Thursday, April 09, 2009

再搞對抗前的雜務

負隅頑抗

查實我仲寫到興恰恰,唔停得手,不過呢排頭昏腦脹,要d時間整理一下點樣對抗先至好,所以復活節返黎再講。

作家、寫手

點講都好啦,有人叫自己鍾意既做作家,又有人叫黑自己憎既做寫手。嗯,小弟雖然唔係個個都鍾意,但都一般統稱做作家,Well,鍾意既係作家,唔鍾意既係「作」家。

小弟其實都幾敬重唔少blogger,好似AK呀、歌德呀咁,不過就老實講,唔係好敬重佢地好似好敬重果位「練生」勒。小弟唔係話想點火頭(就算真係點著左,都無計),但觀乎練生,係文筆好、又精辟獨到,不過,我硬係接受唔到佢。

查實,有冇人可以話我聽,點解你地咁敬重佢呢?

藥到病除

作為病人,係咪應該多少得到一些合理的遷就或者係寬容?

有病,請病假無咩唔妥丫。

有病,做野慢合情合理遮。

有病,仲死撐返公司係咪應該獲得嘉許呢?

有病,返到屋企等人服侍係咪天經地義先。

有病,入錯女更衣室都唔洗大嗌假,何況我仲推埋阿女入去添。

有病,再入錯女廁,就證明我真係有病喇。

唔該,唔好歧視病人啦,我都有人權架。

9 comments:

Juicy Runners said...

問題係, 有病。

你,唔應該,有病,羅!

xiao zhu said...

問題係,有病。

你,成日都,有病,架啦!

Hana said...

問題係,有病。

你,係唔係,有病,架啦!

ak said...

C.M.兄,

其實...有病,都唔係問題...

不過,假借有病之名,將自身化為「受害者」以乞討差別待遇,則大有問題...(乘機入女更衣室實在是太「不該」了...)

觀乎這兒的變化,在下相信你都病左一段日子,而且有病情加深既跡像,看來是無得救的了...

xiao zhu said...

嗱,唔係淨係我咁講喇。

C.M. said...

阿昂: 你,查實,應該,寬容d,囉。

小蛛: 你,唔該,更加,厚道d,囉。

冰冰: 你,仲有,唔好,踩多腳,囉。

AK: 你呀,也著實太不該了。所以今天也來了點變化,告訴你是如何不該呀。我呀,病已經夠不該了,不但沒有半點同情,反遭連番責難。你試試看吧,入了女更衣室後三天再進女廁,那是一種比女兒虐打更含冤受屈的不該事呀。嗚嗚嗚。(下次再食豬手!正!)

C.M. said...

小蛛: 好,你以後的名字已經被改為小蛛了。(上訴無效。終審判決,不得異議。)

佚名 said...

e~但c.m.真係成日病wow,c.m.要有適當休息啊!

C.M. said...

謝謝你小佚。前天從澳門回來,方才睡了18個鐘,應該算休息了。