,包你試過番尋味。」

「嘿,試過至知。我有名你叫,唔係條條菜都躉得入口既。」

「喂你地兩個唔好講住先喇,阿老闆等緊呀。」粟米公子打斷兩人話柄。(補按,老闆叫無菜不歡)

「唏,唔緊要!唔緊要!最緊要幾位老細啱心水,至重要食得開心嘛。幾位老細,有冇咩心水菜式呢?」

「阿粟,你黎過呢度咁多次,有咩好介紹呀?」

「唔,等陣先喇,我地不如入去,沖乾淨對手先,然後再慢慢揀,好無?」

「都好,日頭曬到成身興,沖下都好,by the way 呢度洗唔洗自己帶帽?」阿椰好天真。

「你係咪第一次出黎摘菜呀,梗係有人同你戴喇!」

「唏,我唔係話會唔會有人同我戴呀,我係問呢度有冇帽供應呀?」...仲好白痴。

「打得少牙!免費任戴呀得未!?」阿百勞嘈得有理。

「喂!咋咋林喇,嗮曬d 時間!」阿粟開始唔耐煩。

十分鐘後。。。。。

「點呀,跟住點呀?」

「簡單。睇住..... 無老闆,餐牌丫.... 今日有咩廚師推介?」

「老細你好彩勒,我地啱啱入左件當造俄國菜,絕對係白菜中既靚白菜。另外仲有新到既日本菜,包你食到 lam lam 脷。仲有一批新鮮本地菜,唔洗生保,最緊要環保。」

「阿椰,你新黎新豬肉,比你揀先勒」

「咁牙,人一世物一世,幾歹要試下飛機餐!我要俄國菜!」

「阿百,我呢度熟路,俾你揀先。」

「.... 老闆,我叫百彈齋主,日本菜係咪真係 Ichiban 先,若果唔係?!咪話我唔彈到你飛起呀。」

「哈哈哈,老細放心,總之包你話正啦。」阿毛似乎口不對心,面微露不悅之色。

「幾位老細,洗唔洗試下頭盤先呢?家陣除左可以特價享用田園沙律,我地仲會送兩張 Q旁五折買套園藝工具,好多老細都買返屋企玩架。」

「.... 得得得,下次再幫襯,依家即刻帶我地落農地試菜!」

兩小時後。。。。。

「頂,又話九両嫩菜,原來成斤中菜!」

「算啦,週不時都遇到扮上菜既情況既,唔太差咪算囉。我幾乎菜乾都試過喇。」

「哈,我果餐係上湯留美菜,唔錯唔錯。」

「喂,等陣,唔識你喎,你邊位?」

「我 ...... 搭訕遮。」


頂,條友搞乜摘菜摘咁耐架?!

13 comments:

005 said...

古靈精怪.

C.M. said...

先排睇到 Roadshow,有天文臺長同盧冠廷講環保,咁咪諗住寫個引子先囉。之後得閑再講。

On Dog said...

CM兄: 記起N年前既... 2.X!

Chika said...

果然好有田園風味呀... 不過咁,小心遇著D微金菊,會自動纏住D菜兼亂咁生的...

仲有仲有,郊外好多野生動物的,最好食返兩碗夜粥補補身先。

xiao zhu said...

哇哈哈哈哈哈哈......畀人話古靈精怪!哈哈哈哈!

火鶴 said...

吓?? 人一世物一世, 幾歹都係試個飛機餐咋??

咁就食硬又靭又黃嘅翻叮老菜啦.

獅子皇 said...

哈哈哈‧‧‧令我諗起〝大丈夫〞既網吧事件!

s-pig said...

原來如此...

HollyCow said...

http://hollycowplanet.spaces.live.com/blog/cns!8C175A4F3A013628!1002.entry
寫你的。

C.M. said...

昂兄:

咩遮,田園故事,如有雷同,實屬好彩。(返到屋企我竟然知道原來係「邊個」有疑問,哈哈。)

智嘉兄:

係播,有微金菊播,我諗d園長會曉得用除草劑卦。哦,果d有機農圃應該幾安全,唔會隨便有野生動物走入黎既。(哈哈哈,仲有,你真係玩得我地透勒!多謝你杯Fruit Punch shot!下次再黎!)

小珠:

哈哈哈哈哈。(哼,有你好受)

C.M. said...

阿鶴:

都得,反正好又一餐,唔好又一餐嘖。

皇兄:

疑問?!咩係「大丈夫」既網吧事件?比貼士!

s-pig:

呵呵呵,想不到原來如此國色。(不過又,真係好熟口面... )

Holly:

Your will, sire.

獅子皇 said...

CM 兄,

唔通你冇睇過好幾年前既呢套戲〝大丈夫〞?成套戲係講班有婦之夫去偷食,跟住班太太想捉姦,講佢地既鬥智鬥力,好好睇;其中一段就係講佢地去色情網吧,網吧老細係詹瑞文扮,好正,但係我覺得你冇奶油冇睇過既。

我地而家成日都會同 D 結左婚又有小朋友既 Friend 講,〝九叔,下次我地會帶本老爺車俾你架喇!〞。

C.M. said...

皇兄:

嘿,好似有d印象... 好可能係我同豬朋狗友偷偷地去戲院睇... hehe。